તમન

ફરાઝ ખાનને સુપુર્દ-એ-ખાક કરીને કામ પર પાછા ફરેલા તેમના ભાઈ ફાહમાને કહ્યું- તેમને રેર બીમારી હતી

www.divyabhaskar.co.in |

'મેહંદી', 'ફરેબ' જેવી ફિલ્મમાં કામ કરી ચૂકેલા એક્ટર ફરાઝ ખાનને સુપુર્દ-એ-ખાક કર્યાના એક દિવસ બાદ તેમના ભાઈ ફાહમાનને શૂટિંગ કમિટમેન્ટના કારણે મુંબઈ પાછા ફરવું પડ્યું. તેઓ તાજેતરમાં લોન્ચ કરવામાં આવેલા શૉ 'અપના ટાઇમ આયેગા'માં ડૉ. વીર પ્રતાપ સિંહ રાજાવતની ભૂમિકા નિભાવી રહ્યો છે. ગુરુવારે ફાહમાન મુંબઈ પરત આવ્યો હતો અને તે જ દિવસે શૂટિંગ પણ શરૂ કરી દીધું. એક એન્ટરટેઈન્મેન્ટ વેબસાઈટ સાથેની વાતચીતમાં ફરાઝની બીમારી પર વાત કરી હતી. તે ઉપરાંત એમ પણ કહ્યું હતું કે તેના મૃત્યુથી આખા પરિવારમાં ગમગીની છવાઈ ગઈ છે.

તેમની બીમારી રેર હતીઃ ફાહમાન
એન્ટરટેનમેન્ટ પોર્ટલ સ્પોટબૉય સાથે વાતચીતમાં ફાહમાને કહ્યું, 'હકીકત કહું તો તેમની બીમારી રેર હતી. ડૉક્ટર્સે શક્ય એટલા તમામ પ્રયાસ કર્યા. જો બીજા વાઈરસની સાથે બાયફરકેટ કરવામાં આવે તો તે ડેડલી વાઈરસ નહોતો. ડૉક્ટરે અમને જણાવ્યું હતું કે, તેમની બોડીમાં જે બેક્ટેરિયા હતા, તેને એવા બેક્ટેરિયા ડેવલપ કર્યા જે એન્ટિબાયોટિક્સ આપતી વખતે બેસી જતા હતા.'

ઈમ્યુનિટી ઘટી ગઈ હતી
ફાહમાનના કહેવા પ્રમાણે, 'મનુષ્યના શરીરમાં ઈમ્યુનિટી ઓછામાં ઓછી લગભગ 700 હોવી જોઈએ, પરંતુ તેમની ઈમ્યુનિટી 23.9 ટકા ઘટી ગઈ હતી. તેથી તેમની બોડી પર કોઈ એન્ટિબાયોટfક કામ નહોતી કરી શકતી. આવું છેલ્લા થોડા સમયથી ચાલી રહ્યું હતું. મને એક્ઝેક્ટલી મેડિકલ ટર્મ તો યાદ નથી, પરંતુ તેમના મગજમાં કોઈ વાઈરસ આવી ગયો હતો, જેના કારણે તેમને ઘણા પ્રકારની સમસ્યાઓ થઈ હતી અને ત્યારબાદ તેના શરીરે જવાબ આપી દીધો.'

લગભગ દોઢ વર્ષથી બીમાર હતો ફરાઝ
ફાહમાનના જણાવ્યા પ્રમાણે, ફરાઝ લગભગ દોઢ વર્ષથી બીમાર હતો. તે કહે છે, 'તેઓ લગભગ દોઢ વર્ષથી હેલ્થ સંબંધી સમસ્યાનો સામનો કરી રહ્યા હતા. શરૂઆતમાં તેમને ટીબી થયો હતો. ત્યારથી તેમની સારવાર ચાલી રહી હતી. આ દરમિયાન તેમના શરીરમાં વિવિધ પ્રકારના બેક્ટેરિયાનું કોમ્બિનેશન થઈ ગયું.'

શૂટિંગથી પાછા આવતાં જ મૃત્યુના સમાચાર મળ્યા
ફાહમાન જણાવે છે કે, હું મારા પરિવાર સાથે સતત સંપર્કમાં હતો. જે દિવસે સવારે મને કહેવામાં આવ્યું કે તેની હાલત ગંભીર છે, તે રાતે લગભગ 9:40 વાગે પરિવારે મને તેમના નિધનની જાણ કરી. જે ​​ક્ષણે તેણે અંતિમ શ્વાસ લીધા, ત્યારે મારો એક બીજો ભાઈ, તેની પત્ની અને મારો કઝિન હોસ્પિટલમાં જ હતા. જ્યારે મને આ દુઃખદ સમાચાર મળ્યા ત્યારે હું શૂટિંગથી ઘરે જ પહોંચ્યો હતો. બીજે દિવસે સવારે હું તેના જનાઝામાં સામેલ થવા બેંગલુરુ પહોંચી ગયો.'

Download Dainik Bhaskar App to read Latest Hindi News Today


Faraz Khan was handed over to his brother Fahma, who returned to work, saying he had a rare illness.

Source

મહેસાણા : નરેશ કનોડિયા અને મહેશ ભાઈ કનોડિયાનાં દુઃખદ અવસાન; શોકમગ્ન કનોડા ગામવાસીઓએ તેમના સામાજિક કાર્યોને કર્યાં યાદ

gujarati.oneindia.com |
મહેસાણા : નરેશ કનોડિયા અને મહેશ ભાઈ કનોડિયાનાં દુઃખદ અવસાન; શોકમગ્ન કનોડા ગામવાસીઓએ તેમના સામાજિક કાર્યોને કર્યાં યાદ

Source

ખભામાં ઈજા જતા એજાઝ ખાનને રિયાલિટી શોમાંથી હાંકી કઢાયો હતો, મેકર્સે કહ્યું હતું- અમે તમને હેન્ડિકેપ્ડ થવાનો ફાયદો ના આપી શકીએ, આ સ્પેશિયલ શો નથી

www.divyabhaskar.co.in |

ટીવીથી લઈ ફિલ્મમાં પોતાની અલગ ઓળખ બનાવનાર એજાઝ ખાન હાલમાં 'બિગ બોસ 14'માં જોવા મળે છે. પહેલા અઠવાડિયે એજાઝ ખાન બેકફુટ પર રહ્યો હતો. જોકે, હવે તેણે ઘરમાં પોતાનો પરચો બતાવી દીધો છે. આ દરમિયાન એક્ટરનો એક જૂનો ઈન્ટરવ્યૂ સામે આવ્યો છે. આ ઈન્ટરવ્યૂમાં એજાઝે ખભા પર ઈજા થતાં તેને ડાન્સ રિયાલિટી શો 'ઝલક દિખલાજા' શરૂ થતાં પહેલા જ છોડવો પડ્યો હતો. આ દરમિયાન કેટલાક લોકોએ તેને હેન્ડિકેપ્ડ કહ્યો હતો.

એજાઝ ખાને વેબ પોર્ટલ પિંકવિલા સાથેની વાતચીતમાં પોતાની કરિયરના સૌથી મુશ્કેલ દિવસની વાત કરી હતી. તેણે કહ્યું હતું, 'મને બે વાર ખભામાં ઈજા થઈ હતી અને આ સમય મારા માટે સૌથી વધુ મુશ્કેલ હતો. તે સમયે ઈન્ટરનેટ નહોતું. એક સમય એવો આવ્યો કે મારા ખભાનું ઓપરેશન સક્સેસ રહ્યું નહોતું. 16 દિવસ બાદ જ તે ખભામાં બીજીવાર ઈજા થઈ હતી. દોઢ વર્ષ સુધી મારો ખભો ઠીક થયો નહોતો, પરંતુ મને વિશ્વાસ હતો કે હું સાજો થઈ જઈશ.'

વધુમાં એક્ટરે કહ્યું હતું, 'તે સમયે હું બાંદ્રામાં એક નાનકડા ફ્લેટમાં રહેતો હતો અને જીવન બહુ જ સરળ હતું. ઈજા હોવા છતાં મેં ઘણાં કામ કર્યા હતા. હું દુખાવાને કારણે રડી પડતો હતો અને મને આમાંથી બહાર આવવામાં દોઢ વર્ષ જેટલો સમય થયો હતો. જોકે, આ ઈજાએ મને એ વાત શીખવી કે જો મનથી તમે નક્કી કરો તો તમે ચોક્કસથી કમબેક કરી શકો છો.'

ડાન્સ રિહર્સલ દરમિયાન આ ઘટના બની હતી
ખભાની ઈજાને કારણે એજાઝે માત્ર ડાન્સ રિયાલિટી શો જ નહોતો છોડ્યો પરંતુ તેણે ઘણું બધું સાંભળવું પણ પડ્યું હતું. આ અંગે એક્ટરે કહ્યું હતું, 'હું 'ઝલક દિખલાજા' શોમાં કામ કરતો હતો. શો લોન્ચ થાય તેના ત્રણ દિવસ પહેલાં જ હું મારી ડાન્સ પાર્ટનરને ઊંચકવાની પ્રેક્ટિસ કરતો હતો. આ દરમિયાન યુવતીની પકડ છૂટી ગઈ અને મારી આંગળી વળી ગઈ હતી અને તે મારા ખભા પર સીધી પડી હતી. હું મારી જાતને શ્વાસ લેવાનું કહેતો હતો. હું એક ડાન્સર હતો અને મને ડાબા ખભામાં પહેલેથી જ તકલીફ હતી અને આ ઘટના બાદ મને જમણાં ખભામાં ઈજા થઈ હતી. તે સમયે કેટલાક લોકોએ મને ત્યાં સુધી કહ્યું હતું કે અમે તમને હેન્ડિકેપ્ડ હોવાનો ફાયદો આપી શકીએ નહીં. અમે કોઈ સ્પેશિયલ ડાન્સ શો ચલાવતા નથી. આ સાંભળીને મને ઘણું જ દુઃખ થયું હતું, કારણ કે આ બધું ડાન્સ રિહર્સલ દરમિયાન જ થયું હતું. જોકે, મેં પૂરી મક્કમતાથી કમબેક કર્યું હતું.'

એજાઝ ખાન વર્ષ 2013માં 'ઝલક દિખલાજા' શોમાં જોવા મળવાનો હતો પરંતુ છેલ્લી મિનિટે તેણે શોમાં કામ કરવાની ના પાડી દીધી હતી.

Download Dainik Bhaskar App to read Latest Hindi News Today


Aijaz Khan was kicked out of a reality show with a shoulder injury, the makers said – we can’t give you the benefit of being handicapped, this is not a special show

Source

કોરોના પોઝિટિવ 85 વર્ષીય એક્ટર સૌમિત્ર ચેટર્જી હજી પણ ICUમાં, ડૉક્ટર્સે કહ્યું- તેમને તાવ નથી પરંતુ તેઓ હાઈ રિસ્ક ઝોનમાં છે

www.divyabhaskar.co.in |

85 વર્ષીય દિગ્ગજ બંગાળી ફિલ્મ એક્ટર સૌમિત્ર ચેટર્જી કોલકાતાની હોસ્પિટલના ICUમાં દાખલ છે. તેમની તબિયત ગંભીર છે. ડૉક્ટર્સના મતે 85 વર્ષીય સૌમિત્ર હાલમાં અર્ધ-બેહોશીની હાલતમાં છે. જોકે, તેમનું ઓક્સિજન લેવલ નોર્મલ છે. તેમને 6 ઓક્ટોબરના રોજ હોસ્પિટલમાં એડમિટ કરવામાં આવ્યા હતા અને ત્યારે તેમનું ઓક્સિજન લેવલ ઘણું જ ઓછું હતું. તેમનો કોરોનાનો ટેસ્ટ પોઝિટિવ આવ્યો હતો.

હાલમાં હાઈ રિસ્ક ઝોનમાં
ન્યૂઝ એજન્સી PTI સાથેની વાતચીતમાં ડૉક્ટરે કહ્યું હતું, 'સૌમિત્રનું સોડિયમ લેવલ યોગ્ય છે પરંતુ પોટેશિયમ લેવલ ઓછું છું. પોટેશિયમ લેવલને સુધારવાનો પ્રયાસ કરવામાં આવી રહ્યો છે. તેઓ અર્ધ બેહોશી હાલતમાં છે. ઓક્સિજન લેવલ નોર્મલમ છે. તેમને તાવ નથી પરંતુ તેઓ હજી પણ હાઈ રિસ્ક ઝોનમાં છે.'

બેચેની થતા ICUમાં શિફ્ટમાં કરવામાં આવ્યા
શુક્રવાર, 9 ઓક્ટોબરના રોજ સૌમિત્રને બેચેની જેવું લાગતા ડૉક્ટર્સે ICUમાં શિફ્ટ કર્યા હતા. આ પહેલા તેમની દીકરી પૌલોમીએ કહ્યું હતું કે ડૉક્ટર્સ તેના પિતાનું ધ્યાન રાખી રહી છે. તેમનું બ્લડ પ્રેશર નોર્મલ છે અને ઓક્સિજનની જરૂર નથી.

સત્યજીત રે અને સૌમિત્ર ચેટર્જીની જુગલ જોડી
બંગાળના ખૂબ જાણીતા એક્ટર સૌમિત્ર ચેટર્જી ખાસ ફિલ્મમેકર સત્યજીત રે સાથેના તેમના કામને કારણે વધુ જાણીતા છે. સત્યજીત રે અને સૌમિત્ર ચેટર્જીએ 14 ફિલ્મમાં સાથે કામ કર્યું છે. તેમણે 1959માં ડેબ્યૂ પણ સત્યજીત રેની ફિલ્મ 'અપૂર સંસાર'થી કર્યું હતું. આ ઉપરાંત તેઓ ઓસ્કર વિજેતા સત્યજીત રે દ્વારા તૈયાર કરવામાં આવેલા ડિટેક્ટિવ કેરેક્ટર ફેલુદાને પ્લે કરનારા પહેલા એક્ટર હતા. તેમણે 100 ફિલ્મમાં કામ કર્યું છે અને તેમાંથી બે હિંદી ફિલ્મ 'નિરૂપમા' તથા 'હિન્દુસ્તાની સિપાહી' છે. હિંદીમાં તેમણે 'સ્ત્રી કા પત્ર' નામની ફિલ્મ ડિરેક્ટ કરી હતી. છેલ્લે તેઓ મોટા પડદે 2019માં આવેલી બંગાળી ફિલ્મ 'સાંજબાતી'માં દેખાયા હતા.

આ મોટા સન્માન મળ્યા

  • 2012માં એન્ટરટેઈનમેન્ટ ઈન્ડસ્ટ્રીનું સૌથી મોટું સન્માન દાદા સાહેબ ફાળકે અવોર્ડ મળ્યો
  • ત્રણવાર નેશનલ ફિલ્મ અવોર્ડ મળ્યો
  • 2004માં ભારત સરકારે પદ્મ ભૂષણથી સન્માનિત કર્યા હતા

Download Dainik Bhaskar App to read Latest Hindi News Today


સૌમિત્ર ચેટર્જીએ અંદાજે 100 ફિલ્મમાં કામ કર્યું છે

Source

International Day for the Elderly : વૃદ્ધજનોને તેમના અધિકારો પ્રત્યે જાગૃત કરવાના હેતુથી ઉજવણી

gujarati.oneindia.com |
International Day for the Elderly : વૃદ્ધજનોને તેમના અધિકારો પ્રત્યે જાગૃત કરવાના હેતુથી ઉજવણી

Source

હરિહરન બોલ્યા- પહેલા સ્ટેજ શો દરમ્યાન દીદીએ ઓડિયન્સ તરફ જોવાની ના પાડી હતી, પછી ખબર પડી તેમનું આવું કહેવાનું કારણ

www.divyabhaskar.co.in |

લતા મંગેશકરને 92મા જન્મદિવસ પર ફેમસ સિંગર હરિહરને તેમને શુભેચ્છા આપતા તેમની સાથે કામ કરવાનો તેમનો અનુભવ દિવ્ય ભાસ્કર સાથે શેર કર્યો. તેમણે કહ્યું કે જ્યારે પહેલીવાર તેમની સાથે સ્ટેજ શોમાં ગાઈ રહ્યો હતો તો તેમણે મને એક શીખ આપી હતી.

હરિહરને કહ્યું, 'દીદીને જન્મદિવસની ઘણી શુભકામના. પ્રાર્થના કરું છું કે તે સ્વસ્થ અને ખુશ રહે. ફિલ્મોમાં ગાવા પહેલાં તેમની સાથે બંગાળ, લંડન વગેરે જગ્યાઓ પર ઘણા મોટા શો કર્યા છે. ત્યારબાદ તેમની સાથે લમ્હે, સત્ય વગેરે ફિલ્મોમાં ગીતો ગાયા. પોતાના પિતાજીના નામે વર્ષમાં એકવાર પ્રોગ્રામ કરતા હતા. તેમાં મેં ત્રણ ચાર વર્ષ પરફોર્મ કર્યું. તેમના પિતાજીના નામ પર જે અવોર્ડ છે જે તે પણ આપ્યો. મારા માટે આ સૌભાગ્યની વાત છે કે સૌથી પહેલા તેમણે એક લાઈવ મ્યુઝિશિયનને આ અવોર્ડ આપ્યો હતો.

દીદીએ ઓડિયન્સ સામે જોવાની ના પાડી હતી
'તેમની સાથે પહેલીવાર શોમાં ગાઈ રહ્યો હતો. ગીત હતું 'યે રાત ભીગી ભીગી..' સ્ટેજ પર જતા પહેલાં તેમણે કહ્યું કે હરિ પહેલીવાર ગાઈ રહ્યા છો તો વધુ ઉપર અને ઓડિયન્સ તરફ ન જોતા. હવે કોઈ કહે કે ઉપર ન જોતા તો તે કરવા ઉત્સાહિત રહીએ છીએ.'

'ના પાડી હતી છતાં મેં વાત ન માની'
'પહેલું મુખડું ગાયું તો તેમને ઘણું ગમ્યું. તેમણે ઈશારાથી મને કહ્યું પણ ખરા કે તેમને ગમ્યું. પરંતુ જેવું મ્યુઝિક વાગ્યું કે મેં હળવેથી નજર ઊંચી કરીને ઓડિયન્સ તરફ જોઈ લીધું. ત્યાં લાખોથી વધુ લોકોની ઓડિયન્સ બેઠી હતી. પહેલીવાર આટલા બધા લોકોને એકસાથે જોઈને એક ક્ષણ માટે મારું ધ્યાન હટી ગયું. પછી તો અંતરો શરૂ થયો કે ભૂલ કરી બેઠો.'

'મારી ભૂલ પર તેઓ હસી રહ્યા હતા'
'જોકે ભૂલ ઓડિયન્સને નહીં ખાલી અમને જ ખબર પડી. પરંતુ જ્યારે 2 મિનિટ પછી દીદી તરફ જોયું તો તેઓ હસી રહ્યા હતા કે તમે કેમ ઓડિયન્સ તરફ જોયું. તેમને ઓબ્ઝર્વ કરીને જ અમને ઘણું બધું શીખવા મળે છે.'

'ગીત યાદ ન રહે ત્યાં સુધી તે માઈક પર ન આવતા'
'દીદીને જ્યાં સુધી ગીત યાદ ન રહે ત્યાં સુધી તેઓ માઈક સામે આવતા ન હતા. એવું ક્યારેય નથી થયું કે યાદ કર્યા વગર માઈક સામે આવી ગયા. રિહર્સલ બે ત્રણ વખત કર્યા બાદ દરેક વખત તે જ રીતે ગીત ગાતા હતા. બે ત્રણ રિહર્સલ પછી એવું લાગતું કે ગીતમાં શું જાન આવી ગઈ છે.'

'દીદી કેરમ ઘણું સારું રમે છે'
'દીદી કેરમ બોર્ડ ઘણી સારી રીતે રમે છે. વેરી ગુડ કેરમ બોર્ડ પ્લેયર. મેં તેમની સાથે તેમના ઘરે એક બે વાર કેરમ રમ્યું છે. તેમનો ગેમ રમવાનો અંદાજ જ અલગ હોય છે. એકદમ શાર્પ. તેને રમવામાં પણ એક અલગ પ્રકારની નઝાકત હોતી હતી, તે એકદમ અલગ રીતે વિચારે છે.'

(જેવું હરિહરને ઉમેશ કુમાર ઉપાધ્યાયને જણાવ્યું)

Download Dainik Bhaskar App to read Latest Hindi News Today


=Hariharan Remembers His Memories With Lata Mangeshkar On Her Birthday, Says Didi Refused To Look At The Audience During The First Stage Show, Later Found Out The Reason For Her Saying So

Source

ડ્રગ્સ વિવાદમાં મોટા નામ સામે આવતા શિલ્પા શિંદેએ કહ્યું, 'ઇન્ડસ્ટ્રીમાં ડ્રગ લેવા સામાન્ય વાત છે, મેનેજમેન્ટ કંપની ખુદ તેમના આર્ટિસ્ટને સ્પેશિયલ સર્વિસ આપે છે'

www.divyabhaskar.co.in |

સુશાંત સિંહ કેસમાં ડ્રગ્સ એન્ગલ સામે આવ્યા બાદ નાર્કોટિક્સ કંટ્રોલ બ્યુરો (NCB) તપાસ કરી રહી છે. હવે આમાં બોલિવૂડ અને ટીવી ઇન્ડસ્ટ્રી સાથે જોડાયેલા ઘણા મોટા નામ સામે આવી રહ્યા છે. દીપિકા પાદુકોણ, રકુલપ્રીત સિંહ, સારા અલી ખાન અને શ્રદ્ધા કપૂરને સમન્સ પણ મોકલી દેવામાં આવ્યા છે. સતત મોટા નામો બહાર આવતા 'બિગ બોસ 11' વિનર શિલ્પા શિંદેએ જણાવ્યું કે ઘણી મેનેજમેન્ટ કંપની ખુદ સેલેબ્સ માટે ડ્રગ્સનું સેટિંગ કરે છે.

ઇન્ડસ્ટ્રીમાં ડ્રગ લેવા સામાન્ય વાત છે: શિલ્પા
NCBની તપાસ દરમ્યાન મોટી હસ્તીઓ અને ફેમસ ટેલેન્ટ મેનેજમેન્ટ કંપની ક્વાનનું નામ પણ આ કેસમાં જોડાઈ ગયું છે. આ બાબતે શિલ્પાએ ખુલાસો કરતા ટાઈમ્સ નાઉ સાથેની વાતચીતમાં જણાવ્યું કે ઇન્ડસ્ટ્રીમાં ડ્રગનું સેવન કરવું સામાન્ય વાત છે. ડ્રગ્સ પાર્ટી જાહેરમાં થાય છે. ઇન્ડસ્ટ્રીમાં માહોલ અને સાથેના લોકોને કારણે ઘણા યંગ એક્ટર્સ પણ આ ગેરકાયદેસર કામનો ભાગ બની જાય છે.

મેનેજમેન્ટ કંપની ક્વાનની અમુક ચેટ સામે આવી છે જેમાં ઓપનલી ડ્રગ સપ્લાયની વાત કરવામાં આવી રહી છે. આ બાબતે શિલ્પાએ કહ્યું કે, 'જ્યારે મેનેજમેન્ટ કંપનીવાળા આર્ટિસ્ટને અપ્રોચ કરે છે તો આર્ટિસ્ટ ખુદ પૂછે છે કે તમે અમને કઈ સુવિધાઓ આપશો. આ દરેક વ્યક્તિની ડિમાન્ડ પર નિર્ભર કરે છે. જ્યારે કંપનીવાળા કોઈ આર્ટિસ્ટને ઇવેન્ટ માટે વિદેશ લઇ જાય છે તો તેમને જ બધું ધ્યાન રાખવાનું હોય છે. ઇન્ડસ્ટ્રીમાં ઘણી મેનેજમેન્ટ કંપની છે જ્યાં ખુદ આર્ટિસ્ટ પૂછે છે કે તમે મોટા સ્ટાર્સને શું સ્પેશિયલ સર્વિસ આપી શકો છો.'

આ મામલે નવા આવેલા નામ ટીવી એક્ટર્સ એબિગેલ પાંડે અને તેનો બોયફ્રેન્ડ સનમ છે. બુધવારે NCBએ તેમની લાંબી પૂછપરછ કરી છે. સાથે જ તેમના જુહુના ઘરમાં NCBએ દરોડા પાડ્યા હતા. તેમના નામ ડ્રગ પેડલર્સ અનુજ કેશવાની અને રાહિલે જણાવ્યા હતા. અન્ય સ્ટાર્સની પણ ટૂંક સમયમાં NCB પૂછપરછ કરશે.

Download Dainik Bhaskar App to read Latest Hindi News Today


Shilpa Shinde’s Statement On Big Names In Drug Controversy, Said ‘It Is Common In The Industry To Take Drugs, The Management Company Itself Gives Special Service To Their Artist’

Source

આશુતોષ રાણાએ શો દરમ્યાન જણાવ્યું કઈ રીતે તેમની અને રેણુકા શહાણેની પહેલી મુલાકાત થઇ, એક્ટ્રેસને પ્રપોઝ કરવા માટે જાતે કવિતા લખી હતી

www.divyabhaskar.co.in |

'ધ કપિલ શર્મા શો'માં આ રવિવારે ઇન્ડસ્ટ્રીની ટેલેન્ટેડ જોડી આશુતોષ રાણા અને રેણુકા શહાણે સેટ પર આવશે. શોમાં કપલ તેમની એક્ટિંગથી લઈને લાઈફ વિશેની ઘણી વાતો કરતા દેખાશે. શોમાં કલાકારોના જોક્સ પર પણ ખૂબ હસતા જોવા મળશે. આવામાં દર્શકો માટે પણ આ આનંદથી ભરપૂર વીકેન્ડ સાબિત થશે.

એક રસપ્રદ ચર્ચા દરમ્યાન આશુતોષ રાણાએ તેની અને રેણુકાની પહેલી મુલાકાત વિશે ઘણી વાતો શેર કરી. તેમણે કહ્યું, 'હંસલ મહેતાની ફિલ્મ 'જયતે'નો પ્રિવ્યૂ હતો સુમિત થિયેટરમાં તો હું રાજેશ્વરી સચદેવ અને તેજસ્વિની કોલ્હાપુરેને સાથે લઈને ગયો હતો. ત્યાં ગયો તો ખબર પડી કે રાજેશ્વરી અને રેણુકા ઘણા સારા મિત્રો હતા અને હું રેણુકાજીનો ફેન પણ હતો. સૈલાબ (સિરિયલ) તે સમયે આવતી હતી અને તેમની ફિલ્મ હમ આપકે હૈ કૌન પણ આવી ગઈ હતી તો હું તેમના કામથી પ્રભાવિત હતો. જ્યારે તેમને મળ્યો ત્યારે અમે અંદાજે અડધી કલાક વાત કરી અને મારા વિચાર ઘણા મળતા હતા.'

પહેલી જ વખત આશુતોષે લિફ્ટ ઓફર કરી હતી
જયારે અમે બહાર નીકળ્યા તો રાત થઇ ગઈ હતી અને તે દિવસે રવિવાર હતો. મેં પૂછ્યું તમે ક્યા રહો છો? તો તેમણે કહ્યું હું દાદરમાં રહું છું. તો મેં પૂછ્યું તમે કઈ રીતે જશો? તમારી પાસે કાર નથી? તો તેઓ બોલ્યા કે આજ રવિવાર છે અને રવિવારે અમે અમારા સ્ટાફને રજા આપીએ છીએ અને મને ગાડી ચલાવતા નથી આવડતી. મેં તેમને પૂછ્યું કે શું હું તેમને ડ્રોપ કરી દઉં? તેમણે મને પૂછ્યું હું ક્યા રહું છું? મેં કહ્યું, હું ચેમ્બુરમાં રહું છું. તો મને કહ્યું કે હું મુંબઈમાં મોટી થઇ છું, જન્મ પણ અહીં જ છે, મેં આજ સુધી એવો કોઈ રસ્તો નથી જોયો જે જુહુથી દાદર થતા ચેમ્બુર જતો હોય. પછી તેમણે મને કહ્યું, તમે ચિંતા ન કરો મને ટેવ છે હું જતી રહીશ. આ સાંભળીને બધા ખિલખિલાટ હસવા લાગ્યા.

દશેરાની શુભકામના આપવાના બહાને કોલ કર્યો હતો
ડિરેક્ટર રવિ રાય તે બંને સાથે એક શો કરવા ઇચ્છતા હતા પરંતુ આશુતોષે તે ઘટનાનો ફાયદો લઈને રવિ પાસેથી રેણુકાનો નંબર માગી લીધો. ત્યારે ખબર પડી કે રેણુકા રાત્રે 10 વાગ્યા પછી કોઈના ફોનના જવાબ નથી આપતા અને કોઈ અજાણ્યા નંબરના ફોન પણ નથી લેતા. તમારે આન્સરિંગ મશીન પર મેસેજ અને બાકીની ડિટેલ્સ છોડવી પડતી હતી. આ વાતોને ધ્યાનમાં રાખીને આશુતોષે રેણુકાના આન્સરિંગ મશીન પર એક મેસેજ છોડ્યો જેમાં તેમણે રેણુકાને દશેરાની વધામણી આપી. જોકે તેમણે જાણીજોઈને તેમનો નંબર ન આપ્યો કારણકે તે વિચારી રહ્યા હતા કે જો રેણુકાને તેની સાથે વાત કરવી હશે તો તે ખુદ પ્રયત્ન કરશે અને તેનો નંબર શોધી લેશે.

લકીલી આશુતોષને તેની બહેન તરફથી મેસેજ મળ્યો કે રેણુકાનો ફોન આવ્યો હતો અને તેમણે દશેરાની શુભકામના માટે ધન્યવાદ કહ્યું છે. ત્યારબાદ અમુક સમય સુધી મેસેજની આપલે થતી રહી અને પછી રેણુકાએ આશુતોષને તેમનો પર્સનલ નંબર આપી દીધો.

આશુતોષે કહ્યું, 'મેં તે જ રાત્રે 10:30 વાગ્યે તેમને ફોન કરીને કહ્યું કે થેંક્યુ રેણુકા જી તમે તમારો નંબર આપ્યો અને ત્રણ મહિના અમે ફોન અ ફ્રેન્ડ રમતા રહ્યા.'

રેણુકા માટે જાતે કવિતા લખી હતી
આશુતોષને કવિતાઓ ગમતી અને રેણુકાને ગદ્ય. આશુતોષે એવું વિચારીને એક કવિતા લખી કે જો રેણુકાને રસ હશે તો તે જવાબ જરૂર આપશે અને જો નથી તો તેમાં રિજેક્શનનો સવાલ જ નથી આવતો. તે સમયે આશુતોષ હૈદરાબાદમાં શૂટિંગ કરી રહ્યા હતા અને રેણુકા ગોવામાં હતા. જ્યારે તેમણે રેણુકાને કવિતા વાંચીને સંભળાવી તો રેણુકાએ એવું કહીને જવાબ આપ્યો હતો કે તે તેમને પ્રેમ કરે છે. તેના પર આશુતોષે કહ્યું, તમે પરત આવો પછી આપણે આ વિષય પર વધુ વાત કરીએ છીએ. બસ પછી તો સૌ જાણે જ છે કે આગળ શું થયું. તે છેલ્લા ઘણા વર્ષોથી હેપ્પી મેરિડ લાઈફ એન્જોય કરી રહ્યા છે.

Download Dainik Bhaskar App to read Latest Hindi News Today


Ashutosh Rana Told During The Kapil Sharma Show How He And Renuka Shahane Had Their First Meeting, Wrote A Poem To Propose The Actress

Source

CBI ટૂંક સમયમાં ફાઇનલ રિપોર્ટ રજૂ કરી શકે છે, નિતેશ રાણેએ કહ્યું- તેમને દિશાના મૃત્યુનું સત્ય ખબર છે, CBI સામે ખુલાસો કરશે



3 મહિના પસાર થઈ ગયા પછી પણ આ કેસ હજુ સોલ્વ થયો નથી કે સુશાંત સિંહ રાજપૂતનું મૃત્યુ હતું કે આત્મહત્યા. મુંબઈ પોલીસ દ્વારા એક્સિડેન્ટલ ડેથ રિપોર્ટ ફાઈલ કરાવ્યા બાદ આ મામલો બિહાર પોલીસ, ED, CBI અને નાર્કોટિક્સ કન્ટ્રોલ બ્યુરો સુધી પહોંચી ગયો છે.

સૂત્રોના હવાલાથી જાણકારી સામે આવી રહી છે કે CBI આગામી દિવસોમાં આ કેસ સાથે જોડાયેલી ફાઇનલ તપાસનો રિપોર્ટ રજૂ કરી શકે છે. તે AIIMSના ફાઇનલ રિપોર્ટની રાહ જોઈ રહ્યા છે. 17 તારીખે દિલ્હીમાં AIIMSના ડોક્ટર્સની એક ફાઇનલ બેઠક થવાની છે. એવું માનવામાં આવી રહ્યું છે કે CBI આ કેસમાં આત્મહત્યાનો એન્ગલ લઈને આગળ વધી રહી છે. અત્યારસુધીમાં તેમને હત્યા કે કોઈપણ પ્રકારના ષડ્યંત્રના સંકેત નથી મળ્યા. આજે પણ અમુક લોકોને પૂછપરછ માટે CBI DRDO ગેસ્ટહાઉસ બોલાવી શકે છે.

આ વચ્ચે NCB (નાર્કોટિક્સ કન્ટ્રોલ બ્યુરો)એ આ કેસમાં 17 લોકોને અરેસ્ટ કરી લીધા છે. અરેસ્ટ થયેલા લોકોમાં સુશાંતની ગર્લફ્રેન્ડ રિયા ચક્રવર્તી અને તેનો ભાઈ શોવિક પણ સામેલ છે. બંને 22 સપ્ટેમ્બરથી જ્યુડિશિયલ કસ્ટડીમાં છે. બંનેની નીચલી કોર્ટમાં બેવાર જામીન અરજી રિજેક્ટ થઇ ગઈ છે. જામીન માટે હવે તેમની પાસે હાઇકોર્ટનો વિકલ્પ બચે છે. જોકે 6 દિવસથી જેલમાં રહેતી રિયા ચક્રવર્તીના વકીલ સતીશ માનશિંદેનું કહેવું છે કે તેમના ક્લાયન્ટ જામીન માટે ઉતાવળ નથી કરી રહ્યાં. સોમવારે બપોરે વકીલને રિયા અને શોવિકની રદ થયેલી અરજીના ચુકાદાની કોપી મળી ગઈ છે. માનવામાં આવી રહ્યું છે કે આજે અથવા કાલ સુધી તેઓ હાઇકોર્ટના દરવાજા ખખડાવી શકે છે.

નિતેશ રાણેએ કહ્યું, તેમને દિશાના મૃત્યુનું સત્ય ખબર છે
મહારાષ્ટ્રના મોટા નેતા નારાયણ રાણેના દીકરા અને BJP નેતા નિતેશ રાણેએ રિપબ્લિક ભારત ન્યૂઝને આપેલા એક ઇન્ટરવ્યુમાં ખુલાસો કર્યો છે કે તેમને સુશાંતની એક્સ મેનેજર દિશા સલિયનના મૃત્યુનું સત્ય ખબર છે, પરંતુ તેઓ ઈચ્છે છે કે દિશાનો બોયફ્રેન્ડ રોહન ખુદ સામે આવીને સત્ય જણાવે. નિતેશ રાણેએ કહ્યું હતું કે જે પુરાવા રોહન રાય છુપાવી રહ્યા છે એ મારી પાસે છે. જો રોહન CBIને સત્ય નહીં જણાવે તો હું જણાવીશ. તેમણે સવાલ ઉઠાવ્યો કે જે દિશા સાથે રહેતો હતો રોહન તે ગાયબ કેમ છે? જ્યારે દિશા પડી તો રોહન ત્યાં 25 મિનિટ પછી કેમ આવ્યો? પાર્ટીમાં દિશાને બોલાવી હતી, પરંતુ તે જવા ઇચ્છતી ન હતી.

તમે મુંબઈ આવો, હું તમારું રક્ષણ કરીશ
રાણેનું કહેવું છે કે હું રોહન રાયને જણાવવા ઈચ્છું છું કે તમે મુંબઈ આવો. ડરો નહીં. તમે બધું સાચું એજન્સીને જણાવો. તેમણે કહ્યું હતું કે રોહન રાય સાથે પૂછપરછ થઈ તો બધું સામે આવી જશે, 8 જૂને પાર્ટીમાં એક નેતા પણ સામેલ હતા. એ જ દિવસે દિશાનું મૃત્યુ થયું હતું. એ પાર્ટીમાં એક બિલ્ડર, બે એક્ટર, એક એક્ટરનો ભાઈ અને એક મોટા નેતા પણ સામેલ હતા. દિશાના મૃત્યુના એક અઠવાડિયા પછી 14 જૂને બાંદરાસ્થિત ફ્લેટમાં સુશાંતની ડેડબોડી લટકેલી મળી હતું.

નિતેશ રાણેના જણાવ્યા અનુસાર, 'સુશાંત સિંહ રાજપૂત 8 જૂન પછીથી ઘણો હેરાન હતો. 8 તારીખે પાર્ટીમાં એવા કયા લોકો હાજર હતા, જેને બચાવવા માટે સરકાર આટલી મહેનત કરી રહી છે? માત્ર રિયા માટે સરકાર આટલી મહેનત નથી કરતી.'

દિશાએ આત્મહત્યા ન કરી હોવાનો દાવો
નિતેશ રાણેએ વધુમાં કહ્યું હતું કે દિશા સલિયનનું મર્ડર થયું છે, 'હું દાવા સાથે કહી શકું છું કે દિશાએ આત્મહત્યા નથી કરી. જો આ આત્મહત્યા છે તો રોહન, તેના મિત્રો, પાડોશીઓ અને વોચમેન ગભરાયેલા કેમ છે?' નિતેશ રાણેએ CBI તપાસના વખાણ કરતાં કહ્યું હતું કે તેમને આ વાતની ખુશી છે કે તેઓ યોગ્ય દિશા તરફ આગળ વધી રહ્યા છે અને ટૂંક સમયમાં સત્ય સામે આવશે.

લોનાવલાના ફાર્મહાઉસ પરથી ઘણી વસ્તુઓ મળી
થોડા દિવસ પહેલાં NCBએ સુશાંતના લોનાવલા ફાર્મહાઉસમાં દરોડા પાડ્યા હતા, જ્યાંથી ઘણી વસ્તુઓ મળી છે. એમાં એક ડોક્ટરનો કાગળ, દવાઓ, કૃત્રિમ હુક્કો, અમુક સંદિગ્ધ નશીલા પદાર્થ મળ્યાં છે. ફાર્મહાઉસના કર્મચારીઓએ બોલિવૂડના અમુક સેલેબ્સ ત્યાં આવતા અને પાર્ટીમાં સામેલ થતા હોવાની પુષ્ટિ કરી છે.

Download Dainik Bhaskar App to read Latest Hindi News Today


CBI આગામી દિવસોમાં આ કેસ સાથે જોડાયેલી ફાઇનલ તપાસનો રિપોર્ટ રજૂ કરી શકે છે.

Source

સોનુ સૂદને કહ્યું, આખા આંધ્રને દેખાડી દો કે દુનિયા તમને કેમ 'મસીહા' માને છે, એક્ટરે કહ્યું- પ્રશાંતના પરિવારને કહો તે ચિંતા ન કરે હું તેમની સાથે છું



દેશમાં લોકડાઉન શરૂ થયા પછી જરૂરિયાતમંદ લોકોની મદદ કરીને દેશભરના લોકોના દિલ જીત્યા બાદ પણ એક્ટર સોનુ સૂદ મદદ કરવાથી પાછળ હટ્યો નથી. હવે તે એક ટોલિવૂડ આર્ટિસ્ટની મદદ માટે આગળ આવ્યો છે. પ્રશાંત નામના આ આર્ટિસ્ટનું એક્સિડેન્ટ થઇ ગયું હતું ત્યારબાદ તેના મિત્રોએ સોશિયલ મીડિયા મારફતે સૂદને મદદ માટે કહ્યું હતું. સોનુએ તેમને જવાબ આપી કહ્યું કે ડોક્ટર સાથે વાત થઇ ગઈ છે તે ટૂંક સમયમાં તેમના પગે ઊભા હશે.

સોનુ સૂદની મદદ માગતા આશિષ નામના એક વ્યક્તિએ લખ્યું કે, 'સોનુ સૂદ સર, અમારા મિત્ર પ્રશાંતનું એક્સિડેન્ટ થઇ ગયું હતું અને તેની સ્થિતિ ઘણી ગંભીર છે. તમે ટોલિવૂડ કલાકારો પર હંમેશાં તમારો પ્રેમ વરસાવ્યો છે. અમે ઇચ્છીએ છીએ કે તમે તેનો જીવ બચાવો અને આખા આંધ્રને બતાવી દો કે દુનિયા કેમ તમને 'મસીહા ' કહે છે. અમને તમારી મદદની જરૂર છે, સર પરિવારમાં તે એકમાત્ર કમાનારો વ્યક્તિ છે.'

સૂદે કહ્યું, બધાની પ્રાર્થના તેની સાથે છે
સોનુએ તે ટ્વીટના જવાબમાં લખ્યું, 'પ્રશાંતના પરિવારને કહો કે ચિંતા ન કરે હું તેમની સાથે છું. આખા આંધ્રની વધામણી અને ટોલિવૂડ ઇન્ડસ્ટ્રીની પ્રાર્થના તેની સાથે છે. ડોક્ટર્સ સાથે વાત થઇ ગઈ છે, ટૂંક સમયમાં તે તેના પગે ઊભો હશે.'

આખો પરિવાર તેના પર નભે છે
સોનુને જે વીડિયોમાં ટેગ કરવામાં આવ્યો તેમાં પ્રશાંત વિશે જાણકારી પણ આપવામાં આવી છે. 'તે એક ડાન્સર છે, ઘણી ફિલ્મોમાં કામ કર્યું છે. દુર્ભાગ્યપૂર્ણ ત્રણ દિવસ પહેલાં તેનું એક્સિડેન્ટ થયું. હાલ તેની સ્થિતિ ઘણી ગંભીર છે. તે એક ગરીબ પરિવારમાંથી આવે છે અને આખો પરિવાર તેના પર નભે છે. માટે અમે તમને વિંનંતી કરીએ છીએ કે તેની મદદ માટે આગળ આવો. તમે એક પ્રતિભાશાળી ડાન્સરનો જીવ બચાવી શકો છો.'

મિત્રોએ પણ હાથ જોડીને મદદ માગી
આ વીડિયોમાં પ્રશાંતના મિત્રોએ કહ્યું, 'અમે તેલુગુ ફિલ્મ ઇન્ડસ્ટ્રી સાથે જોડાયેલા ડાન્સર્સ છીએ. ત્રણ દિવસ પહેલાં અમારા એક મિત્ર પ્રશાંતનું એક્સિડેન્ટ થયું. તે તેના ઘરમાં કમાણી કરનારો એકમાત્ર છે. તે ઘણા મોટા કોરિયોગ્રાફર્સ અને ઘણા મોટા સાઉથ ઇન્ડિયન આર્ટિસ્ટ સાથે પણ કામ કરી ચૂક્યો છે અને તે હાલ અપોલો હોસ્પિટલમાં એડમિટ છે. પ્રશાંતનો જીવ બચાવવા અમે આગળ આવ્યા છીએ આશા છે કે લોકો પણ આમાં અમારી મદદ કરશે.'

Download Dainik Bhaskar App to read Latest Hindi News Today


એક્સિડેન્ટને કારણે પ્રશાંતની સ્થિતિ એકદમ ગંભીર છે. ત્યારબાદ સોનુ સૂદ તેની મદદ માટે આગળ આવ્યા છે.

Source

error:
Scroll to Top