પણ

નરેશ કનોડિયાના ઘરની બહાર પ્રોડ્યૂસરની લાઈન લાગતી, પત્નીએ પણ સમય માગવો પડ્યો હતો

www.divyabhaskar.co.in |

ગુજરાતી ફિલ્મના સુપરસ્ટાર અને પૂર્વ ધારાસભ્ય એવા નરેશ કનોડિયાનું મોટાભાઈ મહેશ કનોડિયાના નિધનના ત્રીજા દિવસે નિધન થયું હતું અને તેમના અંતિમ સંસ્કાર ગાંધીનગર ખાતે સેક્ટર 30 ખાતે કરવામાં આવ્યા હતા. 20 ઓક્ટોબરે તેમને કોરોના થયો હતો અને 22મીએ અમદાવાદની યુ.એન.મહેતા હોસ્પિટલમાં સારવાર હેઠળ હતા.

72થી વધુ એક્ટ્રેસ સાથે કામ કર્યું
નરેશ કનોડિયાની પ્રથમ ફિલ્મ 'વેલીને આવ્યાં ફૂલ' 1969માં રિલીઝ થઈ હતી. યાને કે પાંચ દાયકામાં પથરાયેલી સુદીર્ઘ કારકિર્દીમાં તેમણે 125થી પણ વધુ ફિલ્મમાં કામ કર્યું હતું. આ દરમિયાન તેમણે દરેક દોરની સુપરહિટ અભિનેત્રીઓ સાથે પણ કામ કર્યું હતું. તેમાં સ્નેહલતા, અરુણા ઈરાની, રોમા માણેક સહિત 72 હિરોઈન સાથે સ્ક્રીન શૅર કર્યો હતો. નવાઈની વાત એ છે કે નરેશ કનોડિયાએ પદ્મારાણી તથા તેમનાં દીકરી ડેઇઝી ઈરાની એમ બંને સાથે હીરો તરીકે કામ કર્યું હતું.

હજુ બે દિવસ પહેલાં જ અવસાન પામેલા મોટા ભાઈ મહેશ કનોડિયા સાથે મળીને 'મહેશ-નરેશ' નામથી આ બેલડીએ ફિલ્મોમાં સંગીત પણ આપ્યું હતું. મહેશ-નરેશે 150થી વધુ ફિલ્મોમાં સંગીત આપ્યું હતું, જેમાં 15થી વધુ હિંદી ફિલ્મો પણ સામેલ હતી. મહેશ-નરેશે કન્નડ ફિલ્મમાં પણ સંગીત આપ્યું હતું.

એમના ઘરની બહાર પ્રોડ્યૂસરોની લાઇનો લાગતી
ગુજરાતી ઈન્ડસ્ટ્રીના જાણીતા ફિલ્મ અભ્યાસુ જીતેન્દ્ર બાંધણીયાએ 'દિવ્ય ભાસ્કર' સાથેની વાતચીતમાં કહ્યું હતું, 'એક પત્રકાર તરીકે સૌ પહેલી વાર નરેશ કનોડિયા સાથે મળવાનું થયું હતું અને પછી તેમની સાથે ઘર જેવા સંબંધો બંધાઈ ગયા હતા. નરેશભાઈ તેમની સાથે જોડાયેલા લોકોની દરકાર ઘણી જ કરતા હતા. તેઓ ગુજરાતી ફિલ્મ ઈન્ડસ્ટ્રીના સૌથી મોટા સુપરસ્ટાર હતા પરંતુ તેમના પર ક્યારેય સ્ટારડમ હાવી થયું નહોતું. તે દરેક લોકોનું ધ્યાન રાખતા હતા. નરેશભાઈ ઘણાં જ વ્યસ્ત રહેતા. તેમની શિફ્ટ સતત ચાલુ રહેતી. તેમના ઘરની બહાર પ્રોડ્યૂસરોની લાઈન લાગતી હતી. તેઓ ઘરમાં પૂરતો સમય આપી શકતા નહોતા. આથી એક દિવસ કંટાળીને તેમનાં પત્ની રતનબેને નરેશભાઈને એવું કહ્યું હતું કે અમે પણ જો આ પ્રોડ્યૂસરોની લાઈનમાં બેસીએ તો તમે અમને ક્યારની ડેટ આપશો. અમને તમારી ડેટ જોઈએ છીએ.'

જયશંકર સુંદરીએ 100 રૂપિયાનું ઈનામ આપ્યું હતું
વધુમાં જીતેન્દ્ર બાંધણીયાએ કહ્યું હતું, 'એકવાર નરેશભાઈ અને મહેશભાઈ અમદાવાદના મિર્ઝાપુર વિસ્તારમાં એક્ટિંગ માટે જતા હતા. અહીંયા તેમણે રંગભૂમિનું ગીત 'હતી અમારે ઘેર મહેર, લક્ષ્મીની વાડી…' ગાયું હતું. આ ગીત ગાતા હતા ત્યારે જયશંકર સુંદરીએ નરેશ કનોડિયાને 100 રૂપિયા ઈનામ આપ્યું હતું અને આ ઈનામથી તેઓ ઘણાં જ ખુશ થઈ ગયા હતા.'

જીતેન્દ્ર બંધાણીયાએ નરેશ કનોડિયાને ટાઈમના પર્ફેક્ટ ગણાવતાં કહ્યું હતું, 'તેઓ સમયસર સેટ પર આવી જતા અને એક પછી એક શિફ્ટમાં કામ કરતા હતા. તેઓ ઘણીવાર પોતાની કારમાં જ મેકઅપ કરીને લેતા અને સેટ પર જઈને સીધું શૂટિંગ શરૂ કરી દેતા, જેથી સમયનો બગાડ ન થાય.'

મહેશ-નરેશના શો 20થી વધુ દેશોમાં થયા હતા. આ તમામ શોનું મેનેજમેન્ટ નરેશભાઈ કરતા હતા. શો શરૂ થાય તે પહેલાં નાનામાં નાની વાતોનું ધ્યાન રાખતા. દરેક ઈન્સ્ટ્રૂમેન્ટ ચેક કરતા હતા કે બધુ ઓકે છે કે નહીં? આટલું જ નહીં, ઘણીવાર તે સ્ટેજ પર કૂદકા મારીને પણ જોઈ લેતા કે સ્ટેજ બરોબર તો છે ને? મહેશભાઈને સહેજ પણ તકલીફ ન પડે તે વાતનું તેઓ શો દરમિયાન પૂરતું ધ્યાન રાખતા. ઘણીવાર મહિનામાં 35થી વધુ શો કરતા, પરંતુ તેમના ચહેરા પર ક્યારેય થાક જોવા મળતો નહીં.'

છેલ્લી ફિલ્મ અધૂરી રહી
નરેશ કનોડિયા સાથેનાં સંસ્મરણો વાગોળતાં ગુજરાતી ફિલ્મોના જાણીતા ગીતકાર, ડિરેક્ટર કેશવ રાઠોડે કહ્યું, 'નરેશભાઈની ઘણી ગુજરાતી ફિલ્મનાં ગીતો મેં લખ્યા છે, જેમાં 'રાજકુંવર', 'વટનો કટકો', 'વટ વચન ને વેર' સહિતની અનેક ફિલ્મ કરી છે. તેમના જવાથી ગુજરાતી ઈન્ડસ્ટ્રીને ઘણી જ મોટી ખોટ પડી છે. નરેશભાઈ મારી સાથે 'જય હડકશા માતા'માં કામ કરવાના હતા. આ ફિલ્મનું મુહૂર્ત પોરવા ગામમાં થયું હતું અને ત્યારે બેથી ત્રણ લાખ લોકો ભેગા થયા હતા. જોકે, કમનસીબે આ ફિલ્મ હવે અધૂરી રહી ગઈ.'

નરેશ કનોડિયા ગુજરાતી સિનેમામાં હોરર, ડિસ્કો ડાન્સ લાવ્યા
ગુજરાતી ફિલ્મ નિષ્ણાત કાર્તિકેય ભટ્ટે 'દિવ્ય ભાસ્કર' સાથેની વાતચીતમાં કહ્યું હતું, 'વેલીને આવ્યાં ફૂલ'થી નરેશભાઈએ 1968-69થી ગુજરાતી ફિલ્મમાં કામ કરવાની શરૂઆત કરી હતી. આ પહેલા મહેશ ભટ્ટે 'જીગર અને અમી' તથા 'તાનારીરી'માં સંગીત આપ્યું હતું. 'તાનારીરી'માં હોળીના ગીતમાં મહેશ તથા નરેશભાઈએ નાનકડો રોલ પણ કર્યો હતો (એ ફિલ્મમાં આ બંનેને 'મહેશ કુમાર' અને 'નરેશ કુમાર' તરીકે ક્રેડિટ અપાઈ હતી). પછી 1976માં મહેશ-નરેશે ફિલ્મ પ્રોડક્શન શરૂ કર્યું હતું અને તેમાં તેમણે સૌ પહેલા 'તમે રે ચંપો ને અમે કેળ' બનાવી હતી. આ ગુજરાતીની એક માત્ર હોરર ફિલ્મ છે અને તે બોક્સ ઓફિસ પર સુપરહિટ રહી હતી. આ ફિલ્મમાં સંગીત મહેશ-નરેશે આપ્યું હતું. ત્યારબાદ તેમણે 'મેરુ માલણ, 'વણઝારી વાવ', 'ઢોલા મારુ' જેવી અનેક ફિલ્મોમાં કામ કર્યું હતું. હરકિસન મહેતાની નવલકથા 'જોગ સંજોગ' પરથી બનેલી ફિલ્મમાં નરેશ કનોડિયા લીડ રોલમાં હતા. આ આધુનિક વાર્તા હતી. આ ફિલ્મથી નરેશ કનોડિયાએ ડિસ્કો ડાન્સ ગુજરાતી ફિલ્મ ઈન્ડસ્ટ્રીમાં ઈન્ટ્રોડ્યૂસ કર્યો હતો. આ ફિલ્મમાં ગીત 'આ દુનિયા મસ્તરામની..'માં નરેશ કનોડિયાએ ડાન્સ કર્યો હતો. તેમણે પોતાની પહેલી જ ફિલ્મ 'વેલીને આવ્યાં ફૂલ'માં શમ્મી કપૂર સ્ટાઈલનો ડાન્સ કર્યો હતો. ગુજરાતી ફિલ્મ ઈન્ડસ્ટ્રીના તેઓ પહેલા ડાન્સિંગ સુપરસ્ટાર હતા. તેમની લટ ઉલાળવાની સ્ટાઈલ ઘણી જ લોકપ્રિય થઈ હતી. તેમણે દેશ-વિદેશમાં ઘણા શો કર્યા હતા. યુનેસ્કોએ તેમને કલ્ચરલ પ્રતિનિધિત્વનું સર્ટિફિકેટ આપ્યું હતું. સંગીતમાં સૂર મહેશ કનોડિયા તો તાલ નરેશ કનોડિયા નક્કી કરતા હતા. બંને ભાઈઓ ખરા અર્થમાં સૂર-તાલ જેવા હતા.

થિયેટરોમાં રૂપિયા ઊછળતા
નરેશ કનોડિયા વિશે વધુ માહિતી આપતાં કાર્તિકેય ભટ્ટ કહે છે, 'ગોવિંદભાઈ પટેલ તથા નરેશ કનોડિયાની અનેક ફિલ્મો હિટ રહી હતી. નરેશ કનોડિયાએ પહેલાં સ્નેહલતા સાથે જોડી જમાવી હતી. પછી તેમણે રોમા માણેક, દીપિકા ચિખલિયા તથા યુવાન અભિનેત્રીઓ સાથે પણ કામ કર્યું. તેમનાં ગીતો ઘણાં જ લોકપ્રિય થતાં હતાં. 1986-96 દરમિયાન નરેશ કનોડિયાની ફિલ્મો ગોલ્ડન જ્યુબિલી (50 અઠવાડિયાં) તથા સિલ્વર જ્યુબિલી (25 અઠવાડિયાં) સેલિબ્રેટ કરતી હતી. તે સમયે 100 કરોડ ક્લબનો ટ્રેન્ડ નહોતો. તે સમયે દોઢ કે બે રૂપિયા ટિકિટ રહેતી અને ફિલ્મ લાખોની કમાણી કરતી હતી. તેમની ફિલ્મની ટિકિટો બ્લેકમાં વેચાતી હતી. આજે તો 100-125 સીટનાં મલ્ટિપ્લેક્સ હાઉસફુલ હોવાનું કહેવાઈ રહ્યું છે પરંતુ તે સમયે 1000 સીટનાં થિયેટર હાઉસફુલ જતાં અને તેમાં ટિકિટો બ્લેકમાં વેચાતી હતી. તેમનું ગીત 'જાગને માલણ', 'ઓઢણી ઓઢું' જેવાં ગીતો જ્યારે થિયેટરમાં વાગતાં ત્યારે લોકો રૂપિયા ઉડાવતા અને ડાન્સ કરવા લાગતા હતા. તેમણે હિંદી ફિલ્મ 'છોટા આદમી'માં પણ કામ કર્યું હતું. નરેશ કનોડિયા પોતાની સ્ટાઈલથી હટકે કરવા માગતા તો ડિરેક્ટર્સ તેમને ના પાડી દેતા અને તેમને જૂની સ્ટાઈલ જ કરવાનું કહેતા. તેઓ એટલા નમ્ર કલાકાર હતા કે નવા કલાકારો સાથે તેમણે કેરેક્ટર ભૂમિકા પણ ભજવી છે.'

સુપરસ્ટાર પરંતુ એક વ્યક્તિ તરીકે સાવ નમ્ર
ગુજરાતી ઈન્ડસ્ટ્રીના જાણીતા પ્રોડ્યૂસર-ડિરેક્ટર-રાઇટર જશવંત ગાંગાણી કહે છે, 'નરેશભાઈ બહુ જ સહજ, ટેલેન્ટેડ તથા ખેલદિલીવાળા એક સારા વ્યક્તિ તથા એક્ટર હતા. તેમણે અંતિમ શ્વાસ સુધી કામ કર્યું હતું. મહેશ-નરેશ એટલે રામ-લક્ષ્મણની જોડી, બે ખોળિયા એક જીવ જેવા હતા. હું તેમને સમ્રાટ કહેતો હતો. તેમણે નાના ગામના સામાન્ય પરિવારમાંથી આવીને શેરીમાં હાર્મોનિયમ પર ગીત ગાતા અને પછી આખા વિશ્વમાં તેમણે હજારો પ્રોગ્રામ કર્યા હતા. બંને ભાઈઓએ ખૂબ જ મહેનત કરી હતી. શરૂઆતમાં તેમની આર્થિક સ્થિતિ સારી નહોતી અને 12-15 વર્ષની ઉંમરથી કામ કરવાની શરૂઆત કરી હતી. પહેલાં મહેશ કુમાર એન્ડ પાર્ટી એ રીતે ગ્રુપનું નામ હતું. નરેશભાઈનું નામ જ્હોનીસ જુનિયર તરીકે બ્રેકેટમાં આવતું. પછી નરેશભાઈએ 'કનોડા ફિલ્મ્સ' હેઠળ ફિલ્મ બનાવવામાં આવી હતી અને નરેશ કનોડિયા સુપરસ્ટાર બન્યા હતા. પછી મહેશ એન્ડ નરેશ પાર્ટી એ રીતે બેન્ડનું નામ રાખવામાં આવ્યું હતું.'

સંવાદો તરત જ યાદ રહી જતા
જશવંત ગાંગાણી તથા નરેશ કનોડિયાએ પહેલી વાર 1999માં 'મન સાયબાની મેડીએ'માં કામ કર્યું હતું. જશવંતભાઈએ કહ્યું હતું, 'નરેશભાઈ એક વાર પાનું જોઈ લે એટલે તમામ ડાયલોગ્સ તેમને તરત જ યાદ રહી જતા. આટલું જ નહીં તેમને સામેની વ્યક્તિના માત્ર સંવાદો જ નહીં પરંતુ તેના રિએક્શન પણ ખબર રહેતા. તેમને સંવાદો યાદ રાખવાની ગોડ ગિફ્ટ મળી હતી. તેઓ એક જ વારમાં સંવાદોનાં પાનાં પોતાના મનમાં સ્કેન કરી નાખતા હતા. તેમને કારણે ભાગ્યે જ બીજો કે ત્રીજો ટેક થયો હશે. સેટ પર તેમણે ક્યારેય સ્ટારડમ બતાવ્યું નહોતું. તેઓ સેટ પર આવીને એમ કહેતા કે 'ગાંગાણી સાહેબ હું આવી ગયો છું, મારો સીન આવે ત્યારે કહેજો.' આટલી સહજતા તેમનામાં હતી.'

કનોડિયા પરિવાર સાથે 40-41 વર્ષના સંબંધો
ગુજરાતી ફિલ્મના જાણીતા ગીતકાર પ્રશાંત કેદાર જાદવે 'દિવ્ય ભાસ્કર' સાથેની વાતચીતમાં કહ્યું હતું, 'મારી સાથે એમને 40-41 વર્ષો જેટલા જૂના સંબંધો હતા. મેં મહેશભાઈને એક ગરબો લખીને આપ્યો હતો. આ ગરબાને આધારે મહેશભાઈએ મારી પાસે 'ઓઢણી ઓઢું ઓઢું ને ઊડી જાય' ગીત લખાવ્યું હતું. મને મહેશભાઈએ કહ્યું હતું કે આ એક રોમેન્ટિક સોંગ છે. આ સમયે હું બરોડા હતો અને મારી સાથે વાત કરી હતી. તે સમયે તેમના શો બહુ જ થતા હતા અને એક દિવસમાં બે શો થતા હતા. પછી હું બરોડામાં ઉત્સવ હોટલમાં રહીને મેં તેમને 'ઓઢણી…' ગીત આખું લખીને આપ્યું હતું. મને કલ્પના નહોતી કે આ ગીત આટલું હિટ જશે. 1989માં 'રામાયણ' સિરિયલ હિટ રહી હતી. 'જોડે રેજો રાજ'માં દીપિકા ચિખલિયા હતી. મને એક દિવસ ફોન આવ્યો અને મને મુંબઈ આવવાનું કહ્યું હતું. તે સમયે મારી પાસે પૂરતા પૈસા પણ નહોતા. હું ટ્રેનમાં મુંબઈ ગયો અને પછી બારેક વાગે મહેશ-નરેશભાઈને મળ્યો હતો. તેમણે મને ફિલ્મ અંગે વાત કરી અને મને ગીત લખવાનું કહ્યું હતું. પાંચ વાગે સ્ટૂડિયો બુક કરાવ્યો હતો. મેં પછી એક જ બેઠકમાં આખું ગીત લખ્યું હતું. એમાં કોઈ પણ ફેરફાર કરવામાં આવ્યો નહોતો. તેઓ આખો દિવસ ફિલ્મનું શૂટિંગ કરતા અને રાત્રે શો કરતા હતા. તે સમયે આજના જેવું સોશિયલ મીડિયા નહોતું પણ તેમના શોમાં હજારો લોકો આવતા હતા. તેઓ એકદમ સરળ વ્યક્તિ હતા. તેમને યુગ પ્રવર્તક કહી શકાય.'

Download Dainik Bhaskar App to read Latest Hindi News Today


gujarati super star naresh kanodia interesting facts

Source

ફાઈનાન્સરે હોટલનો ખર્ચ પણ ના આપ્યો, શૂટિંગ અધવચ્ચે છોડીને ટીમ દુબઈથી ભારત પરત ફરી

www.divyabhaskar.co.in |

એક મહિના પહેલા આર માધવન તથા ગૌરાંગ દોષી વેબ શો 'સેવન્થ સેન્સ'ના શૂટિંગ માટે દુબઈ ગયા હતા. ક્વૉરન્ટીન બાદ ટીમે શૂટિંગ શરૂ કર્યું હતું પરંતુ પછી થોડાં જ દિવસ બાદ શૂટિંગ બંધ કરી દેવું પડ્યું હતું. કહેવાય છે કે શોના મુખ્ય ફાઈનાન્સર સોહેલ મોહમ્મદ અલ ઝરૂની આ પ્રોજેક્ટમાંથી ખસી ગયા છે. શૂટિંગથી લઈ કલાકારો જે હોટલમાં રોકાયા હતાં તે તથા તમામ ખર્ચા ચૂકવવાની તેમણે ના પાડી દીધી છે. આ જ કારણે માત્ર પાંચ દિવસના શૂટિંગ બાદ તમામ કલાકારો ભારત પરત ફર્યા હતા.

ક્રિએટિવ ડિફરન્સને કારણે ફાઈનાન્સરે પૈસા આપવાનું બંધ કર્યું
પ્રોડક્શન હાઉસ સાથે જોડાયેલા સૂત્રોના મતે, ફાઈનાન્સર તથા ગૌરાંગ દોષી વચ્ચે ક્રિએટિવ ડિફરન્સ હતા. આ જ કારણે ફાઈનાન્સરે પૈસા આપવાનું બંધ કરી દીધું હતું. માધવન હાલમાં દુબઈમાં છે, કારણ કે તેનો પરિવાર ત્યાં છે. તેનો દીકરો અહીંયા અભ્યાસ કરે છે.

વધુમાં કલાકારો તથા કાસ્ટ-ક્રૂને એમ કહીને દુબઈ બોલાવવામાં આવ્યા હતા કે અહીંયા પૈસાની વ્યવસ્થા થઈ જશે. મોટાભાગના એક્ટર્સને સાઈનિંગ અમાઉન્ટની 20 ટકા રકમ અથવા ટોકન મની આપીને દુબઈ બોલાવવામાં આવ્યા હતા. જોકે, અહીંયા આવ્યા બાદ કંઈક અલગ જ હકીકત સામે આવી હતી.

બીજા ફાઈનાન્સર્સને શોધવામાં આવી રહ્યા છે
દિવ્ય ભાસ્કરે શોના એક્ટર રોહિત રોય સાથે વાત કરી હતી. તેણે કહ્યું હતું, 'શૂટિંગ કેમ બંધ થયું, તેની પાછળનું સાચું કારણ અમને ખબર નથી. ગૌરાંગ દોષીએ પોતાની રીતે કામ ચાલુ રાખવાના પ્રયાસ કર્યા હતા. 7-8 દિવસ શૂટિંગ કરવામાં આવ્યું હતું. મને ખ્યાલ છે કે ગૌરાંગ બીજીવાર શૂટિંગ ચાલુ થાય તે માટે પૂરા પ્રયાસો કરી રહ્યો છે.'

'આવી મુશ્કેલ પરિસ્થિતિમાં અમારા બધાની જવાબદારી છે કે અમે ગૌરાંગની સાથે ઊભા રહીએ. મોટા પ્રોજેક્ટ્સમાં આવું ક્યારેક થતું હોય છે. અહીંયા લગભગ 17-18 કલાકારો હતા. ગૌરાંગે બધાને પૈસા આપ્યા હશે. હકીકત એ પણ છે કે બીજા ફાઈનાન્સર્સને ઓન બોર્ડ લાવવામાં આવશે. નવેમ્બર કે ડિસેમ્બરમાં ફરીથી વેબ શોનું શૂટિંગ શરૂ થવું જોઈએ.

દિવ્યેન્દુ 25 દિવસ હોટલમાં રહ્યો અને પછી શૂટિંગ કર્યા વગર પરત ફર્યો
શોમાં મહત્ત્વની ભૂમિકા ભજવનાર દિવ્યેન્દુ ભટ્ટાચાર્ય દુબઈની હોટલમાં 25 દિવસ રહ્યો અને એક પણ દિવસ શૂટિંગ કર્યા વગર ભારત પરત ફર્યો હતો. તેણે કહ્યું હતું, 'હું લાંબા સમયથી મારા હિસ્સાના શૂટિંગની રાહ જોતો હતો. મારું કામ શરૂ થવામાં મોડું થયું અને પછી ફેમિલી ઈમરજન્સી આવી ગઈ. બીજા શોને ડેટ્સ આપી દીધી છે. આથી ભારત આવી ગયો. હવે ખબર પડી કે શૂટિંગ થતું નથી.'

'મોટાભાગના કલાકારો સાથે કોન્ટ્રાક્ટ સાઈન થઈ ચૂક્યો છે. જોકે, મને સાઈનિંગ અમાન્ટ પણ મળી નથી. અલબત્ત, ઈન્ડસ્ટ્રીમાં તો આવું ચાલતુ રહે. અનેકવાર પ્રોડ્યૂસર્સ વિશ્વાસ મૂકવાનો હોય છે. અમને ગૌરાંગ દોષી પર વિશ્વાસ છે કે તે ફાઈનાન્સ ભેગું કરી લેશે. આશા છે કે નવા ફાઈનાન્સર આવશે.'

Download Dainik Bhaskar App to read Latest Hindi News Today


The financier did not even pay for the hotel, leaving the shooting midway and seventh sense web show team returned to India from Dubai.

Source

શું પૂનમ પાંડે બાદ શર્લિન ચોપડાએ પણ કરી લીધા લગ્ન? Video વાયરલ

gujarati.oneindia.com |
મુંબઈઃ પૂનમ પાંડેના લગ્ન બાદ શર્લિન ચોપડાના લગ્ન ચર્ચાઓએ વેગ પકડ્યો છે. આવુ એટલા માટે કારણકે શર્લિન ચોપડાએ ખુદ એક વીડિયો શેર કરીને ફેન્સને હિંટ આપી છે. જેને જોયા બાદ અટકળો લગાવવામાં આવી રહી છે કે આ હૉટ હસીનાએ પણ ફેસ્ટીવ

Source

રિતેશ દેશમુખ આજે પણ પત્ની જેનેલિયા પાસેથી રૂપિયા લે છે, કહ્યું, ‘તેણે મારાથી વધારે કમાણી કરી છે અને મને આ વાત પર ગર્વ છે’

www.divyabhaskar.co.in |

ધ કપિલ શર્મા શોમાં બોલિવૂડનું ફેમસ કપલ રિતેશ દેશમુખ અને જેનેલિયા ડિસુઝા પહોંચ્યા હતા. શોમાં કપિલ શર્મા સાથે વાતચીત દરમિયાન બંનેએ એકબીજાની કેટલીક રસપ્રદ વાતો શેર કરી છે.

ચર્ચા દરમિયાન કપિલે જેનેલિયાને પૂછ્યું કે, મસ્તી ફિલ્મમાં તેણે રિતેશની પત્નીનો રોલ પ્લે કર્યો હતો, તો શું આ ડિરેક્ટરનો વિચાર હતો? આ પ્રશ્ન પર રિતેશે તરત જ જવાબ આપ્યો કે, 'ના, હકીકતમાં મિલાપ ઝાવેરી (લેખક)એ ઇન્દુજી (ડિરેક્ટર ઇન્દ્ર કુમાર) સાથે મળીને અમને કાસ્ટ કર્યા હતા. નવાઈની વાત એ હતી કે, વર્ષ 2002માં અમે ડેટ કરવાનું શરુ કર્યું અને 2003માં શૂટિંગ દરમિયાન એક સિક્વન્સ આવે છે જેમાં અમારા લગ્ન થાય છે. એ બહુ વિચિત્ર સ્થિતિ હતી કે રિલેશનશિપના એક વર્ષમાં જ અમે સાથે બેઠાં હતાં અને લગ્ન કરી રહ્યાં હતાં.'

આ વાત પર જેનેલિયાએ કહ્યું કે, ‘ત્યારે અમને લાગતું હતું કે ભવિષ્યમાં શું થશે તેની ખબર નથી આથી આ જ પળને માણીએ.’ વધુમાં રિતેશે કહ્યું, ‘અમને ત્યારે ખબર નહોતી કે રિલેશનશિપ લગ્નમાં બદલશે કે નહિ પરંતુ તે પળ અમારા માટે ઘણી સારી હતી.’

કપિલે આગળ પૂછ્યું કે કે, ‘તે ફિલ્મમાં તમે બધી કમાણી તમારી પત્ની(જેનેલિયા)ના હાથમાં આપી દેતા હતા, રિયલ લાઈફમાં પણ આવું કરો છો?’ રિતેશે કહ્યું કે, ‘તેણે મારા કરતાં વધારે કમાણી કરી છે અને મને આ વાત પર ગર્વ છે કે મારી પત્નીએ મારાથી વધારે કમાણી કરી છે. આથી હું મહિનાનો પગાર લઈને કામ ચલાવી લઉં છું.’

જેનેલિયા ફિલ્મમાં કમબેક કરશે
વાતચીત દરમિયાન જેનેલિયાએ જણાવ્યું કે, ‘ફિલ્મોમાં કમબેક કરવાનું પ્લાનિંગ છે. મેં બાળકોને જન્મ આપ્યો ત્યારે મેં વિચાર્યું કે હું તેમના પર સરખું ધ્યાન આપું. હવે મને લાગે છે કે તેઓ 5 વર્ષના થઈ ગયાં છે અને સતત મારી દેખરેખની જરૂર નથી. તેમના મિત્રો છે અને આખો દિવસ સ્કૂલમાં જાય છે. તો ધીમે-ધીમે હું કામ શરુ કરી શકું છું.’

Download Dainik Bhaskar App to read Latest Hindi News Today


Ritesh Deshmukh Still Takes Money From Wife Genelia D’Souza, Saying, “She Has Made More Than Me And I Am Proud Of It”

Source

'ઝીરો'ના બે વર્ષ બાદ શાહરુખ ખાન નવી ફિલ્મની જાહેરાત કરશે, જ્હોન અબ્રાહમ-દીપિકા પાદુકોણ પણ હશે

www.divyabhaskar.co.in |

બે વર્ષના બ્રેક બાદ શાહરુખ ખાન નવેમ્બરમાં યશરાજ બેનરની અપકમિંગ ફિલ્મ 'પઠાન'નું શૂટિંગ શરૂ કરશે. માનવામાં આવે છે કે શાહરુખ ખાન બીજી નવેમ્બર, પોતાના જન્મદિવસ પર ફિલ્મની જાહેરાત કરશે.

870 દિવસ બાદ ફિલ્મનું શૂટિંગ કરશે
વેબ પોર્ટલ બોલિવૂડ હંગામાના રિપોર્ટ પ્રમાણે, શાહરુખ ખાને 'ઝીરો'નું શૂટિંગ જૂન 2018માં પૂરું કર્યું હતું. આ હિસાબે શાહરુખ 870 દિવસ બાદ નવી ફિલ્મનું શૂટિંગ શરૂ કરશે.

ફિલ્મમાં જ્હોન અબ્રાહમ-દીપિકા પાદુકોણ પણ હશે
રિપોર્ટ પ્રમાણે, આ ફિલ્મમાં જ્હોન અબ્રાહમ તથા દીપિકા પાદુકોણ પણ મહત્ત્વના રોલમાં હશે. આ બંને આવતા વર્ષે જાન્યુઆરીથી શૂટિંગ શરૂ કરશે. જ્હોન તથા શાહરુખ ખાન પહેલી જ વાર સાથે કામ કરશે. તેમની વચ્ચેની એક્શન સીક્વન્સ માટે એક્શન ડિરેક્ટર પરવેઝ શેખને હાયર કર્યો છે. પરવેઝે આ પહેલા 'વૉર', 'બ્રહ્માસ્ત્ર' તથા 'બેલબોટમ' જેવી ફિલ્મના એક્શન સીન કોરિયોગ્રાફ કર્યા છે.

બે મહિનાનું પહેલું શિડ્યૂઅલ
કહેવાય છે કે સિદ્ધાર્થ આનંદના ડિરેક્શનમાં બનતી આ ફિલ્મનું શૂટિંગ યશરાજ ફિલ્મ સ્ટૂડિયોમાં શરૂ થશે. મીડિયામાં થતી ચર્ચા પ્રમાણે, ફિલ્મનું પહેલું શિડ્યૂઅલ બે મહિનાનું હશે. આ શિડ્યૂઅલમાં માત્ર શાહરુખ ખાન જ શૂટિંગ કરશે. 'વૉર'ની જેમ જ આ ફિલ્મ પણ એક રિવેન્જ ડ્રામા હશે. ફિલ્મ વર્ષ 2022માં રિલીઝ થશે.

Download Dainik Bhaskar App to read Latest Hindi News Today


Shah Rukh Khan to announce new film two years after ‘Zero’, John Abraham-Deepika Padukone also worked

Source

જ્યારે અક્ષયની પત્નીએ કહ્યું હતું- પતિ લગ્નના એકવર્ષ પછી યોગ્ય રીતે કામ કરવાનું બંધ કરી દે છે, રેફ્રિજરેટરની જેમ આ વોરંટી સાથે પણ નથી આવતા

www.divyabhaskar.co.in |

અક્ષય કુમારની પત્ની ટ્વિન્કલ ખન્ના એક્ટ્રેસ સાથે ઓથર પણ છે અને તે તેના મજાકિયા અંદાજ માટે ઓળખાય છે. તેના એક જૂના આર્ટિકલનો ભાગ મીડિયામાં વાઇરલ થઇ રહ્યો છે, જે તેણે આ જ વર્ષે ફેબ્રુઆરીમાં વેલેટાઇન્સ ડે પર તેના ડિજિટલ પ્લેટફોર્મ ટ્વિક ઇન્ડિયા પર લખ્યો હતો. તેમાં ટ્વિન્કલે પતિઓ વિશેના તેના વિચાર રજૂ કર્યા હતા.

'પતિ વર્ષ પછી જ યોગ્ય રીતે કામ કરવાનું બંધ કરી દે છે'
ટ્વિન્કલના આર્ટિકલનો જે ભાગ વાઇરલ થઇ રહ્યો છે, તેમાં તેણે લખ્યું છે, 'પતિ નામના આ જીવ કોણ જાણે કેમ લગ્નના વર્ષ પછી યોગ્ય રીતે કામ કરવાનું બંધ કરી દે છે. રેફ્રિજરેટરની જેમ આ એક્સટેન્ડેડ વોરંટી સાથે તો આવતા નથી. એટલે તમે આ જીવ સાથે જ ફસાય જાઓ છો. એ જે એક સમયમાં તમને જમીન પર કદમ રાખવા ન દેતા હતા, હવે તેને કોફી ટેબલ પરથી હટવા માટે કહી દો, તો બડબડવા લાગે છે.'

'જેલ ગયા વગર લગ્નમાં ટકી રહેવાનો મંત્ર'
ટ્વિન્કલે આ આર્ટિકલને 'જેલ ગયા વગર લગ્નમાં ટકી રહેવાનો મંત્ર' ટાઇટલ આપ્યું હતું. સાથે જ તેણે મહિલાઓને વેલેટાઇન્સ ગિફ્ટ તરીકે સમર્પિત કર્યું હતું.

આર્ટિકલમાં તેણે લખ્યું હતું કે, એકવાર તે અને તેનો પતિ (અક્ષય) તેમની દીકરી (નિતારા)ને કરાટે એક્ઝામ માટે કોચ કરી રહ્યા હતા ત્યારે અક્ષય છુપાઈને તેના આઇપેડમાં ક્રિકેટ જોઈ રહ્યા હતા. આ જોઈને તેને એટલો ગુસ્સો આવ્યો હતો કે તેને મારવા ઇચ્છતી હતી. પરંતુ લાલા ક્લેટનના કેસને યાદ કરીને તેણે પોતાના હાથ રોકી લીધા હતા.

લાલા ક્લેટનને 25 વર્ષની જેલ થઇ હતી
આ વર્ષે જાન્યુઆરીમાં સાઉથ કેરોલિના બેઝ્ડ લાલા ક્લેટનને પતિની હત્યાના આરોપમાં 25 વર્ષની જેલ થઇ હતી. તેણે ડ્રિંક્સમાં આઈ ડ્રોપ્સ મિક્સ કરીને પતિને પીવડાવ્યું હતું. જોકે, લાલાનું કહેવું હતું કે તે તેના પતિને મારવા ઇચ્છતી ન હતી, માત્ર હેરાન કરવા ઇચ્છતી હતી.

પતિને પાઠ ભણાવવા માટે આ ઉપાય કાઢ્યો
ટ્વિન્કલે જણાવ્યું કે, તેણે કાયદાની આંટી ઘૂંટીમાંથી બચવા માટે તેના પતિના આઇપેડનો પાસવર્ડ બદલી નાખ્યો હતો. ત્યારબાદ જ્યારે તેણે પતિને વારંવાર પાસવર્ડ ટ્રાય કરતા જોયો તો તેને ઘણી ખુશી મળી હતી.

ટ્વિન્કલે તેના આર્ટિકલમાં સૌથી છેલ્લે લખ્યું હતું કે, 'હું માત્ર એટલી આશા રાખું છું કે મારો 'બટાટા વડા' (અક્ષય) આ આર્ટિકલ ન વાંચી લે, નહીં તો કદાચ હું ખુદને 'બેલ' પર નહીં પરંતુ કોઈ દૂર એકાંત જેલમાં મળીશ.'

2001માં અક્ષય-ટ્વિન્કલનાં લગ્ન થયાં હતાં
અક્ષય અને ટ્વિન્કલના જાન્યુઆરી, 2001માં લગ્ન થયાં હતાં. 2002માં દીકરા આરવ અને 2012માં દીકરી નિતારાનો જન્મ થયો. કહેવામાં આવે છે કે ટ્વિન્કલે શરત રાખી હતી કે જો અક્ષય ઢંગની ફિલ્મો કરવાનું શરૂ કરશે તો જ તે બીજા બાળકનું પ્લાનિંગ કરશે. અક્ષયે પત્નીની વાત માનીને ફિલ્મોના સિલેક્શનને ગંભીરતાથી લેવાનું શરૂ કરી દીધું હતું.

Download Dainik Bhaskar App to read Latest Hindi News Today


When Akshay Kumar’s Wife Twinkle Khanna Said Husbands Stop Functioning Efficiently After A Year

Source

નેહા કક્કર 26 ઓક્ટોબરે પંજાબના ઝીરકપુરમાં રોહન પ્રીત સાથે લગ્ન કરશે? લોકો હજી પણ કન્ફ્યૂઝ

www.divyabhaskar.co.in |

લગ્નની અટકળો વચ્ચે નેહા કક્કર તથા રોહન પ્રીત સિંહનું વેડિંગ કાર્ડ સોશિયલ મીડિયામાં વાઈરલ થયું છે. આ કાર્ડ પ્રમાણે, નેહા તથા રોહનના લગ્ન 26 ઓક્ટોબર, 2020ના રોજ છે. બંને સેટલાઈટ ટાઉનના નામથી જાણીતા ઝીરકપુર (જિલ્લો મોહાલી, પંજાબી) સ્થિત ગુરુદ્વારામાં લગ્ન કરશે. કાર્ડમાં બંનેના નામની સાથે તેમના પેરેન્ટ્સના નામ પણ છે.

લોકો હજી પણ કન્ફ્યૂઝઃ લગ્ન કે પછી પબ્લિસિટી સ્ટંટ?
નેહા તથા રોહન પ્રીતના લગ્નની ચર્ચા સતત થઈ રહી છે. જોકે, બંનેના લગ્ન પર ચાહકો કન્ફ્યૂઝ છે. જે દિવસે નેહા તથા રોહનના લગ્ન છે, તેના પાંચ દિવસ પહેલા એટલે કે 21 ઓક્ટોબરના રોજ બંનેનો નવો મ્યૂઝીક વીડિયો 'નેહુ દા બ્યાહ' રિલીઝ થવાનો છે. આથી જ ઘણાં લોકો માની રહ્યા છે કે લગ્નની વાત માત્ર પબ્લિસિટી સ્ટંટ છે. વાસ્તવમાં તેઓ લગ્ન કરવાના નથી.

નેહાએ મ્યૂઝિક વીડિયોનું પહેલું પોસ્ટર રિલીઝ કર્યું હતું
નેહાએ હાલમાં જ પોતાના મ્યૂઝિક વીડિયોનું પોસ્ટર રિલીઝ કર્યું હતું. રિલીઝ કરેલા પોસ્ટરમાં નેહા પિંક આઉટફિટમાં જોવા મળી હતી તો રોહનપ્રીત વ્હાઈટઆઉટફિટ તથા પીળાં રંગની પાઘડીમાં હતો. નેહાએ પોસ્ટ શૅર કરીને કહ્યું હતું, 'નેહુ દા વ્યાહ', નેહા તથા રોહનપ્રીત, 21 ઓક્ટોબર. આ પોસ્ટ પર નેહાના ભાઈ ટોનીએ કમેન્ટ કરી હતી, 'બહુ જ ઉત્સાહી છું. નેહુએ આ ગીત કમ્પોઝ તથા લખ્યું છે. કેટલી ટેલેન્ટેડ છે…' જોકે, બાદશાહ તથા વિશાલ દદલાણી આ પોસ્ટ જોઈને કન્ફ્યૂઝ થઈ ગયા હતા. બાદશાહે કહ્યું હતું, 'યાર બહુ મોટી કન્ફ્યૂઝન છે.' તો વિશાલે કહ્યું હતું, 'અરે.. હવે હું ફરી કન્ફ્યૂઝ થઈ ગયો છું. વેડિંગ છે કે પછી કોઈ ફિલ્મ કે ગીત છે? સ્પષ્ટ રીતે કહો યાર કે કપડાં લેવાના છે કે નહીં? કે પછી ડાઉનલોડ, સ્ટ્રીમ, લાઈક, શૅર કરવાનું છે?

નેહાએ પોસ્ટમાં કહ્યું હતું, તું મારો છો
થોડાં દિવસ પહેલા નેહાએ પોતાની તથા રોહનની એક તસવીર શૅર કરી હતી. આ તસવીર શૅર કરીને સિંગરે કહ્યું હતું, 'તું મારો છે.' નેહાએ પોતાની તથા રોહનની જોડીને 'નેહુપ્રીત' નામ આપ્યું છે. નેહાની આ તસવીર પર કમેન્ટ કરતાં રોહને કહ્યું હતું, 'બાબુ આઈ લવ યુ સો મચ, જાન. હા, હું માત્ર તારો છું. મારું જીવન.' રોહને કમેન્ટ કરીને દુલ્હનની ઈમોજી શૅર કરી હતી.

રોહન પ્રીત રિયાલિટી શોમાં જોવા મળ્યો હતો
રોહન પ્રીત સિંહે 2019માં 'ઈન્ડિયાઝ રાઈઝિંગ સ્ટાર'ની ત્રીજી સિઝનમાં સ્પર્ધક તરીકે ભાગ લીધો હતો. આ ઉપરાંત તે 'મુઝસે શાદી કરોંગે'માં સ્પર્ધક તરીકે જોવા મળ્યો હતો.

આ પહેલા હિમાંશ કોહલી-આદિત્ય નારાયણ સાથે નામ જોડાયું હતું
નેહા કક્કર અને હિમાંશ કોહલી વર્ષ 2014થી ચાર વર્ષ સુધી રિલેશનમાં રહ્યા હતા. ચર્ચા હતી કે બંને ટૂંક સમયમાં લગ્ન કરશે પણ તે દરમિયાન બંનેના બ્રેકઅપના સમાચાર આવ્યાં હતાં. ગયા વર્ષે નેહાનું નામ હોસ્ટ આદિત્ય નારાયણ સાથે જોડાયું હતું. બંને 'ઈન્ડિયન આઈડલ'માં સાથે હતી. આ શોને આદિત્ય હોસ્ટ કરતો હતો અને નેહા જજ હતી. બંનેના લગ્નની અફવાને કારણે શોની TRPને ઘણો જ ફાયદો થયો હતો.

Download Dainik Bhaskar App to read Latest Hindi News Today


Will Neha Kakkar marry Rohan Preet on October 26 in Zirakpur, Punjab? wedding card viral

Source

કંગના સામે હિન્દુ-મુસ્લિમમાં ભાગલાનો આરોપ, બાન્દ્રા કોર્ટે FIRના આદેશ આપ્યા; બહેન રંગોલી પણ આરોપી

www.divyabhaskar.co.in |

ખેડૂતોના અપમાન બાદ કંગના રનૌત પર ધર્મના નામે નફરત ફેલાવવાનો આરોપ લાગ્યો છે. મુંબઈની બાન્દ્રા કોર્ટે એક્ટ્રેસ વિરુદ્ધ કોમવાદ નફરત ફેલાવવાની કલમો હેઠળ FIR ફાઈલ કરવાનો આદેશ આપ્યો છે. કોર્ટે આ આદેશ સાહિલ અશરફ અલી સૈયદ નામની વ્યક્તિની યાચિકા પર સુનાવણી બાદ આપ્યો. સાહિલ અશરફ અલી સૈયદે તેની અરજીમાં જણાવ્યું છે કે ‘કંગના રનૌત છેલ્લા ઘણા મહિનાથી સતત બોલિવૂડને નેપોટિઝ્મ અને ફેવરેટિઝ્મનું હબ કહીને તેનું અપમાન કરી રહી છે. તેના ઓફિશિયલ ટ્વિટર હેન્ડલથી ટ્વીટ કરી અને ટીવી ઇન્ટરવ્યુ મારફત તે હિન્દુ અને મુસ્લિમ આર્ટિસ્ટ વચ્ચે ભાગલા પડાવી રહી છે. તેમણે ઘણાં જ વાંધાજનક ટ્વીટ કર્યાં છે, જે માત્ર ધાર્મિક ભાવનાઓ જ નહીં, પણ ઇન્ડસ્ટ્રીના ઘણા કલિગ્સની ભાવનાઓને પણ ઠેસ પહોંચાડે છે.’

આ પહેલાં કર્ણાટકમાં FIR ફાઈલ થઈ હતી
ખેડૂતોના અપમાન બાબતે કર્ણાટકના તુમકુર જિલ્લાની એક જ્યુડિશિયલ મેજિસ્ટ્રેટ કોર્ટે કંગના રનૌત વિરુદ્ધ FIR ફાઈલ કરવાનો આદેશ આપ્યો છે. ક્યાથાસંદરા પોલીસ સ્ટેશનના ઓફિસરને કોર્ટે આ આદેશ વકીલ રમેશ નાઈક દ્વારા ફાઈલ કરેલી ફરિયાદના આધારે આપ્યો છે. રામ નાઈકે ફરિયાદ સેક્શન 156 (3) હેઠળ ફરિયાદ દાખલ કરી હતી. રામ નાઈકે એક્ટ્રેસ પર કૃષિ બિલ વિરુદ્ધ આંદોલન કરી રહેલા ખેડૂતોને આતંકવાદી કહીને તેમનું અપમાન કરવાનો આરોપ લગાવ્યો છે. તેમણે એક્ટ્રેસ વિરુદ્ધ IPC સેક્શન 153 A (ધર્મ, ભાષા, જાતિના આધારે નફરત ફેલાવવી), 504 (શાંતિ ભંગ કરવાના હેતુથી જાણીજોઈને અપમાન કરવું), 108 (ગુનાને ભડકાવવું) હેઠળ FIR ફાઈલ કરવાની માગ કરી હતી.

સજાની શું જોગવાઈ છે? – સેક્શન 153 Aમાં ત્રણ વર્ષની સજા અથવા દંડ અથવા બંનેની જોગવાઈ છે. જો ગુનો કોઈ ધાર્મિક સ્થળ પર થાય તો સજા 5 વર્ષની પણ થઇ શકે છે. જ્યારે સેક્શન 504માં બે વર્ષની સજા અથવા દંડ અથવા બંને થઇ શકે છે.

યાચિકા ફાઈલ કરનારનો કંગના પર શું આરોપ છે?
સાહિલ અશરફ અલી સૈયદે તેની યાચિકામાં લખ્યું છે કે 'કંગના રનૌત છેલ્લા ઘણા મહિનાથી સતત બોલિવૂડને નેપોટિઝ્મ અને ફેવરેટિઝ્મનું હબ કહીને તેનું અપમાન કરી રહી છે. તેના ઓફિશિયલ ટ્વિટર હેન્ડલથી ટ્વીટ કરી અને ટીવી ઇન્ટરવ્યુ મારફત તે હિન્દુ અને મુસ્લિમ આર્ટિસ્ટ વચ્ચે ભાગલા પડાવી રહી છે.

તેમણે ઘણાં જ વાંધાજનક ટ્વીટ કર્યાં છે, જે માત્ર ધાર્મિક ભાવનાઓ જ નહીં, પણ ઇન્ડસ્ટ્રીના ઘણા કલિગ્સની ભાવનાઓને પણ ઠેસ પહોંચાડે છે.' સાહિલે કોર્ટ સામે પુરાવા તરીકે કંગનાનાં ઘણાં ટ્વીટ રાખ્યાં.

કંગના રનૌત વિરુદ્ધ બાંદ્રા કોર્ટે જાહેર કરેલી આદેશની કોપી.

પૂરતા પુરાવા મળ્યા તો કંગના અરેસ્ટ થઇ શકે છે
કેસમાં 12th કોર્ટ બાંદ્રાના મેટ્રોપોલિટન મેજિસ્ટ્રેટ જયદેવ વાય ઘુલેએ કંગના વિરુદ્ધ CRPCની ધારા 156(3) હેઠળ FIR ફાઈલ કરવાની અને યોગ્ય કાર્યવાહી તેમજ તપાસના આદેશ આપ્યા છે. કંગનાની પૂછપરછ થઇ શકે છે અને જો તેના વિરુદ્ધ પૂરતા પુરાવા મળે છે તો તેની ધરપકડ પણ થઇ શકે છે.

આ પહેલાં કર્ણાટકમાં FIR ફાઈલ થઈ હતી
ખેડૂતોના અપમાન બાબતે કર્ણાટકના તુમકુર જિલ્લાની એક જ્યુડિશિયલ મેજિસ્ટ્રેટ કોર્ટે કંગના રનૌત વિરુદ્ધ FIR ફાઈલ કરવાનો આદેશ આપ્યો છે. ક્યાથાસંદરા પોલીસ સ્ટેશનના ઓફિસરને કોર્ટે આ આદેશ વકીલ રમેશ નાઈક દ્વારા ફાઈલ કરેલી ફરિયાદના આધારે આપ્યો છે. રામ નાઈકે ફરિયાદ સેક્શન 156 (3) હેઠળ ફરિયાદ દાખલ કરી હતી.

રામ નાઈકે એક્ટ્રેસ પર કૃષિ બિલ વિરુદ્ધ આંદોલન કરી રહેલા ખેડૂતોને આતંકવાદી કહીને તેનું અપમાન કરવાનો આરોપ લગાવ્યો છે. તેમણે એક્ટ્રેસ વિરુદ્ધ IPC સેક્શન 153 A (ધર્મ, ભાષા, જાતિના આધારે નફરત ફેલાવવી), 504 (શાંતિ ભંગ કરવાના હેતુથી જાણીજોઈને અપમાન કરવું), 108 (ગુનાને ભડકાવવું) હેઠળ FIR ફાઈલ કરવાની માગ કરી હતી.

Download Dainik Bhaskar App to read Latest Hindi News Today


એક્ટ્રેસ વિરુદ્ધ કર્ણાટકમાં 4 દિવસ પહેલાં પણ એક FIR ફાઈલ થઈ હતી, ખેડૂતોના અપમાન બાબતે કર્ણાટકના તુમકુર જિલ્લાની એક જ્યુડિશિયલ મેજિસ્ટ્રેટ કોર્ટે આદેશ આપ્યો છે.

Source

સલમાન ખાન શિવાય આ લોકોએ પણ બિગબોસ શો કરી ચૂક્યા છે હોસ્ટ

gujarati.oneindia.com |
બિગ બોસના સૌથી પ્રખ્યાત અને સૌથી વિવાદિત રિયાલિટી શો બિગ બોસની સીઝન 14 શરૂ થઇ ગઇ છે. સલમાન ખાન છેલ્લા ઘણા સીઝનથી આ શો હોસ્ટ કરી રહ્યો છે. એવા અહેવાલો છે કે સલમાન પણ આ માટે મોટી રકમની માંગ કરી રહ્યો

Source

error:
Scroll to Top