પર

જુનાગઢ : ખાનગી ચેનલના રિપોર્ટર પર થયેલા જીવલેણ હુમલાને લઈ આવેદનપત્ર પાઠવવામાં આવ્યું

gujarati.oneindia.com |
જુનાગઢ : ખાનગી ચેનલના રિપોર્ટર પર થયેલા જીવલેણ હુમલાને લઈ આવેદનપત્ર પાઠવવામાં આવ્યું

Source

દીકરાના આરોપો પર કુમાર સાનુ બોલ્યા, મારો બંગલો આપી દીધો હતો પણ જ્યારે કોરોના સામે લડી રહ્યો હતો ત્યારે કોલ પણ ન કર્યો

www.divyabhaskar.co.in |

'બિગ બોસ'થી બેઘર થયેલા જાન કુમાર સાનુએ તેના પિતા કુમાર સાનુ પર ગંભીર આરોપ લગાવ્યા છે. જાને તો ત્યાં સુધી કહી દીધું કે કુમારે તેની માતા રીટા અને તેના માટે કઈ નથી કર્યું માટે તેના ઉછેર પર કમેન્ટ કરવાનો કોઈ હક નથી. હવે કુમાર સાનુએ દીકરાના આ આરોપોના જવાબ આપ્યા છે. પોતાનું દુઃખ શેર કરતા કહ્યું કે તેની માતા જે પણ ઇચ્છતી હતી મેં તે બધું કર્યું, તેમ છતાં એવું કહેવામાં આવી રહ્યું છે કે મેં કઈ નથી કર્યું તો મારી પાસે દરેક વસ્તુનો પુરાવો છે.

પહેલા કુમારે પોતાની વાત ફરી કરી
કુમારે કહ્યું, લોકોએ આ વીડિયો ફરીથી જોવો જોઈએ, મેં કહ્યું હતું કે નાલાયક વાતો કરવી ન જોઈએ. મેં તેને નાલાયક નથી કહ્યો. બીજી વાત એ કે આ જરૂરી છે કે મહારાષ્ટ્રમાં રહીને મહારાષ્ટ્રીયન્સનું સન્માન કરે. અને આ જ વસ્તુ તેને શીખવવાની હતી. આ જ વસ્તુ મેં કહી હતી, ઉછેર વિશે નહીં. તેનો ઉછેર ઘણો સારી રીતે થયો છે.

હવે દીકરાને ક્યારેય નહીં મળું- કુમાર
ત્યારબાદ કુમારે એ વાત પર પ્રતિક્રિયા આપી જેમાં જાને કહ્યું હતું કે મેં તેને મારા નામ સિવાય કઈ જ નથી આપ્યું. મેં તે લોકોને કોઈ સપોર્ટ નથી આપ્યો, આ સાંભળીને મને ઘણું દુઃખ થયું છે. બની શકે છે કે તે નાનો હોય એટલે તેને ખબર નહીં હોય કે જ્યારે 2001માં મારા ડિવોર્સ થયા ત્યારે મેં તેની માતાએ જે પણ કઈ માગ્યું તે બધું આપ્યું હતું. તેમણે કોર્ટ મારફતે જે પણ માગ્યું તે બધું આપ્યું, ત્યાં સુધી કે મારો બંગલો આશિકી પણ. મારો દીકરો મને મળતો રહેતો હતો પણ હવે તે ઇચ્છશે તો પણ નહીં મળું.

કુમારે શેર કરી ઘણી વાતો
પોતાના દીકરા સાથેના સંબંધની વાત કરતા સાનુ બોલ્યા, જ્યારે તેને મને કહ્યું કે બાબા અમને શોમાં લો, તો અમે તેને શોમાં લઈ લીધો. તેણે કહ્યું બાબા અમને મ્યુઝિક ડિરેક્ટર, પ્રોડ્યુસર સાથે મળાવો. તો હું તેને મહેશ ભટ્ટ, રમેશ તોરાની અને બાકી ઘણા લોકો પાસે લઇ ગયો, જેને હું લાંબા સમયથી જાણતો હતો. હવે જો તે લોકો કામ આપે કે નહીં તે તેના ઉપર છે, આ તેના ટેલેન્ટ પર નિર્ભર કરે છે, હું તેમાં કઈ નહીં કહું.

કોરોના સામે લડી રહ્યો હતો ત્યારે કોલ પણ ન આવ્યો
આગળ કહ્યું, તમે જ જણાવો આટલું બધું થયા પછી પણ શું મેં તેને મારા નામ સિવાય કઈ નથી આપ્યું. તે જ્યારે નાનો હતો ત્યારે તેના ઘરમાં કોઈ કમાનાર ન હતા. આવામાં આ બધું સાંભળીને ઘણો દુઃખી છું. આટલું જ નહીં જ્યારે મને કોરોના થયો હતો, મને તે ઘરથી એકપણ કોલ નથી આવ્યો, હજુ સુધી નહીં. જાને પણ મને અત્યાર સુધી કઈ નથી પૂછ્યું. પ્રેમ વન સાઇડેડ ન હોય અને તાળી એક હાથથી નથી વાગતી.

Download Dainik Bhaskar App to read Latest Hindi News Today


Kumar Sanu Reacted On His Son Jaan Kumar Sanu’s Allegations How Is It True That Beside My Name I’ve Given Nothing

Source

FEEL GOOD : દોરડાના સહારે યુગલે બિલ્ડિંગ પર લટકીને કર્યો ડાન્સ, જુઓ વાયરલ Video

gujarati.oneindia.com |
FEEL GOOD : દોરડાના સહારે યુગલે બિલ્ડિંગ પર લટકીને કર્યો ડાન્સ, જુઓ વાયરલ Video

Source

બોમ્બે હાઈકોર્ટે પોલીસને સવાલ પૂછ્યો- જો કોઈ સરકારની વાત નહીં સાંભળે તો શું તેના પર રાજદ્રોહની કલમ લગાવી દેવામાં આવશે?

www.divyabhaskar.co.in |

બોમ્બે હાઇકોર્ટે કંગના રનૌતની વિરુદ્ધ FIR રદ કરવાની ના પાડી દીધી છે. તે ઉપરાંત કંગના અને તેની બહેન રંગોલીને 8 જાન્યુઆરીએ બપોરે 12થી 2 વચ્ચે બાંદ્રા પોલીસ સ્ટેશનમાં હાજર રહેવાનો આદેશ આપ્યો છે. યાને કે કંગના અને તેની બહેન રંગોલીને હાલ પૂરતી તો રાહત થઈ છે. સુનાવણી દરમિયાન હાઈકોર્ટે કંગના પર રાજદ્રોહની કલમ લાદવા બદલ પોલીસને ઠપકો પણ આપ્યો હતો. કોર્ટે પૂછ્યું- જે પણ સરકારના અનુસાર નહીં ચાલે, શું તેના પર રાજદ્રોહની કલમ લગાવી દેવામાં આવશે?

મુંબઈ પોલીસે કંગના અને રંગોલીને ત્રણ વખત સમન્સ મોકલ્યું હતું. પરંતુ તે હાજર ન થઈ, અને સોમવારે હાઇકોર્ટમાં યાચિકા ફાઈલ કરીને FIR રદ કરવાની અને સમન્સ પર સ્ટે આપવાની અપીલ કરી. કોર્ટે સમન્સ મળ્યા બાદ પણ કંગનાને પોલીસની સામે રજૂ ન થવા પર સવાલ પૂછ્યો. તેના પર કંગનાના વકીલે તેઓ શહેરની બહાર હોવાનું કહ્યું હતું. કોર્ટે કંગનાને મુંબઈ પરત ફરવાની તારીખ પૂછી. ત્યારે આ અંગે વકીલ સ્પષ્ટ જવાબ આપી શક્યા નહીં, ત્યારે કોર્ટે તરત કંગનાને ફોન કરવાનો આદેશ આપ્યો.

પોલીસને પૂછ્યું- શું નાગરિકો સાથે આવું વર્તન કરો છો?
કોર્ટે મુંબઈ પોલીસની FIRમાં IPCની સેક્શન 124A (રાજદ્રોહની કલમ) જોડવા પર સવાલ ઉઠાવ્યો. તેમણે મુંબઈ પોલીસને પૂછ્યું કે "શું તમે નાગરિકો સાથે આ પ્રકારનો વ્યવહાર કરો છો? અમે અન્ય કલમો સમજી શકીએ છીએ. પરંતુ 124A કેમ? જો કેસ એટલો ગંભીર હતો તો તમારે FIR દાખલ કરવી જોઈતી હતી. પરંતુ FIR મેજિસ્ટ્રેટની 156 (3) હેઠળ આપેલા ઓર્ડર પછી ફાઇલ કરી.

પોલીસે કંગનાને 3 વખત સમન્સ મોકલ્યું હતું
બાંદ્રામાં બોલિવૂડ કાસ્ટિંગ ડાયરેક્ટર અને ફિટનેસ ટ્રેનર મુનવ્વર અલી સૈયદે કંગનાની વિરુદ્ધ અરજી કરી હતી. યાચિકામાં કંગના પર બોલિવૂડને નેપોટિઝ્મ અને ફેવરેટિઝ્મનું હબ કહીને ઈન્ડસ્ટ્રીનું તેનું અપમાન કરી રહી હોવાનું જણાવ્યું હતું. ત્યારબાદ પોલીસે ગત સપ્તાહે કંગના અને રંગોલીને ત્રીજી વખત સમન્સ મોકલીને 23 અને 24 નવેમ્બરના રોજ હાજર રહેવા માટે કહ્યું હતું.

બોલિવૂડ એક્ટ્રેસ કંગના રનૌતે બોમ્બે હાઇકોર્ટ સમક્ષ એક યાચિકા ફાઈલ કરીને તેની વિરુદ્ધ બાંદ્રા પોલીસ સ્ટેશનમાં ફાઈલ થયેલા કેસને રદ કરવાની માગ કરી છે. એક્ટ્રેસને મુંબઈ પોલીસ સમક્ષ 23 નવેમ્બરના રોજ સવારે 11 વાગ્યા સુધી હાજર થવાનું હતું. એક્ટ્રેસ હાલ હૈદરાબાદમાં 'થાલઈવી'ના શૂટિંગ માટે છે અને તે હાજર રહી ન હતી. એક્ટ્રેસ તરફથી તેના વકીલ રિઝવાન સિદ્દીકીએ હાઇકોર્ટમાં યાચિકા સબમિટ કરી છે. યાચિકા પર સુનાવણી કરતા બોમ્બે હાઇકોર્ટે તેને 8 જાન્યુઆરીએ બપોરે 12થી 2 વચ્ચે બાંદ્રા પોલીસ સ્ટેશનમાં હાજર રહેવાનો આદેશ આપ્યો છે.

જસ્ટિસ એસ એસ શિંદેની બેન્ચે તેમનો નિર્ણય આપતા કહ્યું કે, 'અમે જે પ્રસ્તાવ રજૂ કરી રહ્યા છે, તેમાં અમે તમને સમય આપશું. અમે યાચિકાકર્તા (કંગના અને તેની બહેન રંગોલી)ને ધરપકડથી સુરક્ષા આપશું. તેમને જાન્યુઆરીમાં પૂછપરછ માટે આવવા દો.'

18 નવેમ્બરે કંગના અને તેની બહેન રંગોલી ચંદેલને ત્રીજી વખત સમન્સ મોકલવામાં આવ્યું હતું. આ સમન્સમાં કંગનાને 23 નવેમ્બરે અને તેની બહેન રંગોલી ચંદેલને 24 નવેમ્બરે હાજર થવા માટે કહેવામાં આવ્યું હતું.

બંને બહેનો પર સોશિયલ મીડિયા પર સાંપ્રદાયિક તણાવ ફેલાવવાનો અને જજ પર વાંધાજનક ટિપ્પણી કરવાનો કેસ ફાઈલ થયો છે. બંને વિરુદ્ધ કોર્ટના આદેશ પર 17 ઓક્ટોબરે બાંદ્રા પોલીસ સ્ટેશનમાં કેસ ફાઈલ થયો હતો. તે પહેલાં કંગનાને પૂછપરછ માટે 26 ઓક્ટોબર અને 3 નવેમ્બરે સમન્સ મોકલીને બોલાવવામાં આવી હતી. ભાઈના લગ્નનો હવાલો આપીને એક્ટ્રેસે 15 નવેમ્બર પછી પૂછપરછ માટે હાજર થવાની વાત કરી હતી.

બે ધર્મો વચ્ચે દ્વેષ પેદા કરવાનો આરોપ
સ્થાનિક કોર્ટના આદેશ પર કંગના વિરુદ્ધ મુંબઈના બાંદ્રા પોલીસ સ્ટેશનમાં FIR ફાઈલ થઇ હતી. બંને બહેનો વિરુદ્ધ એક વિશેષ સમુદાય માટે વાંધાજનક શબ્દોનો ઉપયોગ કરવા અને એક વિશેષ સમુદાય સાથે જોડાયેલા લોકોને ભડકાવવાનો આરોપ છે.

કંગના પર યાચિકા કરનારાના આ આરોપ
કાસ્ટિંગ ડિરેક્ટર અને ફિટનેસ ટ્રેનર સાહિલ અશરફ અલી સૈયદની યાચિકા પર સુનાવણી કરતા બાંદ્રા કોર્ટે એક્ટ્રેસ વિરુદ્ધ FIR ફાઈલ કરવાનો આદેશ આપ્યો હતો. સાહિલ અશરફ અલી સૈયદે તેની યાચિકામાં લખ્યું છે કે, 'કંગના રનૌત છેલ્લા ઘણા મહિનાથી સતત બોલિવૂડને નેપોટિઝ્મ અને ફેવરેટિઝ્મનું હબ કહીને તેનું અપમાન કરી રહી છે. તેના ઓફિશિયલ ટ્વિટર હેન્ડલથી ટ્વીટ કરી અને ટીવી ઇન્ટરવ્યૂ મારફતે તે હિન્દૂ અને મુસ્લિમ આર્ટિસ્ટ વચ્ચે ભાગલા પડાવી રહી છે.

તેમણે ઘણા જ વાંધાજનક ટ્વીટ કર્યા છે, જે માત્ર ધાર્મિક ભાવનાઓ જ નહીં પણ ઇન્ડસ્ટ્રીના ઘણા કલીગ્સની ભાવનાઓને પણ ઠેસ પહોંચાડે છે.' સાહિલે કોર્ટ સામે પુરાવા તરીકે કંગનાના ઘણા ટ્વીટ રાખ્યા.

આ ધારાઓ હેઠળ કેસ ફાઈલ થયો છે
બાંદ્રા મેટ્રોપોલિટનના મેજિસ્ટ્રેટ જયદેવ વાય ઘુલેએ કંગના વિરુદ્ધ CRPCની ધારા 156(3) હેઠળ FIR ફાઈલ કરવાના આદેશ આપ્યા હતા. તેના પર એક્શન લેતા પોલીસે કંગના અને તેની બહેન વિરુદ્ધ આ ધારાઓ હેઠળ કેસ ફાઈલ કર્યો છે.

ધારા 153 A: IPCની ધારા 153 (A) તે લોકો પર લગાવવામાં આવે છે જે ધર્મ, ભાષા, જાતી વગેરેને આધારે લોકોમાં નફરત ફેલાવવા પ્રયત્ન કરે છે. આમાં 3 વર્ષ સુધીની જેલ અથવા દંડ અથવા બંને થઇ શકે છે.
ધારા 295 A: આ ધારા હેઠળ એવા કાર્યને ગુનો માનવામાં આવે છે જ્યાં આરોપી વ્યક્તિ, ભારતના નાગરિકોના કોઈ વર્ગની ધાર્મિક ભાવનાઓને હાનિ પહોંચાડવાના ખરાબ આશયથી તે વર્ગ કે ધર્મ કે ધાર્મિક વિશ્વાસનું અપમાન કરે છે અથવા આવું કરવાનો પ્રયાસ કરે છે.
ધારા 124 A:જો કોઈપણ વ્યક્તિ ભારતની સરકારના વિરોધમાં સાર્વજનિક રૂપમાં એવું કઈ કરે જેનાથી દેશ સામે સુરક્ષાનો સંકટ પેદા થઇ શકે છે તો તેને ઉંમરકેદની સજા થઇ શકે છે. આ કાર્યના સમર્થન કરવા કે પ્રચાર- પ્રસાર કરવા પર પણ કોઈને દેશદ્રોહનો આરોપી માની લેવામાં આવે છે.
ધારા 34: આ ધારા મુજબ જ્યારે એક અપરાધિક કામ બધા વ્યકતિએ સામાન્ય હેતુથી કર્યું હોય, તો દરેક વ્યક્તિ આવા કાર્ય માટે જવાબદાર છે જેમ કે ગુનો તેણે એકલા એ જ કર્યો છે.

Download Dainik Bhaskar App to read Latest Hindi News Today


બે ધર્મો વચ્ચે દ્વેષ પેદા કરવાના આરોપમાં કંગના વિરુદ્ધ મુંબઈના બાંદ્રા પોલીસ સ્ટેશનમાં FIR ફાઈલ થઇ હતી. – ફાઈલ ફોટો

Source

સૈફ અલી ખાનની પોલિટિકલ ડ્રામા ‘દિલ્હી’નું નામ બદલીને ‘તાંડવ’ રાખવામાં આવ્યું, આવતા મહિને ડિજિટલ પ્લેટફોર્મ પર રિલીઝ થશે

www.divyabhaskar.co.in |

લોકડાઉન બાદ ભારતના ઘણા થિયેટર્સ શરૂ થઈ ગયા છે. જો કે,પરિસ્થિતિ હજી સામાન્ય થવામાં થોડા મહિનાનો સમય લાગશે અને એટલે જ આ સમય દરમિય ઘણાં ડિજિટલ પ્લેટફોર્મ સમયાંતરે નવા શો અને ફિલ્મો રિલીઝ કરીને ઓડિયન્સનું એન્ટરટેઇનમેન્ટ કરવાનો તમામ પ્રયાસ કરી રહ્યા છે.

લોકડાઉન દરમિયાન 'પંચાયત',’બ્રીધ: ઇન્ટુ ધ શેડો’, 'પાતાલ લોક' અને 'મિરઝાપુર 2' વેબ સિરીઝની સફળતા પછી એમેઝોન પ્રાઇમ વીડિયો ભારતીય દર્શકો માટે બીજી મનોરંજક વેબ સિરીઝ લાવવાની તૈયારીમાં છે. અહીં ફિલ્મ નિર્માતા અલી અબ્બાસ ઝફરના આગામી પોલિટિકલ ડ્રામા 'તાંડવ'ની વાત થઈ રહી છે, જેમાં સૈફ અલી ખાન લીડ રોલમાં જોવા મળશે.

આ વર્ષના અંત સુધીમાં 'ધ ફેમિલી મેન 2'ને બદલે 'તાંડવ' રિલીઝ થશે
સૂત્રો દ્વારા જાણવા મળ્યું છે કે, મેકર્સ આ સિરીઝને આવતા વર્ષની શરૂઆતમાં લોન્ચ કરવાના હતા. પ્લાનિંગ પ્રમાણે, આ વર્ષના અંત સુધીમાં તેઓ મનોજ બાજપેયીની 'ધ ફેમિલી મેન 2' લોન્ચ કરવાના હતા. પરંતુ લોકડાઉનને કારણે આ સિરીઝ અત્યાર સુધી પૂરી નથી થઈ શકી. સિરીઝના VFXનું કામ હજી પૂરું નથી થયું, જેના કારણે આ વર્ષે આ સિરીઝ લોન્ચ કરવામાં નહીં આવે. બીજીબાજુ, સૈફ અલી ખાનની 'તાંડવ' તૈયાર છે અને એટલે જ મેકર્સ 'ધ ફેમિલી મેન 2' ને બદલે આ વર્ષના અંત સુધીમાં 'તાંડવ' રિલીઝ કરી દેશે.

સિરીઝનું ટાઇટલ 'દિલ્હી' બદલીને 'તાંડવ' રાખવામાં આવ્યું
સૈફ અલી ખાનની આ 9 એપિસોડની સિરીઝનું ટાઇટલ પહેલાં 'દિલ્હી' હતું, જે હવે બદલીને 'તાંડવ' રાખવામાં આવ્યું છે. આ સિરીઝમાં સૈફ વડાપ્રધાનના દીકરાનો રોલ પ્લે કરશે, જે ગ્રે કેરેક્ટરમાં જોવા મળશે. વડાપ્રધાનની ખુરશી મેળવવા માટે સૈફનો રોલ કઈ હદ વટાવશે એ તો સિરીઝની સ્ટોરી પર જ આધારિત હશે. સિરીઝમાં સૈફ અલી ખાન ઉપરાંત ડિમ્પલ કાપડિયા, સુનીલ ગ્રોવર, તિગ્માંશુ ધુલિયા, ક્રિતિકા કામરા અને સારા જેન ડિયાસ પણ મહત્ત્વપૂર્ણ ભૂમિકામાં જોવા મળશે.

અલી અબ્બાસ ઝફર આ સિરીઝથી ડિજિટલ ડેબ્લૂ કરશે
અલી અબ્બાસ ઝફર આ સિરીઝથી ડિજિટલ ડેબ્લૂ કરશે, જ્યારે સૈફ અલી ખાન 'સેક્રેડ ગેમ્સ સીઝન 2' પછી ફરીથી વેબ સ્પેસમાં કમબેક ફરતો જોવા મળશે. તાજેતરમાં જ અભિનેતાએ રોગચાળા દરમિયાન તેની ફર્સ્ટ એમેઝોન પ્રાઇમ શો માટે ડબિંગ કર્યું છે.

Download Dainik Bhaskar App to read Latest Hindi News Today


Saif Ali Khan’s political drama ‘Delhi’ has been renamed ‘Thandav’ and will be released on digital platforms next month.

Source

અક્ષય અને શાહરુખથી વધુ ટ્વિટર યુઝ કરે છે સોનુ સૂદ, ટ્વિટિટના ટ્વિટર એન્ગેજમેન્ટ લિસ્ટમાં ચોથા નંબર પર, PM મોદી ટોપ પર

www.divyabhaskar.co.in |

બોલિવૂડ સ્ટાર્સ તેના ફેન્સના ટચમાં રહેવા માટે હાલ ટ્વિટરનો સૌથી વધુ યુઝ કરી રહ્યા છે. કોરોના મહામારી દરમ્યાન સૌથી વધુ ટ્વિટર યુઝ કરવાની બાબતમાં સોનુ સૂદનું નામ પહેલી હરોળમાં આવ્યું છે, જેણે શાહરુખ ખાન, અક્ષય કુમાર જેવા મોટા સ્ટાર્સને ટ્વિટર એન્ગેજમેન્ટમાં પાછળ રાખી દીધા છે. સોશિયલ મીડિયા એનાલિટિક્સ ફર્મ 'ટ્વિટિટ' દ્વારા ઓક્ટોબરના એનાલિસિસનો રિપોર્ટ જાહેર કરવામાં આવ્યો છે. તેમાં સોનુ સૂદ ચોથા નંબર પર છે.

આ કેટેગરીઝમાં થયું એનાલિસિસ
ટ્વિટિટ દ્વારા જે કેટેગરીઝની વચ્ચે આ એનાલિસિસ કરવામાં આવ્યું તેમાં રાજકારણી, જર્નલિસ્ટ, બિઝનેસ લીડર્સ, ફાઉન્ડર અને ઇન્વેસ્ટર્સ, ખેલાડી, શેફ, લેખક, કોમેડિયન અને મૂવી સ્ટાર્સ સામેલ હતા. વડાપ્રધાન મોદી આ લિસ્ટમાં સૌથી ટોપ પર છે. બીજા નંબર પર રાહુલ ગાંધી છે. ત્રીજા પર વિરાટ કોહલી અને ચોથા નંબર પર સોનુ છે.

લોકડાઉનથી જ સોનુ સતત એક્ટિવ
શાહરુખ ખાનના ટ્વિટર પર 41.3 મિલિયન ફોલોઅર્સ છે જ્યારે સોનુના માત્ર 4.6 મિલિયન એટલે કે શાહરુખના ફોલોઅર્સનો દસમો ભાગ. તેમ છતાં સોનુએ 2.4 મિલિયન એન્ગેજમેન્ટ સાથે બોલિવૂડ સ્ટાર્સના લિસ્ટમાં ટોપ પર છે. સોનુની વાત કરીએ તો તે પ્રવાસીઓ, વિદ્યાર્થીઓ અને જરૂરિયાતમંદ લોકોની મદદ માટે સતત ટ્વિટર યુઝ કરી રહ્યો છે.

આ છે લિસ્ટના બાકીના સ્ટાર્સ
શાહરુખ ખાન માત્ર મૂવી સ્ટાર્સવાળા લિસ્ટમાં 7.3 લાખ એન્ગેજમેન્ટ સાથે બીજા નંબર પર જ્યારે અક્ષય કુમાર 6.72 લાખ એન્ગેજમેન્ટ સાથે ત્રીજા નંબર પર છે. અનુપમ ખેર 4.2 લાખ એન્ગેજમેન્ટ સાથે ચોથા નંબર પર અને રિતેશ દેશમુખ 4.2 લાખ એન્ગેજમેન્ટ સાથે પાંચમા નંબર પર છે. પૂજા હેગડે ટોપ 10માં સામેલ છે અને તેનું એન્ગેજમેન્ટ 2.51 લાખ છે.

Download Dainik Bhaskar App to read Latest Hindi News Today


According To An Analytics Report By Twitteet, Sonu Sood Left Behind All Bollywood Stars In Twitter Engagement Race

Source

‘બિગ બોસ’માંથી બહાર આવતાંની સાથે કુમાર સાનુ પર તેનો દીકરો સાનુ ભડક્યો, કહ્યું,‘મારા ઉછેર વિશે તો તે કંઈ બોલે જ નહીં એમાં જ એમની ભલાઈ છે’

www.divyabhaskar.co.in |

કુમાર સાનુનો દીકરો જાન સાનુ ‘બિગ બોસ 14’ના ઘરમાંથી બહાર નીકળી ગયો છે. શૉમાંથી બહાર આવતાંની સાથે તેણે પિતા કુમાર સાનુ પર પોતાનો રોષ ઠાલવ્યો છે. જાન સાનુએ કહ્યું કે, એક પિતા દ્વારા તેના ઉછેર પર પ્રશ્નો કરવા એ અફસોસજનક છે. થોડા દિવસ પહેલાં કુમાર સાનુએ કહ્યું હતું કે, તેની પત્ની રીતાએ દીકરાનો ઉછેર સારી રીતે કર્યો નથી.

દિવ્ય ભાસ્કર સાથેની ખાસ વાતચીતમાં જાને કહ્યું કે, ‘કોઈને પણ મારા ઉછેર પર પ્રશ્નો કરવાનો હક નથી. પરંતુ મને દુઃખ છે કે મારા પિતા જ આવું કરી રહ્યા છે. મને ખબર છે કે મારાથી અજાણતામાં ભૂલ થઇ હતી. મેં જાણી જોઈને મરાઠી ભાષા વિરુદ્ધ કંઈ કહ્યું નહોતું. જો મારાથી ભૂલ પણ થઈ ગઈ હોય તો મારી વિરુદ્ધ વીડિયો બનાવીને સોશિયલ મીડિયા પર મૂકવાનો કોઈ હક નથી.

કોઈ પિતા તેના બાળક વિરુદ્ધ ના બોલે અને એ પણ સોશિયલ મીડિયા પર. મને તેમના આ કામથી દુઃખ થયું છે. પરંતુ હકીકત એ પણ છે કે તેઓ મારા પિતા છે. તે ભલે ગમે તે કરે કે બોલે હું તેમની વિરુદ્ધ ન જઈ શકું. અને આ જ મારા સંસ્કાર છે.

સાચું કહું તો મારા પિતાએ ક્યારેય મારી જવાબદારી ઉપાડી નથી. મારા ઉછેર વિશે એ કંઈ બોલે નહિ તે જ સારું રહેશે. હું તેમને કોઈ પણ જવાબ આપવા માગતો નથી. એક બાજુ તેમણે મારા ઉછેર વિરુદ્ધનો વીડિયો પોસ્ટ કર્યો અને બીજી તરફ મારા કામનાં વખાણ પણ કર્યાં. કદાચ તેમને મારા માટે મિક્સ્ડ ફીલિંગ છે. હું આ વિશે તેમની પાસે ચોક્કસ વાત કરીશ.’

શો દરમિયાન મરાઠી ભાષાના અપમાનને લઈને તે ચર્ચામાં આવ્યો હતો, પણ જાનનું કહેવું છે કે, લોકોએ તેની વાતને ખોટી રીતે લીધી. શૉના કોન્સેપ્ટ પ્રમાણે તમે માત્ર હિન્દી બોલી શકો છો અને હું તેના પર જ ફોકસ કરી રહ્યો હતો.

‘મારો ઉછેર મુંબઈમાં થયો છે અને મને મરાઠી ભાષા સાથે કોઈ પ્રોબ્લેમ નથી. લોકોની ભાવનાને ઠેસ પહોંચાડવાનો મારો ઉદ્દેશ નથી. મેં મરાઠી ભાષામાં ઘણાં ગીત ગાયાં છે. લોકોએ મારી વાતને ખોટી રીતે સમજી. મને મહારાષ્ટ્ર અને મરાઠી ભાષા એ બંને પ્રત્યે પ્રેમ છે અને હું ક્યારેય આ શહેર વિરુદ્ધ નહિ બોલું.’

બિગ બોસમાં પોતાના અનુભવ વિશે જાન સાનુએ કહ્યું કે, ‘મને વિશ્વાસ નહોતો કે આટલા દિવસ મને શોમાં રહેવાનો મોકો મળશે. શોમાં રહીને મને ખબર પડી કે દુનિયામાં કેટલી પર્સનાલિટીઝના લોકો રહે છે. ઘરમાં ઘણા લોકો છે, જે એકદમ ફેક છે.

એઝાઝ ખાન, કવિતા કૌશિક, જેસ્મિન ભસીન, અલી ગોની, રૂબીના…આ બધા લોકો ફેક છે. એ બધા એક સ્ટ્રેટજી સાથે રમે છે. તો પણ હું ઈચ્છું છું કે એઝાઝભાઈ જીતે. તે કોઈ પણ પ્રકારની સ્થિતિ બેલેન્સ કરે છે. તે વખાણલાયક છે.’

‘નિક્કી મારી મિત્ર નથી’
શોમાં નિક્કી તંબોલી સાથે સંબંધને લઈને જાન ચર્ચાનું કેન્દ્ર બની ગયો હતો, પરંતુ જાનના કહેવા પ્રમાણે લોકોએ આ વાતને પણ ખોટા એન્ગલથી જોઈ. જાને કહ્યું કે, ‘નિક્કી મારી સારી મિત્ર હતી, પરંતુ જ્યારે તેણે મારી સાથે એક ખરાબ પબ્લિસિટી સ્ટંટ કર્યો ત્યારે મને ખોટું લાગ્યું હતું.

હું તેની સાથે ફ્રેન્ડ્લી હતો, પરંતુ સ્ક્રીન પર ખોટી રીતે દેખાડ્યું. કદાચ એટલે કે ઓડિયન્સ અમારી કેમેસ્ટ્રી એન્જોય કરી રહી હતી. લોકોને લાગ્યું કે નિક્કી મારા પર પ્રભાવ પાડી રહી છે, પણ આ ખોટું છે. હું ક્યારેય તેને એક મિત્ર તરીકે નહિ જોઉં.’

Download Dainik Bhaskar App to read Latest Hindi News Today


Kumar Sanu’s Son Jaan Kumar Sanu Rages On His Father, Says He Has No Right To Question My Upbringing

Source

Drugs Case: કૉમેડિયન ભારતી સિંહ અને હર્ષ લિંબાચિયાની જામીન અરજી પર આજે સુનાવણી

gujarati.oneindia.com |
મુંબઈઃ જાણીતી કૉમેડિયન ભારતી સિંહ અને તેના પતિ તેમજ ટીવી એન્કર હર્ષ લિંબાચિયાને રવિવારે મુંબઈની કિલા કોર્ટે ડ્રગ્ઝ કેસમાં 4 ડિસેમ્બર સુધી ન્યાયિક કસ્ટડીમાં રાખવાનો નિર્ણય લીધો હતો. જો કે ભારતી અને હર્ષે કોર્ટમાં પોતાની જામીન અરજી નાખી દીધી છે. તેની

Source

મંદાના કરીમીએ પ્રોડ્યુસર મહેન્દ્ર ધારીવાલ પર હેરેસમેન્ટનો આરોપ મૂકી કહ્યું, ‘કપડાં ચેન્જ કરતી વખતે તે વેનિટી વેનમાં ઘૂસી ગયો હતો’

www.divyabhaskar.co.in |

‘બિગ બોસ 9’ પછી ચર્ચામાં આવેલી મોડલ અને એક્ટ્રેસ મંદાના કરીમીએ પોતાની ફિલ્મ ‘કોકા કોલા’ના પ્રોડ્યુસર મહેન્દ્ર ધારીવાલ પર જાતીય સતામણીનો આરોપ મૂક્યો છે. મંદાનાએ કહ્યું કે, ‘હું જ્યારે વેનિટી વેનમાં ડ્રેસ બદલી રહી હતી ત્યારે મહેન્દ્રએ અંદર આવીને મારી સાથે અડપલા કર્યા હતા. આ ઘટના દિવાલી પહેલાં એક દિવસ 13 નવેમ્બરની છે.’

મંદાનાએ એક વાતચીતમાં કહ્યું કે, ‘હું હજુ શોક છું, મારી સાથે શું થયું? ‘કોકા કોલા’ પર કામ કર્યાને એક વર્ષથી વધારે સમય પસાર હૈ ગયો છે. મને શરુઆતથી આ ટીમ સાથે કામ કરવામાં તકલીફ થતી હતી.’

મહેન્દ્ર ધારીવાલના વિચાર જૂના અને પુરુષપ્રધાન છે. સેટ પર કોઈ એક વ્યક્તિના ઈગો પર કામ કરવું કોઈ નવી વાત નથી, પરંતુ 13 નવેમ્બરની ઘટનાથી હું હલી ગઈ છું.

વધુમાં એક્ટ્રેસે કહ્યું, ‘શૂટિંગનો છેલ્લો દિવસ હતો અને હું મારું બધું કામ પૂરું કરવા માગતી હતી કારણકે મારે કોઈને મળવા જવાનું હતું. શૂટ પૂરું થયા પહેલાં પ્રોડ્યુસરે મને એક કલાક વધારે રોકવા કહ્યું. તે મારા માટે શક્ય નહોતું. શૂટ પૂરું થતાની સાથે હું ચેન્જ કરવા વેનિટી વેનમાં ગઈ અને સ્પોટબોયને કહ્યું કે અંદર કોઈને આવવા ના દે. મને લાગ્યું કે દરવાજો બંધ છે, પણ તેવું નહોતું. હું ચેન્જ કરી રહી હતી ત્યારે મહેન્દ્ર અંદર આવ્યો. મેં તેને બહાર જવા માટે વિનંતી કરી, પરંતુ તે ના ગયો અને બૂમો પાડતો રહ્યો. નસીબજોગે સ્ટાઈલિસ્ટ (હિતેન્દ્ર કપોપરા) ભાગતો અંદર આવ્યો અને વાત બગડે તે પહેલા જ ધારીવાલને ધક્કો મારીને કાઢી મૂક્યો.’

મહેન્દ્રએ કઈક અલગ જ સ્ટોરી કહી
મંદાનાના આરોપ પર ચોખવટ આપતા મહેન્દ્ર ધારીવાલે અલગ જ સ્ટોરી કહી. ધારીવાલે કહ્યુ, ‘અમે મંદાનાને 7 લાખ રૂપિયામાં સાઈન કરી હતી, પરંતુ જ્યારે શૂટિંગ શરૂ થયું અને સતત ચાલતી રહી તો મંદાનાના નાટક વધી ગયા. જેમકે અમે દિલ્હીમાં શૂટિંગ કરી રહ્યા હતા અને તેણે એક દિવસમાં રિટન આવવાનું હતું. ત્યારે તેણે 2 લાખ રૂપિયાની ડિમાન્ડ કરી.’

લોકડાઉન બાદ ફરી શૂટિંગ શરૂ કરવાનું પ્લાનિંગ કર્યું તો તેની ડેટ જાણવા માટે સંપર્ક કર્યો. ત્યારે તેણે કહ્યું હતું કે તે વ્યસ્ત છે. તેણે તે નવી ડેટ્સ માટે 2 લાખ રૂપિયા પ્રતિદિવસની માગણી કરી. તે પૈસા એડવાન્સમાં માગતી હતી અને તેને આપવામાં પણ આવ્યા હતા.

છેલ્લા દિવસે શું થયું હતું?
શૂટના છેલ્લા દિવસની સ્પષ્ટતા કરતા ધારીવાલે કહ્યું કે, શિફ્ટ સવારે 9 વાગ્યાથી રાતે 9 વાગ્યા સુધી હતી, પરંતુ 8 વાગ્યા એટલે એક્ટ્રેસ વેનિટી વેનમાં ચાલી ગઈ. ધારીવાલ પ્રમાણે, તેઓ મંદાના પાછળ એટલા માટે ભાગ્યા કે તેઓ શૂટિંગ હજુ પણ આગળ લંબાવી શકતા નથી કારણ કે તેઓ નુક્સાનમાં છે.

તેઓ કહે છે કે, ‘તે સમજવા માટે તૈયાર ન થઈ અને પેકઅપ કરવા લાગી તો હું ગુસ્સે થઈ ગયો. તેના પર મંદાનાએ મારો વીડિયો બનાવવાનો શરૂ કર્યો. તેને વેનિટી વેનમાં ગયાની 10-15 સેકન્ડ બાદ હું અંદર ગયો અને એન્ટ્રી સમયે દરવાજો પણ ખખડાવ્યો હતો. તેણે મને અંદર આવવા કહ્યું હતું.

પબ્લિક બાહર ઊભી હતી અને હું વેનની સીડી પર ઊભો હતો. મેં તેને વધારાની 15 મિનિટ આપવા માટે નિવેદન કર્યું, પરંતુ તેણે નાટક શરુ કર્યા તો મને ગુસ્સો આવી ગયો. ત્યારબાદ તે શૂટિંગ ફ્લોર પર આવી અને તેણે મારો વીડિયો બનાવવાનો શરૂ કર્યો. સેટ પર ઘણા લોકો હતા. જે એ વાત પુરવાર કરી શકે છે કે હું સાચું કરી રહ્યો હતો. ’

Download Dainik Bhaskar App to read Latest Hindi News Today


Mandana Karimi Alleges Producer Mahendra Dhariwal Harassed Her On The Set Of Koka Kola

Source

error:
Scroll to Top