તવ

ગૌહર ખાન આ સીઝનના કન્ટેસ્ટન્ટથી ખુશ નથી, બહાર આવીને બોલી – 'જેવું વિચાર્યું હતું તેવું નથી, કન્ટેસ્ટન્ટમાં વેરાયટી નથી'

www.divyabhaskar.co.in |

આ વર્ષે બિગ બોસ 14માં નવું ટ્વિસ્ટ લાવવા માટે એક્સ કન્ટેસ્ટન્ટ હિના ખાન, સિદ્ધાર્થ શુક્લા અને ગૌહર ખાનને સિનિયર બનાવીને ઘરમાં લાવવામાં આવ્યા હતા. ત્રણેય પર બધા ફ્રેશર કન્ટેસ્ટન્ટને કન્ફર્મ કરવાની મહત્ત્વની જવાબદારી હતી. જોકે હવે આ સિનિયર્સ બિગ બોસના ઘરમાંથી બહાર નીકળી ગયા છે. ઘરમાંથી બહાર આવતા જ ગૌહર ખાને દિવ્ય ભાસ્કર સાથે વાતચીત દરમ્યાન કહ્યું, તેને તેની ઝલક હજુ સુધી ઘરમાં હાજર કોઈ કન્ટેસ્ટન્ટમાં દેખાઈ નહીં. ગૌહર ખાન બિગ બોસ 7ની વિનર હતી.

અત્યાર સુધી મને આ સીઝનના કન્ટેસ્ટન્ટમાં વેરાયટી જોવા નથી મળી
હું ઘરની અંદર લગભગ અઢી અઠવાડિયા સુધી રહી અને મારો અનુભવ ઘણો સારો રહ્યો. પ્રેમ ભરેલો અને મજા પડી. સાચું કહું તો શોમાં જતા પહેલાં મેં જેવું વિચાર્યું હતું તેવું કઈ ન થયું. જોકે આ શો છે જ એવો, જ્યાં તમે વિચારેલું હોય તેવું જરાપણ થતું નથી. આ ઘરમાં કયારે શું થઇ જાય ખબર નથી પડતી. મને લાગતું હતું કે ઘરમાં કન્ટેસ્ટન્ટની વેરાયટી હશે, અલગ- અલગ પર્સોનાલિટીના લોકો હશે, તેમને ગ્રુમ કરવાના હશે પણ આવું કઈ ન થયું. અત્યારસુધી તો મને સીઝનમાં વેરાયટી જોવા ન મળી. બધા એક જ પ્રકારનું એક્ટ કરી રહ્યા છે. એક જ પ્રકારનું વિચારી રહ્યા છે. બની શકે છે કે અત્યારસુધી ઘરમાં અમે સિનિયર્સ હાજર હતા એટલે તે ખુલી ન શક્યા. બની શકે છે કે અમારા ઘરની બહાર આવ્યા બાદ આ કન્ટેસ્ટન્ટના અલગ અલગ રંગ જોવા મળે.

નિક્કી તંબોલીની ગેમ રસપ્રદ લાગી રહી છે
મને નિક્કી તંબોલીની ગેમ રસપ્રદ લાગી રહી છે. તે ઘણી એન્ટરટેનિંગ અને રસપ્રદ લાગે છે. મને લાગે છે કે તે જેવી છે તેવી જ ઘરની અંદર પણ છે. તેનામાં મને કોઈ નકલીપણું નથી દેખાતું. તેની ગેમ ગમી. આશા કરું છું કે તે આગળ સુધી આ ગેમમાં રહે.

મારો પર્સનલ ફેવરિટ જાન સાનુ છે
રૂબીના દિલૈકની વાત કરું તો મને તે રોલ તરીકે ઠીક લાગે છે. તે ઘણી કન્ફ્યુઝ રહે છે પણ હા જ્યારે થોડી વાત કરે છે તો થોડી સોર્ટેડ લાગે છે. જેસ્મિન અને રાહુલની પણ અત્યારસુધી રીયલ પર્સોનાલિટી બહાર નથી આવી. બંને પોતાના કમ્ફર્ટ ઝોનમાં રમી રહ્યા છે. મારો પર્સનલ ફેવરિટ જાન સાનુ છે. મારા મત મુજબ અત્યારસુધી જાન ઘણી સારી રીતે આ ઘરમાં રહેતો દેખાયો છે અને વિશ્વાસ કરો તે ઘણો પ્રેમાળ અને સાચો બાળક છે.

ખુશ છું કે પવિત્રા પુનિયાની સાચી પર્સોનાલિટી સામે આવી
પવિત્રા પુનિયા આ ઘરમાં સૌથી ફેક કન્ટેસ્ટન્ટ છે. ગઈ રાત્રે જ ઓડિયન્સને તેની સાચી પર્સોનાલિટી દેખાઈ. મારી પીઠ પાછળ તેને મને ઘણી ગંદી ગાળો કહી જે ઘણું શોકિંગ હતું. શોમાં સાચું હોવું ઘણું જરૂરી છે જે પવિત્રા નથી. જોકે ખુશ છું કે તેની રીયલ પર્સોનાલિટી લોકો સામે તો આવી. ક્યારેક તો સાચી પર્સોનાલિટી બહાર આવવાની જ હતી, પવિત્રાની પણ આવી ગઈ. તેની પણ હકીકત બહાર આવી ગઈ.

આગળ પણ હિના અને સિદ્ધાર્થ સાથે કામ કરવા ઈચ્છીશ
સિદ્ધાર્થ શુક્લા અને હિના ખાન સાથે મારું તાલમેલ સારું હતું. ઘણીવાર અમારા લોકોના વિચાર એકબીજા સાથે મેચ થતા ન હતા પણ અમે અમારી જવાબદારીથી પાછળ ન હટ્યા. અમે એકબીજાના ઓપિનિયનનો આદર કરતા ગયા અને આગળ વધતા ગયા. હું આગળ પણ તેમની સાથે કામ કરવા ઈચ્છીશ.

હું મારી ઝલક કોઈ કન્ટેસ્ટન્ટમાં ન જોઈ શકી
અત્યાર સુધી મને મારી ઝલક કોઈપણ કન્ટેસ્ટન્ટમાં દેખાઈ નહીં. હું ખોટું બોલવા નથી ઇચ્છતી કે નથી ડિપ્લોમેટિક બનવા ઇચ્છતી. બધા પોતાના કમ્ફર્ટ ઝોનમાં રમી રહ્યા છે. જે મારી પર્સોનાલિટી છે તે અત્યારસુધી કોઈમાં નજર નથી આવી. આશા રાખું છું ધીરે ધીરે આ બધા સાચી ગેમ રમવાની શરૂ કરે.

Download Dainik Bhaskar App to read Latest Hindi News Today


Gauhar Khan Is Not Happy With This Bigg Boss 14 Contestants, Came Out And Said “It Is Not What I Thought, There Is No Variety In The Contestants”

Source

જે ડિમ્પલે સુશાંત-રિયાને 13 જૂને સાથે હોવાનો દાવો કર્યો હતો, તેને CBIએ ચેતવણી આપતાં કહ્યું- પુરાવા ના હોય તેવી કોઈ વાત કરવી નહીં

www.divyabhaskar.co.in |

રિયાના જામીન સાત ઓક્ટોબરના રોજ બોમ્બે હાઈકોર્ટે મંજૂર કર્યા હતા. જેલમાંથી બહાર આવ્યા બાદ રિયા તથા તેની ટીમ એ તમામ લોકો વિરુદ્ધ પુરાવા શોધી રહી છે, જેમણે રિયા તથા સુશાંતના સંબંધો અંગે અનેક દાવા કર્યા હતા. રિયાની બાજુમાં રહેતી ડિમ્પલ થવાણીએ દાવો કર્યો હતો કે 13 જૂનના રોજ સુશાંત, રિયાને મુકવા આવ્યો હતો. જોકે, હવે રિયાના એડવોકેટે એક નિવેદનમાં એ વાતની માહિતી આપી હતી કે તેઓ સૌથી પહેલા ડિમ્પલના દાવાને એક્સોપઝ કરી રહ્યા છે અને તે જૂઠું બોલતી હતી.

માનશિંદેએ કહ્યું, ગણી-ગણીને બદલો લઈશું
રિયાના વકીલ સતીષ માનશિંદેએ પોતાના નિવેદનમાં કહ્યું હતું, 'મેં પહેલા જ કહ્યું હતું કે એકવાર રિયાને જામીન મળી જાય અને તે જેલની બહાર આવશે પછી અમે તે લોકો વિરુદ્ધ એક્શન લઈશું, જેમણે રિયાને બદનામ કરી હતી. ઈલેક્ટ્રોનિક મીડિયામાં બે મિનિટ આવવા માટે એ લોકોએ રિયાનું જીવન તથા તેનું મનોબળ તોડવાનો પ્રયાસ કર્યો હતો, આમાંથી જ એક ડિમ્પલ થવાણી છે. ડિમ્પલ તથા રિયા બાજુ-બાજુમાં રહે છે. તેણે દાવો કર્યો હતો કે તે સુશાંતની ચાહક છે. ડિમ્પલે એમ પણ કહ્યું હતું કે ગયા જન્મમાં તે સુશાંતની સોલ-મેટ હતી. તેણે એવો દાવો કર્યો હતો કે સુશાંત 13 જૂનના રોજ રિયાને ઘરે મુકવા આવ્યો હતો. આ પાયાવિહોણી અફવા છે અને સુશાંતની ચાહકે મીડિયા સર્કસને કારણે ફેલાવી હતી. તે માત્ર લાઈમલાઈટમાં આવવા માગતી હતી અને દાવો કરતી હતી કે સુશાંતને તે ઓળખે છે. તેનું નિવેદન આજે CBIએ રેકોર્ડ કર્યું હતું. તમને જાણીને આનંદ થશે કે તેણે પોતાના નિવેદનમાં CBIને શું કહ્યું? હું તમામ ઈમાનદાર પત્રકારોને અપીલ કરીશ કે તેઓ તેની પાસે જાય અને તેનું નિવેદન રેકોર્ડ કરે કે તે શું કહે છે. સત્યમેવ જયતે.'

ડિમપ્લે CBIને નિવેદન આપ્યું
રિયાની બાજુમાં રહેતી ડિમ્પલે રવિવાર, 11 ઓક્ટોબરના રોજ પોતાનું નિવેદન CBIને આપ્યું હતું. તેણે કહ્યું હતું કે તેણે રિયા તથા સુશાંતને જોયા નહોતા, કોઈ બીજાએ જોયા હતા. તે વ્યક્તિ એટલા માટે સામે નથી આવતી, કારણ કે તે કમ્ફર્ટેબલ નથી. ડિમ્પલે એમ પણ કહ્યું હતું કે તેને ખ્યાલ નથી કે તે વ્યક્તિએ બંનેને ક્યાં જોયા હતા. આ સાંભળીને CBIએ ડિમ્પલને ચેતવણી આપી હતી કે જેના પુરાવા ના હોય તેવું કંઈ જ બોલે નહીં.

Download Dainik Bhaskar App to read Latest Hindi News Today


bollywood actress Rhea Chakraborty’s lawyer slams reports of Sushant Singh Rajput dropping the actress home on June 13

Source

કોરોના પોઝિટિવ 85 વર્ષીય એક્ટર સૌમિત્ર ચેટર્જી હજી પણ ICUમાં, ડૉક્ટર્સે કહ્યું- તેમને તાવ નથી પરંતુ તેઓ હાઈ રિસ્ક ઝોનમાં છે

www.divyabhaskar.co.in |

85 વર્ષીય દિગ્ગજ બંગાળી ફિલ્મ એક્ટર સૌમિત્ર ચેટર્જી કોલકાતાની હોસ્પિટલના ICUમાં દાખલ છે. તેમની તબિયત ગંભીર છે. ડૉક્ટર્સના મતે 85 વર્ષીય સૌમિત્ર હાલમાં અર્ધ-બેહોશીની હાલતમાં છે. જોકે, તેમનું ઓક્સિજન લેવલ નોર્મલ છે. તેમને 6 ઓક્ટોબરના રોજ હોસ્પિટલમાં એડમિટ કરવામાં આવ્યા હતા અને ત્યારે તેમનું ઓક્સિજન લેવલ ઘણું જ ઓછું હતું. તેમનો કોરોનાનો ટેસ્ટ પોઝિટિવ આવ્યો હતો.

હાલમાં હાઈ રિસ્ક ઝોનમાં
ન્યૂઝ એજન્સી PTI સાથેની વાતચીતમાં ડૉક્ટરે કહ્યું હતું, 'સૌમિત્રનું સોડિયમ લેવલ યોગ્ય છે પરંતુ પોટેશિયમ લેવલ ઓછું છું. પોટેશિયમ લેવલને સુધારવાનો પ્રયાસ કરવામાં આવી રહ્યો છે. તેઓ અર્ધ બેહોશી હાલતમાં છે. ઓક્સિજન લેવલ નોર્મલમ છે. તેમને તાવ નથી પરંતુ તેઓ હજી પણ હાઈ રિસ્ક ઝોનમાં છે.'

બેચેની થતા ICUમાં શિફ્ટમાં કરવામાં આવ્યા
શુક્રવાર, 9 ઓક્ટોબરના રોજ સૌમિત્રને બેચેની જેવું લાગતા ડૉક્ટર્સે ICUમાં શિફ્ટ કર્યા હતા. આ પહેલા તેમની દીકરી પૌલોમીએ કહ્યું હતું કે ડૉક્ટર્સ તેના પિતાનું ધ્યાન રાખી રહી છે. તેમનું બ્લડ પ્રેશર નોર્મલ છે અને ઓક્સિજનની જરૂર નથી.

સત્યજીત રે અને સૌમિત્ર ચેટર્જીની જુગલ જોડી
બંગાળના ખૂબ જાણીતા એક્ટર સૌમિત્ર ચેટર્જી ખાસ ફિલ્મમેકર સત્યજીત રે સાથેના તેમના કામને કારણે વધુ જાણીતા છે. સત્યજીત રે અને સૌમિત્ર ચેટર્જીએ 14 ફિલ્મમાં સાથે કામ કર્યું છે. તેમણે 1959માં ડેબ્યૂ પણ સત્યજીત રેની ફિલ્મ 'અપૂર સંસાર'થી કર્યું હતું. આ ઉપરાંત તેઓ ઓસ્કર વિજેતા સત્યજીત રે દ્વારા તૈયાર કરવામાં આવેલા ડિટેક્ટિવ કેરેક્ટર ફેલુદાને પ્લે કરનારા પહેલા એક્ટર હતા. તેમણે 100 ફિલ્મમાં કામ કર્યું છે અને તેમાંથી બે હિંદી ફિલ્મ 'નિરૂપમા' તથા 'હિન્દુસ્તાની સિપાહી' છે. હિંદીમાં તેમણે 'સ્ત્રી કા પત્ર' નામની ફિલ્મ ડિરેક્ટ કરી હતી. છેલ્લે તેઓ મોટા પડદે 2019માં આવેલી બંગાળી ફિલ્મ 'સાંજબાતી'માં દેખાયા હતા.

આ મોટા સન્માન મળ્યા

  • 2012માં એન્ટરટેઈનમેન્ટ ઈન્ડસ્ટ્રીનું સૌથી મોટું સન્માન દાદા સાહેબ ફાળકે અવોર્ડ મળ્યો
  • ત્રણવાર નેશનલ ફિલ્મ અવોર્ડ મળ્યો
  • 2004માં ભારત સરકારે પદ્મ ભૂષણથી સન્માનિત કર્યા હતા

Download Dainik Bhaskar App to read Latest Hindi News Today


સૌમિત્ર ચેટર્જીએ અંદાજે 100 ફિલ્મમાં કામ કર્યું છે

Source

error:
Scroll to Top