તન

પાયલને ભારત રત્ન ડૉ. આમ્બેડકર અવોર્ડ મળ્યો, ટ્રોલર્સે પૂછ્યું,‘શેના માટે મળ્યો? અમે તો તને અનુરાગ કશ્યપ વિવાદ પછીથી જ ઓળખીએ છીએ’

www.divyabhaskar.co.in |

પાયલ ઘોષ. આ નામ સપ્ટેમ્બરમાં ચર્ચામાં આવ્યું હતું જ્યારે તેણે અનુરાગ કશ્યપ પર યૌન શોષણના આરોપ લગાવી FIR ફાઈલ કરી હતી. એ પછી રામદાસ અઠાવલેની પાર્ટી રિપબ્લિક પાર્ટી ઓફ ઇન્ડિયા Aમાં પહોંચી ગઈ. હવે તેણે સોશિયલ મીડિયા પર એક પોસ્ટ કરી છે કે તેને ભારત રત્ન અવોર્ડ મળ્યો છે. તેની પોસ્ટ જોઈને લોકોએ તેને શુભેચ્છા પાઠવવાને બદલે ટ્રોલ કરી હતી.

પાયલે સોશિયલ મીડિયા પર અવોર્ડનો ફોટો શેર કરીને લખ્યું કે, અવોર્ડ મેળવીને હું ખુશ થઇ. હું 26 નવેમ્બર સંવિધાનના દિવસે યોજાયેલા અવોર્ડ સેરેમનીમાં કઈ શકી નહોતી. હાર્ડ વર્કને લાંબા રસ્તા પર પસાર થવું પડે છે અને હું ઈચ્છું છું કે યુવાનો પણ આ વાત સમજી લે. આવી મુમેન્ટ મને વિનમ્ર બનાવે છે.

‘ટ્રોલર્સે પૂછ્યું, શેના માટે મળ્યો?’
પાયલે ભલે અવોર્ડ મળવા પર ખુશી જાહેર કરી હોય પરંતુ તેને ટ્રોલર્સના પ્રશ્નનો સામનો કરવો પડ્યો છે. એક યુઝરે પૂછ્યું કે, શેના માટે મળ્યો? અમે તો તને અનુરાગ કશ્યપ વિવાદ પછીથી જ ઓળખીએ છીએ. અન્ય યુઝરે પ્રશ્ન કર્યો કે, કઈ ખુશીમાં? બીજા યુઝરે લખ્યું, તે લોકોએ બેશરમ થઇને આપ્યો , એનો અર્થ એ નથી કે તમે પણ બેશરમ બનીને લઇ લો.

Download Dainik Bhaskar App to read Latest Hindi News Today


Payal Ghosh Received Bharat Ratna Dr. Ambedkar Award Trollers Asked What For

Source

બોમ્બે હાઈકોર્ટે પોલીસને સવાલ પૂછ્યો- જો કોઈ સરકારની વાત નહીં સાંભળે તો શું તેના પર રાજદ્રોહની કલમ લગાવી દેવામાં આવશે?

www.divyabhaskar.co.in |

બોમ્બે હાઇકોર્ટે કંગના રનૌતની વિરુદ્ધ FIR રદ કરવાની ના પાડી દીધી છે. તે ઉપરાંત કંગના અને તેની બહેન રંગોલીને 8 જાન્યુઆરીએ બપોરે 12થી 2 વચ્ચે બાંદ્રા પોલીસ સ્ટેશનમાં હાજર રહેવાનો આદેશ આપ્યો છે. યાને કે કંગના અને તેની બહેન રંગોલીને હાલ પૂરતી તો રાહત થઈ છે. સુનાવણી દરમિયાન હાઈકોર્ટે કંગના પર રાજદ્રોહની કલમ લાદવા બદલ પોલીસને ઠપકો પણ આપ્યો હતો. કોર્ટે પૂછ્યું- જે પણ સરકારના અનુસાર નહીં ચાલે, શું તેના પર રાજદ્રોહની કલમ લગાવી દેવામાં આવશે?

મુંબઈ પોલીસે કંગના અને રંગોલીને ત્રણ વખત સમન્સ મોકલ્યું હતું. પરંતુ તે હાજર ન થઈ, અને સોમવારે હાઇકોર્ટમાં યાચિકા ફાઈલ કરીને FIR રદ કરવાની અને સમન્સ પર સ્ટે આપવાની અપીલ કરી. કોર્ટે સમન્સ મળ્યા બાદ પણ કંગનાને પોલીસની સામે રજૂ ન થવા પર સવાલ પૂછ્યો. તેના પર કંગનાના વકીલે તેઓ શહેરની બહાર હોવાનું કહ્યું હતું. કોર્ટે કંગનાને મુંબઈ પરત ફરવાની તારીખ પૂછી. ત્યારે આ અંગે વકીલ સ્પષ્ટ જવાબ આપી શક્યા નહીં, ત્યારે કોર્ટે તરત કંગનાને ફોન કરવાનો આદેશ આપ્યો.

પોલીસને પૂછ્યું- શું નાગરિકો સાથે આવું વર્તન કરો છો?
કોર્ટે મુંબઈ પોલીસની FIRમાં IPCની સેક્શન 124A (રાજદ્રોહની કલમ) જોડવા પર સવાલ ઉઠાવ્યો. તેમણે મુંબઈ પોલીસને પૂછ્યું કે "શું તમે નાગરિકો સાથે આ પ્રકારનો વ્યવહાર કરો છો? અમે અન્ય કલમો સમજી શકીએ છીએ. પરંતુ 124A કેમ? જો કેસ એટલો ગંભીર હતો તો તમારે FIR દાખલ કરવી જોઈતી હતી. પરંતુ FIR મેજિસ્ટ્રેટની 156 (3) હેઠળ આપેલા ઓર્ડર પછી ફાઇલ કરી.

પોલીસે કંગનાને 3 વખત સમન્સ મોકલ્યું હતું
બાંદ્રામાં બોલિવૂડ કાસ્ટિંગ ડાયરેક્ટર અને ફિટનેસ ટ્રેનર મુનવ્વર અલી સૈયદે કંગનાની વિરુદ્ધ અરજી કરી હતી. યાચિકામાં કંગના પર બોલિવૂડને નેપોટિઝ્મ અને ફેવરેટિઝ્મનું હબ કહીને ઈન્ડસ્ટ્રીનું તેનું અપમાન કરી રહી હોવાનું જણાવ્યું હતું. ત્યારબાદ પોલીસે ગત સપ્તાહે કંગના અને રંગોલીને ત્રીજી વખત સમન્સ મોકલીને 23 અને 24 નવેમ્બરના રોજ હાજર રહેવા માટે કહ્યું હતું.

બોલિવૂડ એક્ટ્રેસ કંગના રનૌતે બોમ્બે હાઇકોર્ટ સમક્ષ એક યાચિકા ફાઈલ કરીને તેની વિરુદ્ધ બાંદ્રા પોલીસ સ્ટેશનમાં ફાઈલ થયેલા કેસને રદ કરવાની માગ કરી છે. એક્ટ્રેસને મુંબઈ પોલીસ સમક્ષ 23 નવેમ્બરના રોજ સવારે 11 વાગ્યા સુધી હાજર થવાનું હતું. એક્ટ્રેસ હાલ હૈદરાબાદમાં 'થાલઈવી'ના શૂટિંગ માટે છે અને તે હાજર રહી ન હતી. એક્ટ્રેસ તરફથી તેના વકીલ રિઝવાન સિદ્દીકીએ હાઇકોર્ટમાં યાચિકા સબમિટ કરી છે. યાચિકા પર સુનાવણી કરતા બોમ્બે હાઇકોર્ટે તેને 8 જાન્યુઆરીએ બપોરે 12થી 2 વચ્ચે બાંદ્રા પોલીસ સ્ટેશનમાં હાજર રહેવાનો આદેશ આપ્યો છે.

જસ્ટિસ એસ એસ શિંદેની બેન્ચે તેમનો નિર્ણય આપતા કહ્યું કે, 'અમે જે પ્રસ્તાવ રજૂ કરી રહ્યા છે, તેમાં અમે તમને સમય આપશું. અમે યાચિકાકર્તા (કંગના અને તેની બહેન રંગોલી)ને ધરપકડથી સુરક્ષા આપશું. તેમને જાન્યુઆરીમાં પૂછપરછ માટે આવવા દો.'

18 નવેમ્બરે કંગના અને તેની બહેન રંગોલી ચંદેલને ત્રીજી વખત સમન્સ મોકલવામાં આવ્યું હતું. આ સમન્સમાં કંગનાને 23 નવેમ્બરે અને તેની બહેન રંગોલી ચંદેલને 24 નવેમ્બરે હાજર થવા માટે કહેવામાં આવ્યું હતું.

બંને બહેનો પર સોશિયલ મીડિયા પર સાંપ્રદાયિક તણાવ ફેલાવવાનો અને જજ પર વાંધાજનક ટિપ્પણી કરવાનો કેસ ફાઈલ થયો છે. બંને વિરુદ્ધ કોર્ટના આદેશ પર 17 ઓક્ટોબરે બાંદ્રા પોલીસ સ્ટેશનમાં કેસ ફાઈલ થયો હતો. તે પહેલાં કંગનાને પૂછપરછ માટે 26 ઓક્ટોબર અને 3 નવેમ્બરે સમન્સ મોકલીને બોલાવવામાં આવી હતી. ભાઈના લગ્નનો હવાલો આપીને એક્ટ્રેસે 15 નવેમ્બર પછી પૂછપરછ માટે હાજર થવાની વાત કરી હતી.

બે ધર્મો વચ્ચે દ્વેષ પેદા કરવાનો આરોપ
સ્થાનિક કોર્ટના આદેશ પર કંગના વિરુદ્ધ મુંબઈના બાંદ્રા પોલીસ સ્ટેશનમાં FIR ફાઈલ થઇ હતી. બંને બહેનો વિરુદ્ધ એક વિશેષ સમુદાય માટે વાંધાજનક શબ્દોનો ઉપયોગ કરવા અને એક વિશેષ સમુદાય સાથે જોડાયેલા લોકોને ભડકાવવાનો આરોપ છે.

કંગના પર યાચિકા કરનારાના આ આરોપ
કાસ્ટિંગ ડિરેક્ટર અને ફિટનેસ ટ્રેનર સાહિલ અશરફ અલી સૈયદની યાચિકા પર સુનાવણી કરતા બાંદ્રા કોર્ટે એક્ટ્રેસ વિરુદ્ધ FIR ફાઈલ કરવાનો આદેશ આપ્યો હતો. સાહિલ અશરફ અલી સૈયદે તેની યાચિકામાં લખ્યું છે કે, 'કંગના રનૌત છેલ્લા ઘણા મહિનાથી સતત બોલિવૂડને નેપોટિઝ્મ અને ફેવરેટિઝ્મનું હબ કહીને તેનું અપમાન કરી રહી છે. તેના ઓફિશિયલ ટ્વિટર હેન્ડલથી ટ્વીટ કરી અને ટીવી ઇન્ટરવ્યૂ મારફતે તે હિન્દૂ અને મુસ્લિમ આર્ટિસ્ટ વચ્ચે ભાગલા પડાવી રહી છે.

તેમણે ઘણા જ વાંધાજનક ટ્વીટ કર્યા છે, જે માત્ર ધાર્મિક ભાવનાઓ જ નહીં પણ ઇન્ડસ્ટ્રીના ઘણા કલીગ્સની ભાવનાઓને પણ ઠેસ પહોંચાડે છે.' સાહિલે કોર્ટ સામે પુરાવા તરીકે કંગનાના ઘણા ટ્વીટ રાખ્યા.

આ ધારાઓ હેઠળ કેસ ફાઈલ થયો છે
બાંદ્રા મેટ્રોપોલિટનના મેજિસ્ટ્રેટ જયદેવ વાય ઘુલેએ કંગના વિરુદ્ધ CRPCની ધારા 156(3) હેઠળ FIR ફાઈલ કરવાના આદેશ આપ્યા હતા. તેના પર એક્શન લેતા પોલીસે કંગના અને તેની બહેન વિરુદ્ધ આ ધારાઓ હેઠળ કેસ ફાઈલ કર્યો છે.

ધારા 153 A: IPCની ધારા 153 (A) તે લોકો પર લગાવવામાં આવે છે જે ધર્મ, ભાષા, જાતી વગેરેને આધારે લોકોમાં નફરત ફેલાવવા પ્રયત્ન કરે છે. આમાં 3 વર્ષ સુધીની જેલ અથવા દંડ અથવા બંને થઇ શકે છે.
ધારા 295 A: આ ધારા હેઠળ એવા કાર્યને ગુનો માનવામાં આવે છે જ્યાં આરોપી વ્યક્તિ, ભારતના નાગરિકોના કોઈ વર્ગની ધાર્મિક ભાવનાઓને હાનિ પહોંચાડવાના ખરાબ આશયથી તે વર્ગ કે ધર્મ કે ધાર્મિક વિશ્વાસનું અપમાન કરે છે અથવા આવું કરવાનો પ્રયાસ કરે છે.
ધારા 124 A:જો કોઈપણ વ્યક્તિ ભારતની સરકારના વિરોધમાં સાર્વજનિક રૂપમાં એવું કઈ કરે જેનાથી દેશ સામે સુરક્ષાનો સંકટ પેદા થઇ શકે છે તો તેને ઉંમરકેદની સજા થઇ શકે છે. આ કાર્યના સમર્થન કરવા કે પ્રચાર- પ્રસાર કરવા પર પણ કોઈને દેશદ્રોહનો આરોપી માની લેવામાં આવે છે.
ધારા 34: આ ધારા મુજબ જ્યારે એક અપરાધિક કામ બધા વ્યકતિએ સામાન્ય હેતુથી કર્યું હોય, તો દરેક વ્યક્તિ આવા કાર્ય માટે જવાબદાર છે જેમ કે ગુનો તેણે એકલા એ જ કર્યો છે.

Download Dainik Bhaskar App to read Latest Hindi News Today


બે ધર્મો વચ્ચે દ્વેષ પેદા કરવાના આરોપમાં કંગના વિરુદ્ધ મુંબઈના બાંદ્રા પોલીસ સ્ટેશનમાં FIR ફાઈલ થઇ હતી. – ફાઈલ ફોટો

Source

‘બિગ બોસ’માંથી બહાર આવતાંની સાથે કુમાર સાનુ પર તેનો દીકરો સાનુ ભડક્યો, કહ્યું,‘મારા ઉછેર વિશે તો તે કંઈ બોલે જ નહીં એમાં જ એમની ભલાઈ છે’

www.divyabhaskar.co.in |

કુમાર સાનુનો દીકરો જાન સાનુ ‘બિગ બોસ 14’ના ઘરમાંથી બહાર નીકળી ગયો છે. શૉમાંથી બહાર આવતાંની સાથે તેણે પિતા કુમાર સાનુ પર પોતાનો રોષ ઠાલવ્યો છે. જાન સાનુએ કહ્યું કે, એક પિતા દ્વારા તેના ઉછેર પર પ્રશ્નો કરવા એ અફસોસજનક છે. થોડા દિવસ પહેલાં કુમાર સાનુએ કહ્યું હતું કે, તેની પત્ની રીતાએ દીકરાનો ઉછેર સારી રીતે કર્યો નથી.

દિવ્ય ભાસ્કર સાથેની ખાસ વાતચીતમાં જાને કહ્યું કે, ‘કોઈને પણ મારા ઉછેર પર પ્રશ્નો કરવાનો હક નથી. પરંતુ મને દુઃખ છે કે મારા પિતા જ આવું કરી રહ્યા છે. મને ખબર છે કે મારાથી અજાણતામાં ભૂલ થઇ હતી. મેં જાણી જોઈને મરાઠી ભાષા વિરુદ્ધ કંઈ કહ્યું નહોતું. જો મારાથી ભૂલ પણ થઈ ગઈ હોય તો મારી વિરુદ્ધ વીડિયો બનાવીને સોશિયલ મીડિયા પર મૂકવાનો કોઈ હક નથી.

કોઈ પિતા તેના બાળક વિરુદ્ધ ના બોલે અને એ પણ સોશિયલ મીડિયા પર. મને તેમના આ કામથી દુઃખ થયું છે. પરંતુ હકીકત એ પણ છે કે તેઓ મારા પિતા છે. તે ભલે ગમે તે કરે કે બોલે હું તેમની વિરુદ્ધ ન જઈ શકું. અને આ જ મારા સંસ્કાર છે.

સાચું કહું તો મારા પિતાએ ક્યારેય મારી જવાબદારી ઉપાડી નથી. મારા ઉછેર વિશે એ કંઈ બોલે નહિ તે જ સારું રહેશે. હું તેમને કોઈ પણ જવાબ આપવા માગતો નથી. એક બાજુ તેમણે મારા ઉછેર વિરુદ્ધનો વીડિયો પોસ્ટ કર્યો અને બીજી તરફ મારા કામનાં વખાણ પણ કર્યાં. કદાચ તેમને મારા માટે મિક્સ્ડ ફીલિંગ છે. હું આ વિશે તેમની પાસે ચોક્કસ વાત કરીશ.’

શો દરમિયાન મરાઠી ભાષાના અપમાનને લઈને તે ચર્ચામાં આવ્યો હતો, પણ જાનનું કહેવું છે કે, લોકોએ તેની વાતને ખોટી રીતે લીધી. શૉના કોન્સેપ્ટ પ્રમાણે તમે માત્ર હિન્દી બોલી શકો છો અને હું તેના પર જ ફોકસ કરી રહ્યો હતો.

‘મારો ઉછેર મુંબઈમાં થયો છે અને મને મરાઠી ભાષા સાથે કોઈ પ્રોબ્લેમ નથી. લોકોની ભાવનાને ઠેસ પહોંચાડવાનો મારો ઉદ્દેશ નથી. મેં મરાઠી ભાષામાં ઘણાં ગીત ગાયાં છે. લોકોએ મારી વાતને ખોટી રીતે સમજી. મને મહારાષ્ટ્ર અને મરાઠી ભાષા એ બંને પ્રત્યે પ્રેમ છે અને હું ક્યારેય આ શહેર વિરુદ્ધ નહિ બોલું.’

બિગ બોસમાં પોતાના અનુભવ વિશે જાન સાનુએ કહ્યું કે, ‘મને વિશ્વાસ નહોતો કે આટલા દિવસ મને શોમાં રહેવાનો મોકો મળશે. શોમાં રહીને મને ખબર પડી કે દુનિયામાં કેટલી પર્સનાલિટીઝના લોકો રહે છે. ઘરમાં ઘણા લોકો છે, જે એકદમ ફેક છે.

એઝાઝ ખાન, કવિતા કૌશિક, જેસ્મિન ભસીન, અલી ગોની, રૂબીના…આ બધા લોકો ફેક છે. એ બધા એક સ્ટ્રેટજી સાથે રમે છે. તો પણ હું ઈચ્છું છું કે એઝાઝભાઈ જીતે. તે કોઈ પણ પ્રકારની સ્થિતિ બેલેન્સ કરે છે. તે વખાણલાયક છે.’

‘નિક્કી મારી મિત્ર નથી’
શોમાં નિક્કી તંબોલી સાથે સંબંધને લઈને જાન ચર્ચાનું કેન્દ્ર બની ગયો હતો, પરંતુ જાનના કહેવા પ્રમાણે લોકોએ આ વાતને પણ ખોટા એન્ગલથી જોઈ. જાને કહ્યું કે, ‘નિક્કી મારી સારી મિત્ર હતી, પરંતુ જ્યારે તેણે મારી સાથે એક ખરાબ પબ્લિસિટી સ્ટંટ કર્યો ત્યારે મને ખોટું લાગ્યું હતું.

હું તેની સાથે ફ્રેન્ડ્લી હતો, પરંતુ સ્ક્રીન પર ખોટી રીતે દેખાડ્યું. કદાચ એટલે કે ઓડિયન્સ અમારી કેમેસ્ટ્રી એન્જોય કરી રહી હતી. લોકોને લાગ્યું કે નિક્કી મારા પર પ્રભાવ પાડી રહી છે, પણ આ ખોટું છે. હું ક્યારેય તેને એક મિત્ર તરીકે નહિ જોઉં.’

Download Dainik Bhaskar App to read Latest Hindi News Today


Kumar Sanu’s Son Jaan Kumar Sanu Rages On His Father, Says He Has No Right To Question My Upbringing

Source

ભારતી સિંહ અને તેના પતિ સામે ડ઼્રગ્સ લેવા મામલે કેસ થયો

gujarati.oneindia.com |
નવી દિલ્હીઃ કોમેડિયન ભારતી સિંહ અને તેના પતિની મુશ્કેલીઓ ઘટતી જોવા નથી મળી રહી. એનસીબીની ટીમે શનિવારે ભારતી સિંહ અને તેના પતિ હર્ષ લિંબાચિયાની ડ્રગ્સ લેવા મામલે પુછપરછ માટે સમન મોકલ્યું હતું, પરંતુ પુછપરછ બાદ એનસીબીએ બંનેની ધરપકડ કરી લીધી. ભારતી

Source

કોમેડિયન ભારતી સિંહ અને તેના પતિ હર્ષની ધરપકડ, NCBએ બંનેની 4.30 કલાક પૂછપરછ કરી

www.divyabhaskar.co.in |

નાર્કોટિક્સ કંટ્રોલ બ્યુરો, એટલે કે NCBએ જાણીતી કોમેડિયન ભારતી સિંહની ડ્રગ્સ રાખવા અને તેનું સેવન કરવાના આરોપસર ધરપકડ કરી છે. તેના પતિ હર્ષ લિંબાચિયાની પૂછપરછ ચાલુ છે. NCB સાથેની પૂછપરછમાં ભારતી સિંહે તેના પતિ હર્ષ સાથે ગાંજાનું સેવન કરવાની વાત કબૂલી હતી. શનિવારે રાત્રે ભારતીને NCBની ઑફિસમાં જ રાખવામાં આવશે. આવતીકાલે રવિવારે ભારતીને કોર્ટમાં રજૂ કરાય તેવી શક્યતા છે.

શનિવારે સવારે આ દંપતીનાં મુંબઈસ્થિત ઘરે દરોડા પાડ્યા હતા. મળેલી માહિતી પ્રમાણે ભારતી અને હર્ષ લિંબાચિયાના ઘર અને ઑફિસેથી 86.5 ગ્રામ ગાંજો મળી આવ્યો હતો. આથી NCBએ વધુ પૂછપરછ માટે બંનેની અટકાયત કરી હતી. ન્યૂઝ એજન્સી ANIના સમાચાર પ્રમાણે, NCBએ શનિવારે સવારે અંધેરી, લોખંડવાલા અને વર્સોવાનાં ત્રણ અલગ અલગ સ્થળોએ દરોડા પાડ્યા હતા. એક ડ્રગ પેડલર સાથેની પૂછપરછ દરમિયાન આ બંનેનાં નામ સામે આવ્યાં હતાં. ત્યાર બાદ અંધેરી, લોખંડવાલા અને વર્સોવાસ્થિત ઘરમાં રેડ પાડવામાં આવી હતી. NCBના ઝોનલ ડિરેક્ટર સમીર વાનખેડેએ જણાવ્યું કે, હર્ષ અને ભારતીને અમે કસ્ટડીમાં પૂછપરછ માટે લીધાં છે. બંનેને ઝોનલ ઓફિસમાં આવીને સ્પષ્ટતા કરવાની ફરજ પડી હતી.

પૂછપરછ માટે ભારતી સિંહ NCBની ઑફિસે પહોંચી હતી
ભારતીની સાથોસાથ તેના પતિ હર્ષ લિંબાચિયાને પણ NCBની ઑફિસે લાવવામાં આવ્યો હતી

ઉલ્લેખનીય છે કે સુશાંત સિંહ રાજપૂતના અપમૃત્યુ પછી બહાર આવેલા બોલિવૂડ અને ગ્લેમર ઇન્ડસ્ટ્રીમાં છાનેખૂણે ચાલતા ડ્રગ્સના સેવનના અંકોડા મેળવવા માટે NCB સતત સેલિબ્રિટીઓનાં ઘરે દરોડા પાડી રહી છે. દિવાળી પહેલાં જ એક્ટર અર્જુન રામપાલને પણ પૂછપરછ માટે બોલાવવામાં આવ્યો હતો.

કોણ છે ભારતી સિંહ?
ભારતી સિંહ સ્ટેન્ડઅપ કોમેડિયન અને એક્ટ્રેસ છે. અત્યારે તે 'ધ કપિલ શર્મા શૉ'માં દેખાય છે. તેણે પોતાના કરિયરની શરૂઆત ગ્રેટ ઇન્ડિયન લાફ્ટર ચેલેન્જથી કરી હતી. એ પછી એણે ઘણા શૉઝ કર્યા જેમાં 'કોમેડી સર્કસ', 'ઝલક દિખલા જા', 'નચ બલિયે' વગેરેનો સમાવેશ થાય છે. ભારતી સિંહે 3 ડિસેમ્બર, 2017ના રોજ ટેલિવિઝન રાઇટર હર્ષ લિંબાચિયા સાથે લગ્ન કર્યાં હતાં અને આ દંપતી અત્યારે સોની ટીવી પર 'ઇન્ડિયાઝ બેસ્ટ ડાન્સર' નામનો શૉ હોસ્ટ કરી રહ્યું છે.

Download Dainik Bhaskar App to read Latest Hindi News Today


NCB raid on comedian Bharti Singh’s Mumbai home, raids in Andheri, Versova and Lokhandwala in Mumbai

Source

Pics: અનુષાએ ન્યૂડ ફોટોશૂટથી મચાવી સનસની, જુઓ તેનો બોલ્ડ અવતાર

gujarati.oneindia.com |
મુંબઈઃ વીજે અનુષા દાંડેકર એક વાર ફરીથી સમાચારોમાં છવાયેલી છે. આ વખતે અનુષા દાંડકર પોતાના ન્યૂજ ફોટોશૂટ માટે લાઈમલાઈટમાં આવી છે. અનુષા દાંડેકરે આ ફોટો પોતાના સોશિયલ મીડિયા અકાઉન્ટ ઈન્સ્ટાગ્રામમાં શેર કર્યો છે. અનુષા દાંડેકર આમ તો ઘણી વાર સોશિયલ મીડિયા

Source

વિવાહિત હોવા છતાં બોની શ્રીદેવીને દિલ દઈ બેઠા હતા, પહેલી પત્નીને કહ્યું હતું- હું તેના વગર નહીં રહી શકું અને બીજા લગ્ન કરી લીધા

www.divyabhaskar.co.in |

બોલિવૂડના જાણીતા પ્રોડ્યુસર બોની કપૂર 11 નવેમ્બરે રોજ 65 વર્ષના થયા છે. તેની પર્સનલ લાઈફની સ્ટોરી ઘણી રસપ્રદ છે. શ્રીદેવી સાથેના લગ્ન પણ ઘણા ચર્ચિત હતા, તેમની લવલાઈફ જર્ની ઘણા ટફ રોડ પરથી પસાર થઇ હતી.

વાત એમ છે કે શરૂઆતમાં તો આ વનસાઈડ લવ જ હતો. ભલે તેની શરૂઆત ફિલ્મ 'મિસ્ટર ઇન્ડિયા'થી થઇ છે, પણ બોની, શ્રીદેવીના પ્રેમમાં ત્યારે જ પડી ગયા હતા, જ્યારે તે 1980ના દશકમાં તમિળ ફિલ્મ કરતા હતા.

શ્રીદેવીની નજીક જવા માટે ઘણો પરસેવો પાડ્યો
બોની તેને મળવા ચેન્નઈ પણ ગયા, પરંતુ શ્રીદેવી સિંગાપોર હોવાને કારણે તેને મળી ન શક્યા. પછી તેની ડેબ્યુ ફિલ્મ 'સોલહવાં સાલ' રિલીઝ થઇ અને તેને જોઈને બોની એટલા પ્રભાવિત થઇ ગયા કે તેમણે નક્કી કરી લીધું કે તે પ્રોડ્યુસર તરીકે શ્રીદેવી સાથે ફિલ્મમાં કામ કરશે. એક દિવસ તે ફિલ્મ સેટ પર તેમને મળવા પહોંચી ગયા, પણ શ્રીદેવીએ જણાવ્યું કે તેનું કામ તેમની માતા જુએ છે.

જ્યારે તે તેના થનારા સાસુને મળ્યા તો તેમણે કહ્યું કે શ્રીદેવી 'મિસ્ટર ઇન્ડિયા'માં કામ કરી શકે છે, પણ તેની ફી 10 લાખ રૂપિયા હશે. બોની કપૂરે જવાબ આપ્યો કે 11 લાખ આપશે. શ્રીદેવીની માતા ખુશ થઇ ગઈ અને આ રીતે બોની કપૂરને તેના પ્રેમની નજીક જવાનો અવસર મળી ગયો.

તેમણે શ્રીદેવી માટે ખાસ વ્યવસ્થા કરી હતી, પરંતુ હજુ પણ બોનીની મંઝિલ દૂર હતી. આ બાજુ, શ્રીદેવી મિથુન ચક્રવર્તીના પ્રેમમાં હતી અને બીજી તરફ બોનીએ મોના કપૂર સાથે અરેન્જ મેરેજ કરી લીધા હતા. ત્યારબાદ મિથુન અને શ્રીદેવી અલગ થઇ ગયા અને બોનીએ ફરીવાર શ્રીદેવીની નજીક જવાનું શરૂ કરી દીધું. તે ફરી એકવાર તેમને મળવા સ્વિત્ઝર્લેન્ડ પણ પહોંચી ગયા હતા.

માતાની બીમારી બાદ અંતર ઘટ્યું
સ્ટોરીમાં ટર્નિંગ પોઇન્ટ ત્યારે આવ્યો જ્યારે શ્રીદેવીની માતા ઘણી બીમાર પડી અને તેમની સારવાર અમેરિકામાં ચાલી રહી હતી. આ દરમ્યાન બોની કપૂર શ્રીદેવીનો મેન્ટલી, ઇમોશલી અને ફાયનાન્શ્યલી સપોર્ટ બન્યા. તેમની માતાના સારવારના બિલ પણ બોનીએ ચૂકવ્યા હતા. શ્રીદેવી તેમના આ સમર્પણથી ઘણા પ્રભાવિત થયા અને તેમણે બોનીના લવ પ્રપોઝલને 'હા' પાડી દીધી.

બોની અને મોનાના રિલેશન નબળા પડી ગયા. બોનીએ મોનાને ચોખ્ખુ કહી દીધું કે તે શ્રીદેવી વગર નહીં રહી શકે. ત્યારબાદ મોના સાથે તેમના સંબંધ તૂટી ગયા. 1996માં બોની અને શ્રીદેવીએ લગ્ન કરી લીધા.

તેમને બે દીકરી છે જેનું નામ જાહ્નવી અને ખુશી કપૂર છે. 2018માં શ્રીદેવીનું અકાળે મૃત્યુ થતા બોની ભાંગી પડ્યા. તેઓ આજે પણ ઘણા સાર્વજનિક અવસરે શ્રીદેવીને યાદ કરીને ભાવુક થઇ જાય છે.

Download Dainik Bhaskar App to read Latest Hindi News Today


When Boney Kapoor Confessed To His Ex wife That He Was In Love With Sridevi

Source

બોની કપૂરની ફિલ્મને રિલીઝમાં એટલી વાર લાગી કે તેની એક્ટ્રેસ જેનેલિયા બે બાળકોની માતા બની ગઈ, એક્ટર રિટાયર થઇ ગયો

www.divyabhaskar.co.in |

13 વર્ષ રાહ જોયા બાદ ફિલ્મ 'ઇટ્સ માય લાઈફ'ને રિલીઝ ડેટ મળી ગઈ છે. આ ફિલ્મ 29 નવેમ્બરે સીધી ટીવી ચેનલ ઝી સિનેમા પર રિલીઝ થશે. આ 13 વર્ષમાં ફિલ્મના લીડ એક્ટર્સની લાઈફ ઘણી આગળ વધી ગઈ છે. જેનેલિયા ડિસુઝા લગ્ન કરીને બે બાળકોની માતા બની ગઈ છે અને એક્ટર હરમન બાવેજા એક્ટિંગમાંથી લગભગ રિટાયરમેન્ટ લઇ ચૂક્યા છે. ફિલ્મમાં હરમનના પિતાનો રોલ પ્લે કરનારા નાના પાટેકર પણ #MeToo કેમ્પેનમાં નામ આવ્યા બાદ એક્ટિંગથી દૂર છે.

2007માં ફિલ્મ શૂટ થઇ ગઈ હતી
અનીસ બાઝમીના ડિરેક્શનમાં બનેલી આ ફિલ્મ તેલુગુ ફિલ્મ 'બોમ્મારિલ્લુ'ની હિન્દી રીમેક છે જેને બોની કપૂરે પ્રોડ્યસ કરી છે. આ ફિલ્મનું શૂટિંગ 2007માં થઇ ગયું હતું પણ અજાણ્યા કારણસર આ રિલીઝ ન થઇ શકી. ફિલ્મમમાં હરમન, જેનેલિયા અને નાના પાટેકર સિવાય કોમેડિયન કપિલ શર્માનો પણ નાનો રોલ છે.

આ ફિલ્મો પણ રિલીઝની રાહ જોઈ રહી છે

1. શૂબાઈટ

શૂજિત સરકારના આ ફિલ્મનું ટાઇટલ પહેલાં 'જોની વોકર' હતું. આ ફિલ્મ હોલિવૂડ ફિલ્મમેકર એમ નાઈટ શ્યામલનની સ્ટોરી 'લેબર ઓફ લવ બાય ધ સિક્સ્થ સેન્સ' પર આધારિત છે. આ ફિલ્મનું શૂટિંગ 2012-13માં થઇ ગયું હતું. પરંતુ સ્ટુડિયોઝ પરસેપ્ટ પિક્ચર્સ અને UTV વચ્ચેની કાયદાકીય આંટીઘૂંટીને કારણે આ ફિલ્મ રિલીઝ ન થઇ શકી. ફિલ્મમાં સારિકા, જિમી શેરગિલ અને દિયા મિર્ઝા પણ લીડ રોલમાં છે.

2. બંદા યે બિન્દાસ હૈ

ગોવિંદા અને તબુ સ્ટારર આ ફિલ્મ હોલિવૂડ ફિલ્મ 'માય કઝીન વિન્ની'ની રીમેક છે. પરંતુ ઓરિજિનલ ફિલ્મના પ્રોડ્યુસર 20th સેન્ચ્યુરી ફોક્સને પ્રોજેક્ટની જાણ થઇ અને તેણે આ ફિલ્મને કોર્ટમાં પડકારી. ખબર અનુસાર તો કોર્ટ બહાર સેટલમેન્ટ થઇ ગયું હતું પણ ડિરેક્ટર રવિ ચોપડાના નિધન બાદ ફિલ્મ અટકી ગઈ.

3. કોચી કોચી હોતા હૈ

હિટ ફિલ્મ 'દોસ્તના' (2008) બાદ ડિરેક્ટર તરુણ મનસુખાનીએ કરણ જોહરની 'કુછ કુછ હોતા હૈ'નું એનિમેટેડ વર્ઝન બનાવ્યું છે જેમાં પ્રાણીઓ ઉપર શાહરુખ ખાન, કાજોલ અને રાની મુખર્જીની ઓરિજિનલ અવાજ ફીચર થયો હતો. ટ્રેલર પણ રિલીઝ થઇ ગયું હતું પરંતુ ફિલ્મ ક્યારેય થીયેટર્સ સુધી પહોંચી જ ન શકી.

4. લેડીઝ ઓન્લી
હોલિવૂડ ફિલ્મ '9 ટુ 5'ની તમિળ રીમેક 'મગરીલ મત્તુમ'ની હિન્દી રીમેકમાં રણધીર કપૂર, સીમા વિશ્વાસ, શિલ્પા શિરોડકર અને હીરા રાજગોપાલ લીડ રોલમાં હતા. ફિલ્મમાં કમલ હાસને ડેડબોડીનો રોલ પ્લે કર્યો હતો. 90ના દશકમાં ફિલ્મનું શૂટિંગ થઇ ગયું હતું પરંતુ તેને ક્યારેય ડિસ્ટ્રિબ્યુટર્સ ન મળ્યા. ખાસ વાત એ છે કે આ જ સબ્જેક્ટ પર બનેલી બીજી ફિલ્મ 'હેલો ડાર્લિંગ' 2010માં રિલીઝ થઇ ચૂકી હતી.

5. લિબાસ

ગુલઝારે આ ફિલ્મ 1988માં બનાવી હતી. નસીરુદ્દીન શાહ, શબાના આઝમી અને રાજ બબ્બર સ્ટારર આ ફિલ્મ ઇન્ટરનેશનલ સર્કિટમાં રિલીઝ થઇ પરંતુ ભારતમાં તેને માત્ર બે પબ્લિક સ્ક્રીનિંગ (1992 અને 2014) મળી શકી. બોલ્ડ કન્ટેન્ટને કારણે તેને સંપૂર્ણ રીતે ક્યારેય રિલીઝ કરવામાં ન આવી.

6. નામ

અજય દેવગણ, ભૂમિકા ચાવલા અને સમીરા રેડ્ડી સ્ટારર આ ફિલ્મને અનીસ બાઝમીએ ડિરેક્ટ કરી હતી. પહેલાં તેનું નામ 'બેનામ' રાખવામાં આવ્યું હતું. ફિલ્મને ક્યારેય રિલીઝ ડેટ ન મળી શકી.

7. તડકા
મલયાલમ ફિલ્મ 'સોલ્ટ એન્ડ પેપર'ની આ હિન્દી રીમેકને પ્રકાશ રાજે ડિરેક્ટ કરી હતી. નાના પાટેકર અને તાપસી પન્નુ આમાં લીડ રોલમાં હતા. જોકે આ ક્યારેય મોટા પડદે આવી ન શકી.

8. ડેથ ઓફ અમર
રાજીવ ખંડેલવાલ અને ઝરીન ખાન સ્ટારર આ ફિલ્મને રેમો ડિસુઝાએ પ્રોડ્યુસ કરી હતી. ફિલ્મ 16 ઓગસ્ટ 2014ના રોજ 22મા સાન ફ્રાન્સિસ્કો મૂવી ફેસ્ટિવલમાં દેખાડવામાં આવી હતી. તેને ત્યાં ઓડિયન્સ ચોઈસ અવોર્ડ પણ મળ્યો હતો. તેમ છતાં આ ઇન્ડિયામાં રિલીઝ ન થઇ શકી.

9. અનવર કા અજબ કિસ્સા
નવાઝુદ્દીન સિદ્દીકી, નિહારિકા સિંહ (નવાઝની એક્સ ગર્લફ્રેન્ડ), અનન્યા ચટર્જી અને પંકજ ત્રિપાઠી સ્ટારર આ ફિલ્મનું વર્લ્ડ પ્રીમિયર BFI લંડન ફિલ્મ ફેસ્ટિવલ 2013માં થયું હતું. સારા રિવ્યૂ હોવા છતાં ફિલ્મની ઇન્ડિયન રિલીઝ અટકી ગઈ હતી.

10. પેડલર્સ
ડિરેક્ટ વસન બાલાની આ ફિલ્મને ઓસ્કર વિજેતા ગુનીત મોંગાએ પ્રોડ્યુસ કરી છે. ફિલ્મની સ્ટોરી મુંબઈના યુવાનોની છે, જે ડ્રગ્સના બિઝનેસમાં ફસાય જાય છે. ગુલશન દેવૈયા, નિશિકાંત કામત, કીર્તિ મલ્હોત્રા, નિમ્રત કૌર અને સિદ્ધાર્થ મેનન આમાં મહત્ત્વના રોલમાં હતા. 2012માં કાન ફિલ્મ ફેસ્ટિવલમાં તેનું સ્ક્રીનિંગ યોજાયું હતું પરંતુ આજ સુધી મોટા પડદે રિલીઝ નથી થઇ.

11. હર પલ

પ્રિટી ઝિન્ટા અને શાઈની આહુજા સ્ટારર આ લવ સ્ટોરીને 'મૈંને ગાંધી કો નહીં મારા' ફેમ ડિરેક્ટર જહનુ બરુઆએ ડિરેક્ટ કરી હતી. રિપોર્ટ્સ અનુસાર તો શાઈની પર રેપના આરોપ લાગ્યા બાદ ફિલ્મ અટકી ગઈ.

12. કિલ ધ રેપિસ્ટ
સંજય ચહલના ડિરેક્શનમાં બનેલી આ ફિલ્મમાં અંજલિ પાટીલ લીડ રોલમાં હતા. મીટૂ મૂવમેન્ટ દરમ્યાન ફિલ્મનું ટ્રેલર પણ રિલીઝ થયું હતું. પરંતુ ત્યારબાદથી ફિલ્મને લઈને કોઈ સમાચાર નથી.

Download Dainik Bhaskar App to read Latest Hindi News Today


It’s My Life Gets Release Date After 13 Years, These 12 Movies Also Deserve A TV Or OTT Release

Source

કોણ છે મિર્ઝાપુર 2ની શબનમ? શું છે તેની રિયલ લાઈફની કહાની?

gujarati.oneindia.com |
નવી દિલ્લીઃ 24 ઓક્ટોબરે એમેઝોન પ્રાઈમ પર રિલીઝ થયેલ વેબ સીરિઝ મિર્ઝાપુર-2માં ગુડ્ડુ પંડિત(અલી ફઝલ) પોતાના ભાઈ બબલુ પંડિત(વિક્રાંત મેસી) અને ગર્ભવતી પત્ની સ્વીટી ગુપ્તા(શ્રિયા પિલગાંવકર)ની મોતનો બદલો લેવા માટે પાછા આવ્યા છે. પરંતુ, મિર્ઝાપુર-2ની કહાની માત્ર ગુડ્ડુ પંડિત અને ત્રિપાઠી

Source

સલમાન ખાન સ્પર્ધક રાહુલના વિવાદિત નિવેદનથી રોષે ભરાયો, કહ્યું- 'તારો દીકરો પણ સિંગિંગ પ્રોફેશનમાં આવશે તો તેને નેપોટિઝમ કહીશ?'

www.divyabhaskar.co.in |

'બિગ બોસ 14'ના આ અઠવાડિયે નોમિનેશન સ્પેશિયલ એપિસોડ હતો. રાહુલ વૈદ્યે જાન કુમાર સાનુને એમ કહીને નોમિનેટ કર્યો કે તે નેપોટિઝમની પ્રોડક્ટ છે. તે કુમાર સાનુનો દીકરો હોવાથી શોમાં તેને તક આપવામાં આવી છે. જોકે, રાહુલની આ વાત અન્ય સ્પર્ધકોને ગમી નહોતી અને બધાએ વિરોધ કર્યો હતો.

રાહુલ વૈદ્યના આ નિવેદન પર જાન કુમારે સ્પષ્ટ રીતે કહ્યું હતું કે તેના પેરેન્ટ્સ નાનપણમાં જ અલગ થઈ ગયા હતા અને તેની માતાએ તેનો ઉછેર કર્યો છે. આથી નેપોટિઝ્મનો કોઈ સવાલ જ નથી. 'વીકેન્ડ કા વાર'માં હોસ્ટ સલમાન ખાને આ નિવેદન પર સવાલ કર્યો હતો અને તેને ખોટું ગણાવ્યું હતું. વાતચીતમાં સલમાને રાહુલને સ્પષ્ટ રીતે કહ્યું હતું કે આ પ્રકારના શબ્દોનો ઉપયોગ ઘરમાં થવો જોઈએ નહીં.

વધુમાં સલમાને કહ્યું હતું કે જોઈ કોઈ માતા-પિતા પોતાના બાળક માટે કંઈક કરે છે તો તેને નેપોટિઝ્મ કહી શકાય નહીં. જો નેપિટોઝમને કારણે જાન ગાયક બની ગયો હોત તો તે રાહુલ કરતાં વધુ સફળ હોત. ભવિષ્યમાં રાહુલનો દીકરો સિંગિંગ પ્રોફેશનમાં આવે છે તો તું તેને પણ નેપોટિઝ્મ જ કહેશો?

સલમાન ખાને રાહુલના નિવેદનને અયોગ ગણાવ્યું હતું. સલમાને જાસ્મિન ભસીનને પણ વુમન કાર્ડ ના રમે તેમ કહ્યું હતું. રૂબીનાએ રાહુલ તથા જાસ્મિનની લડાઈમાં જાસ્મિનને સમજાવવાને બદલે ઉશ્કેરી હતી અને તેથી જ સલમાન ટીવી એક્ટ્રેસ રૂબીના પર ગુસ્સે થયો હતો.

પતિ અભિનવે શ્વેતા પર ગંભીર આરોપ લગાવ્યો- 'કસ્ટડી માટે ડોક્ટર વિરુદ્ધ જઈને 4 વર્ષના બાળકને સ્તનપાન કરાવે છે, નકલી સહી પણ કરી'

Download Dainik Bhaskar App to read Latest Hindi News Today


Salman Khan was outraged by Rahul’s controversial statement, saying, “If your son also enters the singing profession, will call him Nepotism?”

Source

error:
Scroll to Top