રપયન

રૂપિયા 5 હજારની લોન લઈ શો સુધી પહોંચ્યો કન્ટેસ્ટન્ટ, નેહા કક્કડે એક લાખ રૂપિયાની આર્થિક મદદ કરી

www.divyabhaskar.co.in |

નેહા કક્કડ આમ તો છેલ્લા કેટલાક દિવસોથી લગ્નને લઈ ચર્ચામાં રહ્યા હતા. પણ આ વખતે તેઓ દરિયાદિલીને લઈ સોશિયલ મીડિયા પર છવાઈ ગયા છે. લગ્ન બાદ નેહા કક્કડ કામ પર પરત આવી ગયા છે. નેહા ઈન્ડિયન આઈડલના જજ પેનલમાં છે. તેમણે શોમાં ઓડિશન આપવા આવેલ એક સ્પર્ધકની દુખભરી કહાની સાંભળી તેને એક લાખ રૂપિયાની મદદ કરી છે.

સોની ચેનલે આ એપિસોડનો વીડિયો શેર કર્યો છે. વીડિયોમાં જયપુરના એક સ્પર્ધક શહજાદ અલી તેના જીવન અંગે કહી રહ્યો છે. તે કહે છે કે કપડાની દુકાનમાં કામ કરે છે. બાળપણમાં માતાનું અવસાન થઈ ગયું. ઈન્ડિયન આઈડલના ઓડિશન સુધી પહોંચવા માટે શહજાદની નાનીએ પાંચ હજાર રૂપિયાની લોન લીધી છે.

નેહા ઉપરાંત શોના અન્ય જજ વિશાલ ડડલાનીએ પણ શહજાદ અલીને મદદ કરવાની ખાતરી આપી છે. તેમણે કહ્યું કે શહજાદને કોઈ સારા ગુરુ સાથે મુલાકાત કરાવશે, જેથી તેને સારી ટ્રેનિંગ મળી શકે. અત્રે ઉલ્લેખનીય છે કે પોપ્યુલર રિયલ્ટી શો ઈન્ડિયન આઈડલ 28મી નવેમ્બર રાત્રે 8 વાગે શરૂ થવા જઈ રહ્યો છે. તે પ્રત્યેક શનિવાર અને રવિવારે પ્રસારિત થશે. આ સિંગિંગ રિયાલિટી શોને લોકો ખૂબ પસંદ કરે છે.

અત્રે ઉલ્લેખનીય છે કે નેહા કક્કડની તાજેતરમાં પંજાબી સિંગર રોહનપ્રીત સિંહ સાથે લગ્ન થયા છે. તેમના લગ્નને લઈ ફેન્સ ખૂબ જ સરપ્રાઈઝ હતા. લગ્ન બાદ તેમની વેડિંગ ફોટોઝ ઈન્ટરનેટ પર છવાયેલા રહ્યા.

Download Dainik Bhaskar App to read Latest Hindi News Today


Contestant reached the show with a loan of Rs 5,000, Neha Kakkade helped financially with Rs 1 lakh

Source

500 કરોડ રૂપિયાના માનહાની કેસમાં અક્ષય પર યુટ્યુબર ભડક્યો, કહ્યું- નોટિસ પરત લે અથવા લીગલ પ્રોસેસ માટે તૈયાર રહે

www.divyabhaskar.co.in |

યુટ્યુબર રાશિદ સિદ્દીકીએ અક્ષય કુમારના 500 કરોડ રૂપિયાની માનહાની કેસની નોટિસનો વિરોધ કર્યો છે અને તેના વિરુદ્ધ કાયદાકીય કાર્યવાહીની ધમકી આપી છે. સિદ્દીકીએ તેના વકીલ જેપી જયસ્વાલ મારફતે મોકલેલા જવાબમાં લખ્યું કે સુશાંત સિંહ રાજપૂતના ડેથ કેસમાં તેણે જે વીડિયો બનાવ્યો, તેમાં કંઈપણ અપમાનજનક નથી. તેણે અક્ષય કુમાર દ્વારા લગાવવામાં આવેલા આરોપોને ખોટા, અફસોસજનક અને દમનકારી ગણાવ્યા છે અને કહ્યું કે આ આરોપોનો ઉદેશ હેરાન કરવાનો છે.

'બોલવાની આઝાદી મૌલિક અધિકાર છે'
જયસ્વાલે જવાબમાં લખ્યું છે કે સુશાંત સિંહ રાજપૂતના ડેથ કેસને સિદ્દીકી સહિત ઘણા સ્વતંત્ર પત્રકારોએ કવર કર્યો, કારણકે ઘણા પ્રભાવશાળી લોકો તેમાં સામેલ હતા અને જાણીતી મીડિયા ચેનલ્સ સાચી માહિતી આપી રહી ન હતી. તેણે એવું પણ લખ્યું કે બોલવાની આઝાદી નાગરિકોનો મૌલિક અધિકાર છે. સિદ્દીકી દ્વારા અપલોડ કરાયેલા કન્ટેન્ટને અપમાનજનક માની શકાય નહીં, કારણકે તેણે નિષ્પક્ષતા સાથે પોતાનું મંતવ્ય રાખ્યું.

'અગાઉથી જ પબ્લિક ડોમેનમાં માહિતી હતી'
જવાબમાં આગળ લખ્યું છે કે, 'સિદ્દીકી દ્વારા રિપોર્ટ કરવામાં આવેલા ન્યૂઝ પહેલેથી જ પબ્લિક ડોમેનમાં હતા અને તેણે સૂત્રો તરીકે અન્ય ન્યૂઝ ચેનલ્સનો હવાલો આપ્યો હતો. આ સિવાય માનહાનીની નોટિસ લેટ મોકલવા પર પણ સવાલ પેદા થાય છે કારણકે વીડિયો ઓગસ્ટ 2020માં અપલોડ થયા હતા.'

'500 કરોડ રૂપિયા નુકસાન ભરપાઈ માટે અનુચિત'
આગળ લખ્યું છે, '500 કરોડ રૂપિયા નુકસાન ભરપાઈ માટે એકદમ અર્થ વગરના અને અનુચિત છે અને આ સિદ્દીકી પર પ્રેશર બનાવવાના ઇરાદે માગવામાં આવ્યા છે. સિદ્દીકી અક્ષય કુમારને તેમની નોટિસ પરત લેવાની અપીલ કરે છે અને જો તે આવું નહીં કરે તો તેના વિરુદ્ધ લીગલ પ્રોસેસ શરૂ કરવામાં આવશે.'

અક્ષયના જૂના ઇન્ટરવ્યૂનો પણ ઉલ્લેખ કર્યો
'જ્યારે અક્ષય કુમારે એક પ્રભાવશાળી રાજનેતા (પીએમ નરેન્દ્ર મોદી)નો ઇન્ટરવ્યૂ લીધો હતો, ત્યારે ઘણા યુટ્યુબ વીડિયોઝ અને વેબસાઇટ્સ પર તેને નિશાને લેવામાં આવ્યા હતા અને તેમના વિરુદ્ધ પર્સનલ કમેન્ટ કરવામાં આવી હતી. આશ્ચર્યની વાત એ છે કે તે સમયે અક્ષયે કોઈપણ રિએક્શન ન આપ્યું. પરંતુ તેમણે સિલેક્ટીવલી સિદ્દીકીને માનહાનીના આરોપ માટે પસંદ કર્યો.'

અક્ષયનો યુટ્યુબર પર શું આરોપ છે?
બુધવારે અક્ષય કુમારે રાશિદ સિદ્દીકીને 500 કરોડ રૂપિયાની માનહાનીની નોટિસ મોકલી હતી. અક્ષયનો યુટ્યુબર પર આરોપ છે કે તેણે સુશાંત સિંહ રાજપૂતના મૃત્યુ સાથે જોડાયેલો નકલી વીડિયો પોસ્ટ કર્યો હતો અને તેના પર રિયા ચક્રવર્તીને કેનેડા ભાગવામાં મદદ કરવાનો આરોપ લગાવ્યો હતો. સાથે જ દાવો કરવામાં આવ્યો હતો કે સુશાંત કેસમાં અક્ષય મહારાષ્ટ્રના મુખ્યમંત્રી ઉદ્ધવ ઠાકરે અને તેના દીકરા આદિત્ય સાથે ગુપચુપ વાત કરી રહ્યા છે. (વાંચો આખા સમાચાર)

Download Dainik Bhaskar App to read Latest Hindi News Today


YouTuber Rashid Siddiqui Threatened Akshay Kumar With Legal Action After Receiving A Defamation Notice

Source

છેડતીના આરોપને કારણે વિજય રાઝ 'શેરની' ફિલ્મમાંથી બહાર, પ્રોડ્યુસર્સને 2 કરોડ રૂપિયાનું નુકસાન થશે

www.divyabhaskar.co.in |

છેડતીનો આરોપ લાગેલા બોલિવૂડ એક્ટર વિજય રાઝને વિદ્યા બાલન સ્ટારર ફિલ્મ 'શેરની'માંથી બહાર કાઢી દેવામાં આવ્યા છે. વિજયને હટાવવાની સ્થિતિમાં પ્રોડ્યુસર્સને દરરોજના હિસાબે 20 લાખ રૂપિયાનું નુકસાન છે. તે એટલા માટે કારણકે વિજય રાઝ ફિલ્મના પહેલા શેડ્યુઅલથી છે.

તેને કાઢ્યા બાદ ફિલ્મ રીશૂટ કરવી પડશે એટલે કે વિદ્યા બાલન સહિત અન્ય સ્ટાર્સે તે સીન રીક્રીએટ કરવા પડશે. વિજય રાઝ કુલ 22 દિવસથી શૂટિંગમાં હતા. આવામાં 2 કરોડ રૂપિયાનું નુકસાન થવું નક્કી છે. પ્રોડ્યુસર્સ પોતાના માથે કોઈપણ પ્રકારના વિવાદનો કલંક લગાવવા નથી ઇચ્છતા. એટલે જ વિજયને ફિલ્મમાંથી તાત્કાલિક હટાવી દેવાયો છે. તેને બદલે અન્ય સ્ટારને કાસ્ટ કરવામાં આવશે.

આસિસ્ટન્ટ ડિરેક્ટર વિક્ટિમ છે
સૂત્રોના જણાવ્યા મુજબ 13 દિવસ પહેલાં જ ફિલ્મનું બીજું શેડ્યુઅલ બાલાઘાટમાં શરૂ થયું હતું. પહેલું શેડ્યુઅલ લોકડાઉન પહેલાં ભૂતપલાસી ગામમાં 13 દિવસ માટે થયું હતું. 29 ઓક્ટોબરે બાલાઘાટની રેન્જર્સ યુનિવર્સિટીમાં સેટ પર પબ્લિકલી વિજય રાઝ પર એક આસિસ્ટન્ટ ડિરેક્ટરે અયોગ્ય રીતે ટચ કરવાનો આરોપ લગાવ્યો. પહેલાં તો વિજય રાઝે પ્રોડક્શનના લોકો સામે તે મહિલાની માફી માગી પણ બે- ત્રણ દિવસ બાદ તેણે વિજય વિરુદ્ધ પોલીસ કેસ કરી દીધો.

વિજય રાઝે પીડિતાની માફી માગી
સૂત્રોના જણાવ્યા મુજબ ઘટના વેનિટી વેનની અંદર બોલાવીને કે હોટલમાં બોલાવીને મોલેસ્ટ કરવાની નથી. સેટ પર વિજય રાઝે તે પીડિતાના ખભે હાથ રાખ્યો. વિજય રાઝની દલીલ છે કે આની પાછળ તેમના ખરાબ ઈરાદા ન હતા. પીડિતાના ઉંમરની તેમની દીકરી છે.

દીકરીની ઉંમરની કોઈ છોકરી સાથે આવું કરવાનું તે ક્યારેય સપનામાં પણ ન વિચારી શકે. તેમ છતાં જો પીડિતાને ખોટું લાગ્યું છે તો તેના માટે તે માફી માગે છે. પણ પીડિતા તેમને માફ ન કરી શકી.

ત્રણ દિવસ પછી તેણે વિજય પર પોલીસ કેસ કરી દીધો. સૂત્રોએ તો એવું પણ જણાવ્યું કે આ ઘટનાથી વિદ્યા બાલન અને બાકીના સ્ટાર્સ શોકમાં હતા. જોકે, 'શો મસ્ટ ગો ઓન'ના આધારે શૂટિંગ ચાલતું રહ્યું.

વિજય રાઝને જામીન મળ્યા
ફરિયાદ બાદ મંગળવારે વિજય રાઝની મહારાષ્ટ્રના ગોંડિયાથી ધરપકડ કરવામાં આવી હતી. વિજય વિરુદ્ધ IPCની કલમ 354 (સ્ત્રીની મર્યાદાનો ભંગ કરવો) હેઠળ કેસ ફાઈલ થયો હતો. અરેસ્ટના થોડા સમય બાદ વિજયને જામીન પર છોડી દેવાયા હતા.

દુબઈમાં ડ્રગ્સ કેસમાં અરેસ્ટ થયા હતા
આ પહેલાં વિજય રાઝ 2005માં દુબઇમાં ડ્રગ્સ રાખવાના આરોપમાં અરેસ્ટ થયા હતા. ત્યારબાદ જામીન પર છૂટી ગયા હતા.

'કૌઆ બિરયાની' સીનને કારણે ફેમસ થયા હતા
57 વર્ષીય વિજય રાઝ અભિષેક બચ્ચનની ફિલ્મ 'રન'માં 'કૌઆ બિરયાની' સીનને કારણે ઘણા જ ફેમસ થયા હતા. તેમની અમુક ચર્ચિત ફિલ્મોમાં 'ધમાલ', 'વેલકમ', 'દીવાને હુએ પાગલ, 'રઘુ રોમિયો', 'મુંબઈ એક્સપ્રેસ', 'બોમ્બે ટુ ગોવા' અને 'મોન્સૂન વેડિંગ' સામેલ છે.

Download Dainik Bhaskar App to read Latest Hindi News Today


Vijay Raaz Out Of Film ‘sherni’ Due To Molestation Allegations, Producers To Suffer Huge Loss Due To Replacement

Source

કંગના રનૌતની યાચિકા પર બોમ્બે હાઇકોર્ટે સુનાવણી પૂરી કરી નિર્ણય સુરક્ષિત રાખી લીધો, એક્ટ્રેસે BMC પાસે 2 કરોડ રૂપિયાનું વળતર માગ્યું છે

www.divyabhaskar.co.in |

BMC દ્વારા કંગનાની ઓફિસમાં થયેલા તોડફોડ કેસમાં બોમ્બે હાઇકોર્ટમાં સુનાવણી પૂરી થઇ ગઈ છે. જસ્ટિસ એસ જે કથાવાલા અને જસ્ટિસ આર આઈ ચાગલાની બેન્ચે સોમવારે બંને પક્ષોના લેખિત સબમિશન સ્વીકારી લીધા છે. દલીલ સાંભળ્યા બાદ કોર્ટે તેનો નિર્ણય સુરક્ષિત રાખી લીધો છે.

શું છે કંગનાની દલીલ?
કંગનાના વકીલ વીરેન્દ્ર સરાફે યાચિકામાં આરોપ લગાવ્યો હતો કે BMCએ તેની ઓફિસમાં તોડફોડ ખરાબ હેતુ સાથે કરી છે. તેમનું કહેવું છે કે કંગનાએ મુંબઈ પોલીસ વિરુદ્ધ કમેન્ટ કરી હતી ત્યારબાદ મહારાષ્ટ્રની શિવસેના સરકારે તેના વિરુદ્ધ કાર્યવાહી કરી.

એક્ટ્રેસે કોર્ટને આગ્રહ કર્યો કે તેની બિલ્ડિંગના એક ભાગને પાડી દેવાની કાર્યવાહીને ગેરકાયદેસર ગણાવી BMCને તેને વળતર તરીકે 2 કરોડ રૂપિયાનો આદેશ આપવામાં આવે.

BMCએ બચાવમાં શું કહ્યું?
BMCએ લેખિત એફિડેવિટમાં ખરાબ હેતુ અને અંગત વેરની ભાવનાથી કાર્યવાહી કરવાની વાતને નકારી દીધી છે. BMCએ એવું પણ કહ્યું કે કંગના દ્વારા બંગલાના આંશિક ભાગને પાડ્યા બદલ વળતર તરીકે માગવામાં આવેલા 2 કરોડ રૂપિયા વિચાર યોગ્ય નથી.

બંગલાને 40% પાડી દેવાયો હતો
8 સપ્ટેમ્બરે BMCએ કંગનાની ઓફિસ પર નોટિસ લગાવી હતી અને ગેરકાયદેસર બાંધકામને લઈને 24 કલાક અંદર જવાબ માગ્યો હતો. પરંતુ બીજે દિવસે કંગના મુંબઈ પહોંચે તે પહેલાં જ ઓફિસમાં તોડફોડની કાર્યવાહી શરૂ કરી દેવામાં આવી.

9 સપ્ટેમ્બરે પાલી હિલ સ્થિત કંગના રનૌતની ઓફિસ મણિકર્ણિકા ફિલ્મ્સના ઘણા ભાગને BMCએ ગેરકાયદેસર ગણાવીને તોડી પાડ્યા હતા. ત્યારબાદ હાઇકોર્ટમાં કંગના રનૌતે યાચિકા ફાઈલ કરી આ કાર્યવાહીને ગેરકાયદેસર ગણાવી BMC પાસે 2 કરોડ રૂપિયાનું વળતર માગ્યું હતું.

હાઇકોર્ટે એક્ટ્રેસને રાહત આપી બંગલાને યથાસ્થિતિ બનાવવાનો આદેશ આપ્યો હતો, પરંતુ જ્યાં સુધી કોર્ટે કાર્યવાહી પર રોક લગાવી, કંગનાના વકીલનો દાવો છે કે ત્યાં સુધીમાં બંગલાનો 40% હિસ્સો પાડી દેવાયો હતો. તેમાં સોફા, ઝુમ્મર અને એન્ટિક આર્ટ પીસ સહિત ઘણી કિંમતી વસ્તુઓ પણ સામેલ છે.

Download Dainik Bhaskar App to read Latest Hindi News Today


કંગના રનૌતે તેના એક સ્ટેટમેન્ટમાં મુંબઈની સરખામણી POK સાથે કરી હતી. ત્યારબાદ આખો વિવાદ શરૂ થયો હતો.

Source

error:
Scroll to Top