હત

દીકરાના આરોપો પર કુમાર સાનુ બોલ્યા, મારો બંગલો આપી દીધો હતો પણ જ્યારે કોરોના સામે લડી રહ્યો હતો ત્યારે કોલ પણ ન કર્યો

www.divyabhaskar.co.in |

'બિગ બોસ'થી બેઘર થયેલા જાન કુમાર સાનુએ તેના પિતા કુમાર સાનુ પર ગંભીર આરોપ લગાવ્યા છે. જાને તો ત્યાં સુધી કહી દીધું કે કુમારે તેની માતા રીટા અને તેના માટે કઈ નથી કર્યું માટે તેના ઉછેર પર કમેન્ટ કરવાનો કોઈ હક નથી. હવે કુમાર સાનુએ દીકરાના આ આરોપોના જવાબ આપ્યા છે. પોતાનું દુઃખ શેર કરતા કહ્યું કે તેની માતા જે પણ ઇચ્છતી હતી મેં તે બધું કર્યું, તેમ છતાં એવું કહેવામાં આવી રહ્યું છે કે મેં કઈ નથી કર્યું તો મારી પાસે દરેક વસ્તુનો પુરાવો છે.

પહેલા કુમારે પોતાની વાત ફરી કરી
કુમારે કહ્યું, લોકોએ આ વીડિયો ફરીથી જોવો જોઈએ, મેં કહ્યું હતું કે નાલાયક વાતો કરવી ન જોઈએ. મેં તેને નાલાયક નથી કહ્યો. બીજી વાત એ કે આ જરૂરી છે કે મહારાષ્ટ્રમાં રહીને મહારાષ્ટ્રીયન્સનું સન્માન કરે. અને આ જ વસ્તુ તેને શીખવવાની હતી. આ જ વસ્તુ મેં કહી હતી, ઉછેર વિશે નહીં. તેનો ઉછેર ઘણો સારી રીતે થયો છે.

હવે દીકરાને ક્યારેય નહીં મળું- કુમાર
ત્યારબાદ કુમારે એ વાત પર પ્રતિક્રિયા આપી જેમાં જાને કહ્યું હતું કે મેં તેને મારા નામ સિવાય કઈ જ નથી આપ્યું. મેં તે લોકોને કોઈ સપોર્ટ નથી આપ્યો, આ સાંભળીને મને ઘણું દુઃખ થયું છે. બની શકે છે કે તે નાનો હોય એટલે તેને ખબર નહીં હોય કે જ્યારે 2001માં મારા ડિવોર્સ થયા ત્યારે મેં તેની માતાએ જે પણ કઈ માગ્યું તે બધું આપ્યું હતું. તેમણે કોર્ટ મારફતે જે પણ માગ્યું તે બધું આપ્યું, ત્યાં સુધી કે મારો બંગલો આશિકી પણ. મારો દીકરો મને મળતો રહેતો હતો પણ હવે તે ઇચ્છશે તો પણ નહીં મળું.

કુમારે શેર કરી ઘણી વાતો
પોતાના દીકરા સાથેના સંબંધની વાત કરતા સાનુ બોલ્યા, જ્યારે તેને મને કહ્યું કે બાબા અમને શોમાં લો, તો અમે તેને શોમાં લઈ લીધો. તેણે કહ્યું બાબા અમને મ્યુઝિક ડિરેક્ટર, પ્રોડ્યુસર સાથે મળાવો. તો હું તેને મહેશ ભટ્ટ, રમેશ તોરાની અને બાકી ઘણા લોકો પાસે લઇ ગયો, જેને હું લાંબા સમયથી જાણતો હતો. હવે જો તે લોકો કામ આપે કે નહીં તે તેના ઉપર છે, આ તેના ટેલેન્ટ પર નિર્ભર કરે છે, હું તેમાં કઈ નહીં કહું.

કોરોના સામે લડી રહ્યો હતો ત્યારે કોલ પણ ન આવ્યો
આગળ કહ્યું, તમે જ જણાવો આટલું બધું થયા પછી પણ શું મેં તેને મારા નામ સિવાય કઈ નથી આપ્યું. તે જ્યારે નાનો હતો ત્યારે તેના ઘરમાં કોઈ કમાનાર ન હતા. આવામાં આ બધું સાંભળીને ઘણો દુઃખી છું. આટલું જ નહીં જ્યારે મને કોરોના થયો હતો, મને તે ઘરથી એકપણ કોલ નથી આવ્યો, હજુ સુધી નહીં. જાને પણ મને અત્યાર સુધી કઈ નથી પૂછ્યું. પ્રેમ વન સાઇડેડ ન હોય અને તાળી એક હાથથી નથી વાગતી.

Download Dainik Bhaskar App to read Latest Hindi News Today


Kumar Sanu Reacted On His Son Jaan Kumar Sanu’s Allegations How Is It True That Beside My Name I’ve Given Nothing

Source

લાખો લોકોને શેરબજારનો ચસ્કો લગાડનાર એક ગુજરાતી હતો..

www.gujaratsamachar.com |

દેશના લાખો લોકોને શેરબજારનો ચસ્કો લગાડનાર કોઇ હોય તો તે હર્ષદ મહેતા છે. તેને કૌભાંંડી તરીકે ભલે ચિતરાય પણ શેેર બજારમાં ખઇ બદેલા સ્થાપિત હીતોની આંખે હર્ષદ મહેતાએ પાણી લાવી દીધા હતા. શેર બજારમાં જોખમી રોકાણ કરનારા દરેક હર્ષદ મહેતાનું મીની રૂપ છે એમ માની લેવું જોઇએ. શેર બજારમાં આંધળૂકીયો સટ્ટો રમનારા પણ હર્ષદ મહેતાજ હોય છે. જ્યારે લોકો શેેરબજારમાં મોટું રોકાણ કરે છે ત્યારે તેનું કટુંબ કહે છે કે જો જો હર્ષદ મહેતા જેવું ના થાય. 

શેર બજારને સટ્ટા હજાર તરીકે ચીતરવાનો જશ હર્ષદ મહેતાને મળી શકે એમ છે. કેટલાક લોકો એમ માને છે કે બિગબુલ હર્ષદ મહેતાને હિરો તરીકેને ચીતરવામાં આવી રહ્યો છે તે ખોટું થઇ રહ્યું છે. એક વેબ સિરીઝ મારફતે હર્ષદ મહેતાનું જીન ફરી બહાર કઢાયું છે. હર્ષદ મહેતાને કેટલાકે નાયક કહ્યો છે તો કેટલાકે ખલનાયક કહ્યો છે. હકિકત એ છે કે આ બી.કોમ પાસે આર્થિક ક્ષેત્રના નિષ્ણાતોને માથું ખંજવાળતા કરી દીધા હતા. જ્યારે હર્ષદ મહેતાનો અસલી ચહેરો બહાર આવ્યો ત્યારે લોકો મોંમાં આંગળા નાખી ગયા હતા.  ત્યારનું ૧૯૯૨નું કૌભાંડ ૨૮ વર્ષ પછી ફરી લોકોની નજરમાં લવાયું છે. આવું જરૂરી એટલા માટે છે કે નવી પેઢી તે સમજી શકે .આ એ સમય હતો કે જ્યારે મોબાઇલ કે ઇન્ટરનેટ નહોતા.

બજાર પણ ઓનલાઇન નહોતું. હર્ષદ મહેતા જેવા ગણત્રીબાજ શેરબજારીયાઓ પણ નહોતા. બધું શુષ્ક-શુષ્ક ચાલતું હતું. ટોચના ચાર પાંચ દલાલો માર્કેટમાં રમ્યા કરતા હતા. તે કોઇને ફાવવા દેતા નહોતા. હર્ષદ મહેતાને એન્ટ્રી વખતે નસીબે સાથ નહોતો આપ્યો હતો. હર્ષદ મહેતાએ જ્યારે પહેલો સોદો કર્યો ત્યારે તે ફ્લોપ ગયો હતો અને  પૈસા મુકવાનો વારો આવ્યો હતો. કહે છે કે બે-ત્રણ સોદા પછી હર્ષદ મહેતાને ખબર પડી હતી કે પૈસા સિવાય શેર બજારમાં પગ જમાવી શકાય એમ નથી. ગામના પૈસે ધંધો કરવાનું એટલા માટે નક્કી કર્યું હતું કે પોતાની પાસે કોઇ પૈસો નહોતો.

જ્યારે જ્યારે શેરબજારમાં કોઇ મોટી ઉછળકૂદ થાય છે કે કોઇ મોટો કડાકો થાય છે ત્યારે ત્યારે હષર્દ મહેતા યાદ આવે છે. હર્ષદ મહેતાના કારણે ઘણા લોકો કમાયા છે અને રોયા પણ છે. હર્ષદ મહેતા એ વ્યક્તિ છે કે જેના કારણે લોકો શેરબજારમાં પૈસા રોકતા થયા હતા. કેટલાક શેર બજારને ઓળખતા થયા હતા.

તે સમયે લોકો બંેકોમાં મુકેલો પૈસો બહાર કાઢીને શેેર બજારમાં લગાવતા હતા. હર્ષદ મહેતા નહોતો જુગારી કે નહોતો સટ્ટાબાજ. તેના કુટુંબમાં કોઇ શેરબજારને સમજતું નહોતું. રોટલી દાળભાત ખાઇનેે રહેતું હસતું મધ્યમવર્ગનું ગુજરાતી કુટુંબ ક્યારેય પૈસાદાર થવાનું કે કોઇ જોખમ ઉઠાવવાનું સપનું પણ નહોતું જોતું.

હર્ષદ મહેતા બાહોશ એટલા માટે થયો કે તેની પાસે શેરબજારમાં રોકવાના પૈસા નહોતા એટલે તે ગામના પૈસે ધંધો કરવા ટેવાઇ ગયો હતો. પૈસા હોય તો કેટલીક સ્ક્રીપ્ટ પોતાની રીતે ચલાવી શકાય છે એમ જાણી ગયેલા હર્ષદ મહેતા બજારમાંથી પૈસા શોધવા નિકળ્યા ત્યારે બેંકોના નિયમેા અને ફાયનાન્સ ક્ષેત્રે ચાલતા લુપહોલ્સ તેમની નજરમાં આવી ગયા હતા. આ લુપહોલ્સમાં આંગળી કરીને તેમણે માખણ કાઢ્યું હતું. હર્ષદ મહેતાએ બેંકોને સમજાવ્યું હતું કે મને પૈસા આપવામાં તમારે કંઇ ગુમાવવાનું નથી. તે સમયના બેંકના વહિવટકારો તેની વાતમાં આવી ગયા હતા અને હર્ષદ મહેતા ધારે તે સ્ક્રીપ્ટને ઉંચી લાવતો હતો અને પછાડતો પણ હતો. ત્યારે શેરબજાર હકીકતે સટ્ટાહજાર બની ગયું હતું. 

જ્યારે શેરબજારના બે-ચાર રસિયાઓ ભેગા થાય ત્યારે તેમની વચ્ચેની વાતો થતી જોઇને એમ લાગે કે આ બધા હર્ષદ મહેતાના વંશજો છે. આ લોકો એકના દશ કરવાની વાતો કરતા હોય છે. તેમની વાતો સાંભળીને નજીક ઉભેલા કોઇ પણ પૈસા કમાવવાના સપનાં જોવા લાગે છે અને ડીમેટ એકાઉન્ટ ખોલાવીને  શેર માર્કેટમાં ઝંપલાવે છે. શેર બજારને ડુંગર દૂરથી રળીયામણાં સાથે સરખાવી શકાય. ધીરજ અને મક્કમ રહેવાનો ગુણ વિકસાવ્યા પછી શેર બજારમાં પ્રવેશ કરવો જોઇએ. લોકોને ઉંચું બજાર ગમે છે પણ તૂટતું બજાર ઘણાને સ્ટ્રોક લાવી દે છે. હર્ષદ મહેતાને આદર્શ બનાવી શકાય નહીં તેની સ્ટોરી કચકડામાંજ સારી લાગે હર્ષદ મહેતા જેવા પ્લાનીંગ વિચારી શકાય પણ તેને અમલમાં ના મુકી શકાય.

Source

મંદાના કરીમીએ પ્રોડ્યુસર મહેન્દ્ર ધારીવાલ પર હેરેસમેન્ટનો આરોપ મૂકી કહ્યું, ‘કપડાં ચેન્જ કરતી વખતે તે વેનિટી વેનમાં ઘૂસી ગયો હતો’

www.divyabhaskar.co.in |

‘બિગ બોસ 9’ પછી ચર્ચામાં આવેલી મોડલ અને એક્ટ્રેસ મંદાના કરીમીએ પોતાની ફિલ્મ ‘કોકા કોલા’ના પ્રોડ્યુસર મહેન્દ્ર ધારીવાલ પર જાતીય સતામણીનો આરોપ મૂક્યો છે. મંદાનાએ કહ્યું કે, ‘હું જ્યારે વેનિટી વેનમાં ડ્રેસ બદલી રહી હતી ત્યારે મહેન્દ્રએ અંદર આવીને મારી સાથે અડપલા કર્યા હતા. આ ઘટના દિવાલી પહેલાં એક દિવસ 13 નવેમ્બરની છે.’

મંદાનાએ એક વાતચીતમાં કહ્યું કે, ‘હું હજુ શોક છું, મારી સાથે શું થયું? ‘કોકા કોલા’ પર કામ કર્યાને એક વર્ષથી વધારે સમય પસાર હૈ ગયો છે. મને શરુઆતથી આ ટીમ સાથે કામ કરવામાં તકલીફ થતી હતી.’

મહેન્દ્ર ધારીવાલના વિચાર જૂના અને પુરુષપ્રધાન છે. સેટ પર કોઈ એક વ્યક્તિના ઈગો પર કામ કરવું કોઈ નવી વાત નથી, પરંતુ 13 નવેમ્બરની ઘટનાથી હું હલી ગઈ છું.

વધુમાં એક્ટ્રેસે કહ્યું, ‘શૂટિંગનો છેલ્લો દિવસ હતો અને હું મારું બધું કામ પૂરું કરવા માગતી હતી કારણકે મારે કોઈને મળવા જવાનું હતું. શૂટ પૂરું થયા પહેલાં પ્રોડ્યુસરે મને એક કલાક વધારે રોકવા કહ્યું. તે મારા માટે શક્ય નહોતું. શૂટ પૂરું થતાની સાથે હું ચેન્જ કરવા વેનિટી વેનમાં ગઈ અને સ્પોટબોયને કહ્યું કે અંદર કોઈને આવવા ના દે. મને લાગ્યું કે દરવાજો બંધ છે, પણ તેવું નહોતું. હું ચેન્જ કરી રહી હતી ત્યારે મહેન્દ્ર અંદર આવ્યો. મેં તેને બહાર જવા માટે વિનંતી કરી, પરંતુ તે ના ગયો અને બૂમો પાડતો રહ્યો. નસીબજોગે સ્ટાઈલિસ્ટ (હિતેન્દ્ર કપોપરા) ભાગતો અંદર આવ્યો અને વાત બગડે તે પહેલા જ ધારીવાલને ધક્કો મારીને કાઢી મૂક્યો.’

મહેન્દ્રએ કઈક અલગ જ સ્ટોરી કહી
મંદાનાના આરોપ પર ચોખવટ આપતા મહેન્દ્ર ધારીવાલે અલગ જ સ્ટોરી કહી. ધારીવાલે કહ્યુ, ‘અમે મંદાનાને 7 લાખ રૂપિયામાં સાઈન કરી હતી, પરંતુ જ્યારે શૂટિંગ શરૂ થયું અને સતત ચાલતી રહી તો મંદાનાના નાટક વધી ગયા. જેમકે અમે દિલ્હીમાં શૂટિંગ કરી રહ્યા હતા અને તેણે એક દિવસમાં રિટન આવવાનું હતું. ત્યારે તેણે 2 લાખ રૂપિયાની ડિમાન્ડ કરી.’

લોકડાઉન બાદ ફરી શૂટિંગ શરૂ કરવાનું પ્લાનિંગ કર્યું તો તેની ડેટ જાણવા માટે સંપર્ક કર્યો. ત્યારે તેણે કહ્યું હતું કે તે વ્યસ્ત છે. તેણે તે નવી ડેટ્સ માટે 2 લાખ રૂપિયા પ્રતિદિવસની માગણી કરી. તે પૈસા એડવાન્સમાં માગતી હતી અને તેને આપવામાં પણ આવ્યા હતા.

છેલ્લા દિવસે શું થયું હતું?
શૂટના છેલ્લા દિવસની સ્પષ્ટતા કરતા ધારીવાલે કહ્યું કે, શિફ્ટ સવારે 9 વાગ્યાથી રાતે 9 વાગ્યા સુધી હતી, પરંતુ 8 વાગ્યા એટલે એક્ટ્રેસ વેનિટી વેનમાં ચાલી ગઈ. ધારીવાલ પ્રમાણે, તેઓ મંદાના પાછળ એટલા માટે ભાગ્યા કે તેઓ શૂટિંગ હજુ પણ આગળ લંબાવી શકતા નથી કારણ કે તેઓ નુક્સાનમાં છે.

તેઓ કહે છે કે, ‘તે સમજવા માટે તૈયાર ન થઈ અને પેકઅપ કરવા લાગી તો હું ગુસ્સે થઈ ગયો. તેના પર મંદાનાએ મારો વીડિયો બનાવવાનો શરૂ કર્યો. તેને વેનિટી વેનમાં ગયાની 10-15 સેકન્ડ બાદ હું અંદર ગયો અને એન્ટ્રી સમયે દરવાજો પણ ખખડાવ્યો હતો. તેણે મને અંદર આવવા કહ્યું હતું.

પબ્લિક બાહર ઊભી હતી અને હું વેનની સીડી પર ઊભો હતો. મેં તેને વધારાની 15 મિનિટ આપવા માટે નિવેદન કર્યું, પરંતુ તેણે નાટક શરુ કર્યા તો મને ગુસ્સો આવી ગયો. ત્યારબાદ તે શૂટિંગ ફ્લોર પર આવી અને તેણે મારો વીડિયો બનાવવાનો શરૂ કર્યો. સેટ પર ઘણા લોકો હતા. જે એ વાત પુરવાર કરી શકે છે કે હું સાચું કરી રહ્યો હતો. ’

Download Dainik Bhaskar App to read Latest Hindi News Today


Mandana Karimi Alleges Producer Mahendra Dhariwal Harassed Her On The Set Of Koka Kola

Source

સુશાંત સિંહ રાજપુત કેસમાં ઇડીને મળ્યો મહત્વનો પુરાવો, ફિલ્મ માટે કરાયું હતું કરોડોનું પેમેંટ

gujarati.oneindia.com |
સુશાંતસિંહ રાજપૂત કેસની તપાસ ફરી એકવાર તીવ્ર બની છે. અભિનેતા સુશાંત સિંહ રાજપૂતના પિતા દ્વારા દાખલ કરવામાં આવેલી એફઆઈઆર બાદ તપાસ કરનારા એન્ફોર્સમેન્ટ ડિરેક્ટોરેટ (ઇડી) ને મોટો ચાવી મળી છે. આ ચાવી સુશાંતને કરાયેલી કરોડો રૂપિયાની ચુકવણી અંગેની છે. મીડિયા રિપોર્ટ્સ

Source

મોના સિંહે લગ્નના 4 વર્ષ પહેલાં એગ્ઝ ફ્રીઝ કરાવ્યા હતા, કહ્યું- મેન્ટલી તૈયાર થઇ જઈશ ત્યારે બાળક વિશે વિચારીશ

www.divyabhaskar.co.in |

'થ્રી ઈડિયટ્સ', 'જસ્સી જૈસી કોઈ નહીં'માં કામ કરી ચૂકેલી એક્ટ્રેસ મોના સિંહે તેની લાઈફ સાથે જોડાયેલો મોટો નિર્ણય લગ્ન પહેલાં જ લઇ લીધો હતો. મોનાએ ગયા વર્ષે શ્યામ ગોપાલન સાથે લગ્ન કર્યાં હતા. ત્યારે તેની ઉંમર 38 વર્ષ હતી. પણ મોનાએ 34 વર્ષની ઉંમરે જ એગ્ઝ ફ્રીઝ કરાવી લીધા હતા.

લગ્નનાં 4 વર્ષ પહેલાં નિર્ણય લીધો હતો
મોનાએ ઈ ટાઈમ્સને આપેલા ઇન્ટરવ્યૂમાં જણાવ્યું કે, મેં 34 વર્ષની ઉંમરે મારા એગ્ઝ ફ્રીઝ કરાવી લીધા હતા અને હવે હું ફ્રી છું. કારણકે હવે મારા લગ્ન થઇ ગયા છે માટે હું મારા પાર્ટનર સાથે દુનિયાભરમાં ટ્રાવેલ કરીશ. મેં હજુ સુધી એવું નથી કર્યું, હંમેશાં મારા પરિવાર અને મિત્રો સાથે જ મુસાફરી કરી છે. હવે હું મારા પતિ સાથે ટ્રાવેલ કરવા ઈચ્છું છું કારણકે આ એક અલગ અનુભવ હશે. આટલું જ નહીં મને બાળકો ગમે છે. પણ તમે જો મને પૂછો તો હું અત્યારે આના માટે માનસિક રીતે તૈયાર નથી. થોડા સમય પછી હું નિશ્ચિતપણે આ વિશે વિચારીશ.

માતાના સપોર્ટ સાથે નિર્ણય લીધો
મોનાએ કહ્યું કે તેના આ નિર્ણયને માતાનો સપોર્ટ મળ્યો હતો. મોનાએ કહ્યું, મારી માતાએ જ્યારે આ વિશે સાંભળ્યું કે મેં એગ્ઝ ફ્રીઝ કરાવવાનો નિર્ણય લીધો છે તો તે ઘણા ખુશ થયા. અમે બંને પુણેમાં મારા ગાયનેકોલોજિસ્ટ પાસે ગયા. આ પ્રોસેસમાં 5 મહિના લાગ્યા અને હવે જેમ મેં પહેલાં કહ્યું એમ હું ફ્રી છું.

પતિ સાથે આવું બોન્ડિંગ છે
મોનાએ આગળ કહ્યું કે, લગ્ન પછી ઘણી બધી વસ્તુનો અનુભવ પહેલીવાર થયો. લગ્ન પહેલાં હું ગૌરવ સાથે જ મારી બધી વસ્તુ શેર કરતી હતી અને હવે મારા પતિ છે. તે મારા બેસ્ટ કમ્પેનિયન છે અને ઘણા સારા લિસનર પણ છે. હું એક ઓલ્ડ સ્કૂલ કાઈન્ડ પર્સન છું. અમે બંને એડજસ્ટ કરી રહ્યા છીએ. અમારી ખુદની પસંદ- નાપસંદ હોય છે. અ મે બંને સ્ટ્રોંગ છીએ. એકબીજાનો આદર કરીએ છીએ.

Download Dainik Bhaskar App to read Latest Hindi News Today


Did You Know That Mona Singh Got Her Eggs Frozen At The Age Of 34

Source

ફિલ્મ 'સાંડ કી આંખ'ની પ્રોડ્યૂસર નિધિએ લૉકડાઉનમાં 42 લીટર બ્રેસ્ટ મિલ્ક ડોનેટ કર્યું, ફેબ્રુઆરીમાં દીકરાને જન્મ આપ્યો હતો

www.divyabhaskar.co.in |

લૉકડાઉન દરમિયાન બોલિવૂડ સેલેબ્સે પૈસા, કરિયાણું, ફૂડ પેકેટ્સ, માસ્ક, PPE કિટ, સેનિટાઈઝર જેવી અનેક વસ્તુઓ દાનમાં આપી હતી. જોકે, એક એવી પણ બોલિવૂડ સેલિબ્રિટી છે, જેણે નવજાત શિશુઓને બચાવવા માટે 42 લીટર બ્રેસ્ટ મિલ્ક ડોનેટ કર્યું હતું. તાપસી પન્નુ તથા ભૂમિ પેડનેકર સ્ટારર ફિલ્મ 'સાંડ કી આંખ'ની પ્રોડ્યૂસર નિધિ પરમાર હિરાનંદાનીએ એક ઈન્ટરવ્યૂમાં આ ડોનેશન અંગ વાત કરી હતી.

ફેબ્રુઆરીમાં દીકરાને જન્મ આપ્યો હતો
નિધિએ આ વર્ષે ફેબ્રુઆરીમાં દીકરાને જન્મ આપ્યો હતો. નિધિના મતે, દીકરાને દૂધ પીવડાવ્યા બાદ તેને ખ્યાલ આવ્યો કે ઘણું બધું દૂધ વેડફાઈ રહ્યું છે, કારણ કે દીકરો પૂરતું દૂધ પીતો નહોતો. ધ બેટર ઈન્ડિયા સાથેની વાતચીતમાં નિધિએ કહ્યું હતું, 'મેં ઈન્ટરનેટ પર વાંચ્યું હતું કે જો ફ્રિજમાં યોગ્ય રીતે બ્રેસ્ટ મિલ્ક સ્ટોર કરવામાં આવે તો તે ત્રણથી ચાર મહિના સુધી સારું રહે છે.'

મિત્રોના સજેશન પસંદ ના આવ્યા
નિધિએ આગળ કહ્યું હતું, 'ઈન્ટરનેટ પર બ્રેસ્ટ મિલ્કનો ફેસ પેક બનાવવાની સલાહ આપવામાં આવી હતી. મારા કેટલાંક મિત્રોએ કહ્યું હતું કે આનો ઉપયોગ બાળકને સ્નાન કરાવવામાં અથવા પોતાના પગ સાફ કરવા માટે કરી શકાય છે. મને લાગ્યું કે આ તો દૂધનો વેડફાટ છે. હું સલૂનમાં દૂધ આપવા માગતી નહોતો. આથી મેં એ જાણવાનો પ્રયાસ કર્યો કે બ્રેસ્ટ મિલ્કને ક્યાં ડોનેટ કરી શકાય છે.'

ગાયનોકોલોજિસ્ટે સાચી સલાહ આપી
નિધિએ કહ્યું હતું, 'મેં બાંદ્રા સ્થિત એક ગાયનોકોલોજિસ્ટનો સંપર્ક કર્યો હતો. તેમણે મને સૂર્યા હોસ્પિટલમાં દાન કરવાનું કહ્યું હતું. તે સમયે મારી પાસે 150 MLના 20 પેકેટ હતા. જોકે, લૉકડાઉનમાં ઘરની બહાર કઈ રીતે જવું તેનું ટેન્શન હતું. જોકે, હોસ્પિટલ ઘણી જ સારી હતી. તેમણે મારા ઘરેથી ઝીરો કોન્ટેક્ટ પિક-અપ સુવિધા આપી હતી.'

એક વર્ષ સુધી ડોનેટ કરવા માગું છું
રિપોર્ટ પ્રમાણે, સૂર્યા હોસ્પિટલ 2019થી બ્રેસ્ટ મિલ્ક બેંક ચલાવે છે. નિધિના મતે, તે હોસ્પિટલ પણ ગઈ હતી અને બ્રેસ્ટ મિલ્ક બેંક કેવી રીતે કામ કરે છે, તે જોયું હતું. તેણે અહીંયા 60 બાળકો જોયા હતા, જેમને બ્રેસ્ટ મિલ્કની જરૂર હતી, આમાંથી ઘણાં પ્રી-મેચ્યોર હતાં અને વજન પણ ઓછું હતું. નિધિના મતે તે એક વર્ષ સુધી બ્રેસ્ટ મિલ્ક ડોનેટ કરવાનો પ્રયાસ કરશે.

Download Dainik Bhaskar App to read Latest Hindi News Today


Nidhi, the producer of the film ‘Saand Ki Aankh’, donates 42 liters of breast milk in a lockdown

Source

મુંબઈ પોલીસે સ્વીકાર્યું, અક્ષત ઉત્કર્ષની હત્યા થઈ હતી, ગર્લફ્રેન્ડે ટુવાલથી ગળેફાંસો ખાધો હોવાનું કહ્યું હતું

www.divyabhaskar.co.in |

એક્ટર અક્ષત ઉત્કર્ષના મોત કેસમાં ગુરુવાર (19 નવેમ્બર)ના રોજ મોટો ટ્વિસ્ટ આવ્યો હતો. અંબોલી પોલીસ સ્ટેશનમાં આ કેસ અંગે 302 (હત્યા)નો કેસ દાખલ કર્યો છે. પોલીસે આ કેસમાં IPCની કલમ 34 પણ લગાવી છે. આ વાત સાબિત કરે છે કે અક્ષતની હત્યામાં ઘણાં લોકો સામેલ હતા. આ પહેલાં 27 સપ્ટેમ્બરના રોજ પોલીસે આ કેસમાં એક્સિડેન્ટલ ડેથ રિપોર્ટ (ADR) દાખલ કર્યો હતો.

અક્ષત મૂળ મુઝફ્ફરપુરના સિકંદરપુરનો રહેવાસી હતો. પરિવારે આક્ષેપ મૂક્યો હતો કે અક્ષતની હત્યા થઈ હતી. તેમણે મુંબઈ પોલીસ પર સહયોગ ના આપવાનો પણ આક્ષેપ લગાવ્યો હતો. મુંબઈ પોલીસે પરિવારને અક્ષતના મૃત્યુના કેસમાં ફાઈલ થયેલી FIRની કોપી પણ આપી નહોતી.

એક્ટ્રેસ સાથે લિવ ઈનમાં રહેતો હતો
અક્ષત, સ્નેહા ચૌહાણ નામની યુવતી સાથે લિવ ઈનમાં રહેતો હતો. સ્નેહા પણ એક્ટ્રેસ છે. પરિવારનો આક્ષેપ હતો કે તેમણે સ્નેહાને ફોન કર્યો હતો પરંતુ તેણે કોઈ જવાબ આપ્યો નહીં. પછી સ્નેહાએ કથિત આત્મહત્યાની વાત કરી હતી. અક્ષતના પિતા વિજયંત સિંહે આક્ષેપ મૂક્યો હતો કે તેમના દીકરાએ આત્મહત્યા કરી નથી. આ સુયોજિત મર્ડરનો કેસ છે.

મરવાનો થોડાં કલાક પહેલાં અક્ષતે પિતા સાથે વાત કરી હતી
અક્ષતના મામા રંજુ સિંહે કહ્યું હતું કે આખી ઘટના શંકાસ્પદ છે. અક્ષયે 27 સપ્ટેમ્બરે રાત્રે પોણા નવ વાગ્યે પિતા વિજયંત કિશોર સાથે વાત કરી હતી. તે જ રાત્રે સાડા દસથી અગિયાર વચ્ચે તેના મૃત્યુના સમાચાર મળ્યા હતા. અક્ષત સાથે રહેતી તેની ફિમેલ ફ્રેન્ડ સ્નેહા ચૌહાણે પરિવારને ફોન કરીને ઘટનાની જાણકારી આપી. સ્નેહા મૂળ નોઈડાની રહેવાસી છે. સ્નેહાએ અક્ષતના કઝીન ભાઈને ફોન કરીને કહ્યું હતું કે અક્ષતે ગળેફાંસો ખાધો છે.

મોટા ટુવાલથી કઈ રીતે ફાંસી લગાવી શકે છે
જાણકારી મળ્યા બાદ અક્ષતના પરિવારના લોકો 28 સપ્ટેમ્બરના રોજ મુંબઈ આવ્યા હતા. પરિવારના જણાવ્યા મુજબ ફાંસી લગાવ્યા બાદ અક્ષતને ગંભીર હાલતમાં મુંબઈની કોકિલાબેન હોસ્પિટલમાં લઇ જવામાં આવ્યો હતો. ત્યાં ગંભીર સ્થિતિ જોઈને તેને કૂપર હોસ્પિટલ મોકલી દેવામાં આવ્યો. કૂપર હોસ્પિટલમાં તેનું મૃત્યુ થયું. પરિવારે આરોપ લગાવ્યો હતો કે 6 ફૂટની હાઈટવાળો અક્ષત મોટા ટુવાલથી ફાંસી લગાવીને કઈ રીતે મરી શકે છે?

પ્રાઈવેટ કંપનીમાં નોકરી કરતો હતો
અક્ષત બે વર્ષથી મુંબઈના અંધેરી વેસ્ટમાં રહેતો હતો. તેણે MBA કર્યું હતું. મુંબઈમાં એક પ્રાઇવેટ કંપનીમાં જોબ કરવાની સાથે એક્ટિંગ પણ કરતો હતો. અપકમિંગ ફિલ્મ 'લિટ્ટી ચોખા'માં તેનો રોલ હતો.

પોલીસે આત્મહત્યા ગણાવી
મુંબઈ પોલીસના જણાવ્યા અનુસાર અક્ષતે આત્મહત્યા કરી છે. તે કામ ન મળવાને કારણે ઉદાસ હતો. અક્ષત RTO પાસે અંધેરી વેસ્ટમાં પાર્ટનર સાથે લિવ ઈન રિલેશનશિપમાં રહેતો હતો.

અક્ષત મરતા પહેલાં અજીવ વર્તન કરતો હતોઃ પ્રેમિકા
સ્નેહાએ કહ્યું હતું, 'અક્ષત રવિવારે (27 સપ્ટેમ્બર) સાંજે વિચિત્ર વર્તન કરી રહ્યો હતો. અંદાજે કલાક સુધી વાત કર્યા અને સૂતા પહેલાં ડિનર સાથે કર્યું હતું. જ્યારે હું રાત્રે અંદાજે 11:30 વાગ્યે જાગી તો અક્ષત હોલમાં લટકતી હાલતમાં મળી આવ્યો હતો. મેં તરત પોલીસને 100 નંબર પર જાણકારી આપી. અંબોલી પોલીસ આવી અને હોસ્પિટલ લઇ ગઈ જ્યાં તેને મૃત જાહેર કરી દેવામાં આવ્યો.'

Download Dainik Bhaskar App to read Latest Hindi News Today


એક્ટર અક્ષત ઉત્કર્ષનું મોત 27 સપ્ટેમ્બરના રોજ થયું હતું, પરિવારે મોત પર શંકા પ્રગટ કરી હતી (ફાઈલ તસવીર)

Source

તલાક પહેલાં ઝીનત અમાનના પહેલા પતિનું મૃત્યુ થઇ ગયું હતું, સંજય ખાને પાર્ટીમાં એટલું માર્યું કે જડબું તૂટી ગયું હતું, આંખ પણ ખરાબ થઇ

www.divyabhaskar.co.in |

વીતેલા જમાનાના ગ્લેમરસ એક્ટ્રેસ ઝીનત અમાન 19 નવેમ્બરે 69મો જન્મદિવસ મનાવી રહ્યા છે. ઝીનત અમાનની જિંદગી પણ ફિલ્મી સ્ટોરીથી ઓછી નથી. ઝીનતનું નામ તેમના જ સમયના ચાર્મિંગ એક્ટર સંજય ખાન સાથે જોડાયું. સંજય ખાને 1980માં એક પાર્ટીમાં ઝીનત અમાનને માર્યા હતા. આ વાત તેમણે તેમની બાયોગ્રાફી 'ધ બિગ મિસ્ટેક્સ ઓફ માય લાઈફ'માં પણ લખી છે.

પહેલા પતિનું મૃત્યુ થઇ ગયું હતું
ઝીનતે 11 ઓક્ટોબર 1985માં એક્ટર મઝહર ખાન સાથે લગ્ન કર્યાં હતાં પણ થોડા દિવસ પછી બંને વચ્ચે ઝઘડા થવા લાગ્યા હતા. આટલું જ નહીં સમાચાર તો એવા પણ હતા કે મઝહર ઘણીવાર ઝીનત સાથે મારપીટ પણ કરતા હતા. તેમના બે દીકરા જહાન અને અજાન થયા તેમ છતાં પણ બંનેના ઝઘડા પૂરા ન થયા.

થોડા વર્ષ પછી જ મઝહરને કિડનીમાં ઇન્ફેક્શન થઇ ગયું હતું, જેને કારણે તે બીમાર રહેવા લાગ્યા હતા અને અંતે 1998માં કિડની ફેલ હોવાના કારણે તેમનું મૃત્યુ થઇ ગયું. રિપોર્ટ અનુસાર ઝીનત તેમના પતિથી ઘણા ત્રસ્ત હતા અને તેમણે તલાક માટે અરજી પણ કરી દીધી હતી. તલાક થાય તે પહેલાં જ મઝહરનું નિધન થયું.

સંજય ખાન મારપીટ કરતા હતા
ઝીનત અને સંજય ખાનના અફેરના કિસ્સા પણ બી-ટાઉનમાં ઘણા ચર્ચામાં રહ્યા. સમાચાર તો એવા પણ હતા કે બંનેએ ફિલ્મ 'અબ્દુલ્લા'ના શૂટિંગ દરમ્યાન ગુપચુપ રીતે લગ્ન પણ કરી લીધા હતા. સંજય ખાન શોર્ટ ટેમ્પરવાળા હતા. તે ઘણીવાર ઝીનત સાથે મારપીટ કરતા હતા.

3 નવેમ્બર, 1979ના રોજ મુંબઈની તાજ હોટલમાં પાર્ટી દરમ્યાન સંજય ખાને ઝીનતની પબ્લિકલી ખૂબ મારપીટ કરી હતી. સંજયે એટલા માર્યા કે તેમનું જડબું તૂટી ગયું હતું. ઓપરેશન પછી તેમની જો લાઈન તો ઠીક થઇ ગઈ પણ જમણી આંખ ખરાબ થઇ ગઈ. જ્યારે બંનેના રિલેશન વિશે સંજયની પત્ની ઝરીનને જાણ થઇ તો વાત ઘણી મોટી થઇ હતી. આખરે ઝીનત અને સંજયના રિલેશન પૂરા થયા.

Download Dainik Bhaskar App to read Latest Hindi News Today


Actress Zeenat Aman’s Life Interesting Facts

Source

12 વર્ષના સંઘર્ષ બાદ 'મિર્ઝાપુર 2'ના શરદ શુક્લાને ઓળખ મળી, એક સમયે સ્ટૂડિયોની બહાર ન્યૂઝ પેપર પર સૂતો હતો

www.divyabhaskar.co.in |

વેબ સીરિઝ 'મિર્ઝાપુર'ની બીજી સિઝનમાં અન્ય પાત્રોની સાથે શરદ શુક્લાનું પાત્ર પણ ઘણું જ લોકપ્રિય થયું છે. આ પાત્રને એક્ટર અંજુમ શર્માએ ભજવ્યું છે. તે છેલ્લાં 12 વર્ષથી એક્ટિંગ વર્લ્ડમાં સંઘર્ષ કરી રહ્યો છે. ઘણાં ઓછા લોકોને ખ્યાલ હશે કે અંજુમે 'તનુ વેડ્સ મનુ' જેવી ફિલ્મના ડિરેક્ટર આનંદ એલ રાયની સાથે આસિસ્ટન્ટ ડિરેક્ટર તરીકે કામ કર્યું હતું. આ સમયે ઘણીવાર તે ન્યૂઝ પેપર પાથરીને સૂતો હતો. દિવ્ય ભાસ્કર સાથેની ખાસ વાતચીતમાં અંજુમ શર્માએ પોતાની જર્ની અંગે વાત કરી હતી.

ઓસ્કર વિનર ફિલ્મથી ડેબ્યૂ કર્યું હતું
અંજુમ શર્માએ એક્ટિંગ કરિયરની શરૂઆત બ્રિટિશ ડ્રામા 'સ્લમડોગ મિલિયોનર'થી કરી હતી. આ ફિલ્મ અંગે તેણે કહ્યું હતું, 'જ્યારે હું થિયેટરમાં વ્યસ્ત હતો ત્યારે એક ફોન આવ્યો હતો અને ફોરેન ફિલ્મ માટે ઓડિશન આપવાની હોવાની વાત કહેવામાં આવી હતી.

'મેં ઓડિશન આપ્યું હતું. જોકે, જે રોલ માટે ઓડિશન આપ્યું તે રોલ મને મળ્યો નહોતો. ત્રણ-ચાર મહિના પછી ફિલ્મના કો-ડિરેક્ટર તથા કાસ્ટિંગ ડિરેક્ટર લવલીન ટંડનનો ફોન આવ્યો હતો અને કહ્યું હતું શૂટિંગ ચાલુ થઈ ગયું છે. ફિલ્મમાં એક રોલ છે અને તે તેને લેવા માગે છે.'

સ્ટિલ કેમેરો ખરીદવા માટે આ રોલ કર્યો
અંજુમે આગળ કહ્યું હતું, 'મને ખ્યાલ હતો કે ડેની બોયલ હોલિવૂડના જાણીતા ડિરેક્ટ રછે. આથી જ મને ફિલ્મમાં રસ હતો. આ ઉપરાંત મારે DSLR સ્ટિલ કેમેરો ખરીદવો હતો. આથી મને જે પૈસા મળ્યા તેમાંથી મેં કેમેરો ખરીદ્યો હતો. ફિલ્મને જ્યારે ઓસ્કર મળ્યો ત્યારે મને થયું કે ચાલો શરૂઆત તો સારી થઈ. તે સમયે કોઈએ મને કહ્યું હતું કે હવે તું જીવનમાં ગમે કર પરંતુ તારા કરિયરની ફિલ્મ પહેલી ઓસ્કર વિનિંગ ફિલ્મ તરીકે જાણીતી બનશે.'

'મિર્ઝાપુર' આ રીતે મળી
અંજુમે કહ્યું હતું, 'મેં 'જંગલ બુક' નામથી એક નાટક કર્યું હતું. આ નાટકને શેર ખાનના પોઈન્ટ ઓફ વ્યૂથી બનાવવામાં આવ્યું હતું અને મેં લીડ રોલ પ્લે કર્યો હતો. પ્લે પૂરું થયું પછી મારી પાસે ગુરુ (ગુરમીત સિંહ)નો ફોન આવ્યો હતો અને એક રોલ હોવાની વાત કરી હતી. સિઝન વનમાં માત્ર એક સીન જેટલો જ રોલ હતો પરંતુ મહત્ત્વનો હતો.'

'મેં તરત જ હા પાડી દીધી. તે સમયે ડિજિટલ પ્લેટફોર્મ નવું હતું પરંતુ હું સારા કન્ટેન્ટમાં કામ કરવા માગતો હતો. જોકે, જ્યારે સીરિઝ આવી ત્યારે મારો જે મુંડનવાળો સીન હતો, તે સૌથી છેલ્લે હતો. વાસ્તવમાં તે સીન છેલ્લે નહોતો. એડટિંગ ટેબલ પર મારો રોલ સાવ છેલ્લે નાખી દેવામાં આવ્યો હતો.'

'મેકર્સને લાગ્યું કે તે પહેલી સિઝનમાં એવી કંઈ ક્લૂ મૂકે કે આ પાત્રના માધ્યમથી નવી સિઝનમાં કંઈક નવી વાર્તા આવશે. જ્યારે સિઝન 2ની વાર્તા લખાઈને આવી અને મેં વાંતી તો સમજી ગયો કે આ બહુ જ ડિટેલ્ડ તથા અલગ પ્રકારનું મુશ્કેલ પાત્ર છે.'

અંજુમના મતે, તેને ખ્યાલ નથી કે ત્રીજી સિઝનમાં તેના પાત્ર સાથે શું થશે પરંતુ બીજી સિઝન બાદ તેને જે લોકપ્રિયતા મળી છે તે હાલમાં તેને એન્જોય કરે છે.

Download Dainik Bhaskar App to read Latest Hindi News Today


Sharad Shukla of ‘Mirzapur 2’ was identified after 12 years of struggle, once sleeping on a newspaper outside the studio

Source

85 વર્ષીય દિગ્ગજ બંગાળી અભિનેતા સૌમિત્ર ચેટરજીનું અવસાન, લાંબા સમયથી બીમાર હતા

www.divyabhaskar.co.in |

દિગ્ગજ બંગાળી અભિનેતા સૌમિત્ર ચેટરજીનું અવસાન થયું છે. તેઓ 85 વર્ષના હતા. છેલ્લા એક મહિનાથી તેમની હાલત ગંભીર હતી. 40 દિવસ અગાઉ તેમને કોલકાતાની એક ખાનગી હોસ્પિટલમાં દાખલ કરાયા હતા. તેઓ તેમની પાછળ પત્ની, પુત્ર અને પુત્રીને છોડી ગયા છે. તા. 6 ઓક્ટોબરે કોરોના થતાં તેમને હોસ્પિટલમાં દાખલ કરાયા હતા. કોરોનામાંથી મુક્ત થયા પછી તેમને અન્ય બીમારી લાગુ પડી હતી. દાદાસાહેબ ફાળકે એવોર્ડ વિજેતા ચેટરજીએ સત્યજીત રાયની ફિલ્મ અપુર સંસારથી પોતાની કેરિયરની શરૂઆત કરી હતી.

શનિવાર, 14 નવેમ્બરના રોજ ડૉક્ટર્સની ટીમે આ માહિતી આપી હતી. એક્ટરને લાઈફ સપોર્ટ સિસ્ટમ પર મૂકવામાં આવ્યા હતા. 15 નવેમ્બરના રોજ બપોરે 12.15 વાગે સૌમિત્ર ચેટર્જીએ અંતિમ શ્વાસ લીધા હતા. ઉલ્લેખનીય છે કે સૌમિત્રનો કોરોના રિપોર્ટ પોઝિટિવ આવ્યા બાદ 6 ઓક્ટોબરના રોજ તેમને હોસ્પિટલમાં દાખલ કરવામાં આવ્યા હતા. સારવાર દરમિયાન તેઓ કોરોના નેગેટિવ આવ્યા હતા પરંતુ કોવિડ એન્સેફૈલોપેથીને કારણે અન્ય મુશ્કેલીઓ ઊભી થઈ હતી.

દાદા સાહેબ ફાળકે અવોર્ડથી સન્માનિત સૌમિત્ર ચેટર્જીને લાઈફ સપોર્ટ સિસ્ટમ પર રાખવામાં આવ્યા હતા, પરંતુ તેઓ કોઈ પણ પ્રકારની પ્રતિક્રિયા આપી નહોતી. તેમની સારવાર કરતાં એક ડૉક્ટર્સે કહ્યું હતું, 'અમારા તમામ પ્રયાસો બાદ પણ તેઓ ફિઝિયોલોજિકલ સિસ્ટમને કોઈ રિસ્પોન્ડ કરતાં નથી. તેમની હાલત પહેલાં કરતાં વધારે ખરાબ છે. તેમને દરેક પ્રકારના સપોર્ટ પર મૂકવામાં આવ્યા છે અને તે જીવન માટે ઝઝૂમી રહ્યા છે.'

સમાચાર એજન્સી 'PTI'ના પ્રમાણે, ડૉક્ટર્સે કહ્યું હતું, 'કોરોનાને કારણે તેમની નર્વસ સિસ્ટમ નિષ્ક્રિય થઈ ગઈ હતી અને તમામ પ્રયાસો નિષ્ફળ સાબિત થયા હતા. અમે તેમને સ્ટેરોયડ, ઈમ્યુનોગ્લોબુલિન, કાર્ડિયોલોજી, એન્ટિ વાઈરલ થેરપી, ઈમ્યુનોલોજી બધું જ કરવાનો પ્રયાસ કર્યો હતો.' છેલ્લાં 40 દિવસથી ન્યૂરોલોજી, નેફ્રોલોજી, કાર્ડિયોલોજી, ક્રિટિકલ કૅર મેડિસિનના એક્સપર્ટની એક ટીમ સૌમિત્ર ચેટર્જીની સારવાર કરી હતી.

ડૉક્ટર્સે કહ્યું હતું, 'અમને દુઃખ છે કે તેઓ કોઈ પ્રતિક્રિયા આપતા નથી. અમે છેલ્લીવાર પ્રયાસ કરી રહ્યા છીએ. ત્યાં સુધી કે તેમના પરિવારે પણ એ વાત સ્વીકારી લીધી છે કે તેમની હાલતમાં હવે કોઈ સુધારો થશે નહીં.'

ડૉક્ટર્સે કહ્યું હતું કે તેમની તબિયત દિવસે દિવસે બગડતી જતી હતી. સિટી સ્કેન પણ કરવામાં આવ્યો હતો. EEG કરવામાં આવ્યો હતો પરંતુ તેમના મગજની અંદર બહુ જ ઓછી ગતિવિધિ નોંધાઈ હતી. ઓક્સિજનનું પ્રમાણ વધી ગયું હતું. કિડની યોગ્ય રીતે કામ કરતી નહોતી. સૌમિત્રને ગયા ગુરુવારના (12 નવેમ્બર) રોજ પહેલીવાર પ્લાસ્મફેરેસિસ આપવામાં આવ્યું હતું અને પછી ટ્રેકોસ્ટોમી કરવામાં આવી હતી.

સત્યજીત રે અને સૌમિત્ર ચેટર્જીની જુગલ જોડી
બંગાળના ખૂબ જાણીતા એક્ટર સૌમિત્ર ચેટર્જી ખાસ ફિલ્મમેકર સત્યજીત રે સાથેના તેમના કામને કારણે વધુ જાણીતા હતા. સત્યજીત રે અને સૌમિત્ર ચેટર્જીએ 14 ફિલ્મમાં સાથે કામ કર્યું હતું. તેમણે 1959માં ડેબ્યૂ પણ સત્યજીત રેની ફિલ્મ 'અપૂર સંસાર'થી કર્યું હતું. આ ઉપરાંત તેઓ ઓસ્કર વિજેતા સત્યજીત રે દ્વારા તૈયાર કરવામાં આવેલા ડિટેક્ટિવ કેરેક્ટર ફેલુદાને પ્લે કરનારા પહેલા એક્ટર હતા. તેમણે 100 ફિલ્મમાં કામ કર્યું હતું અને તેમાંથી બે હિંદી ફિલ્મ 'નિરૂપમા' તથા 'હિન્દુસ્તાની સિપાહી' હતી. હિંદીમાં તેમણે 'સ્ત્રી કા પત્ર' નામની ફિલ્મ ડિરેક્ટ કરી હતી. છેલ્લે તેઓ મોટા પડદે 2019માં આવેલી બંગાળી ફિલ્મ 'સાંજબાતી'માં દેખાયા હતા.

આ મોટા સન્માન મળ્યા

  • 2012માં એન્ટરટેઈનમેન્ટ ઈન્ડસ્ટ્રીનું સૌથી મોટું સન્માન દાદા સાહેબ ફાળકે અવોર્ડ મળ્યો
  • ત્રણવાર નેશનલ ફિલ્મ અવોર્ડ મળ્યો
  • 2004માં ભારત સરકારે પદ્મ ભૂષણથી સન્માનિત કર્યા હતા

Download Dainik Bhaskar App to read Latest Hindi News Today


85-year-old Bengali actor Soumitra Chatterjee is in critical condition and has been admitted to hospital for the last 40 days.

Source

error:
Scroll to Top