ડરગસ

NDPS કોર્ટે ડ્રગ્સ કેસમાં રિયા ચક્રવર્તીના ભાઈ શોવિકના જામીન મંજૂર કર્યા

www.divyabhaskar.co.in |

નાર્કોટિક્સ કંટ્રોલ બ્યુરો (NCB)એ પાંચ સપ્ટેમ્બર, શુક્રવારના રોજ મોડી સાંજે રિયા ચક્રવર્તીના ભાઈ શોવિક ચક્રવર્તી અને સુશાંત સિંહ રાજપૂતના હાઉસ મેનેજર સેમ્યુઅલ મિરાન્ડાની ધરપકડ કરી હતી. પાંચ સપ્ટેમ્બરના રોજ અંદાજે સાડા આઠ કલાકની પૂછપરછ બાદ બંનેની ધરપકડની કાર્યવાહી હાથ ધરવામાં આવી હતી. શોવિકને ત્રણ મહિના બાદ આજે એટલે કે બીજી ડિસેમ્બરના રોજ NDPS કોર્ટે જામીન આપ્યા હતા. નોંધનીય છે કે રિયાને ગયા મહિને જામીન પર છોડવામાં આવી હતી. ઉલ્લેખનીય છે કે આ પહેલાં સેશન્સ કોર્ટે તથા બોમ્બે હાઈકોર્ટે શોવિકના જામીન અરજી નામંજૂર કરી હતી.

પાંચ સપ્ટેમ્બરે રિયાના ઘરે NCBએ દરોડા પાડ્યા હતા
પાંચ સપ્ટેમ્બરના રોજ વહેલી સવારે સાડા છ વાગ્યે નાર્કોટિક્સ કંટ્રોલ બ્યુરોએ રિયા અને સેમ્યુઅલ મિરાન્ડાનાં ઘરે દરોડા પણ પાડ્યા હતા. તેમના ઘરે લગભગ અઢી કલાક સુધી તપાસ કરી હતી. NCBએ આ જ દિવસે ડ્રગ પેડલર કૈઝાન ઈબ્રાહિમની પણ ધરપકડ કરી હતી.

રિયાના ઘરેથી NCBએ આ સામાન જપ્ત કર્યો હતો
NCBએ રિયાના ઘરની પૂરી તપાસ કરી હતી. મોબાઈલ, લેપટોપ, હાર્ડ ડિસ્કની સાથોસાથ રિયા તથા શોવિકની કારમાં પણ શોધખોળ કરી હતી. NCBએ રિયાના ઘરેથી ફોન તથા અન્ય ઈલેક્ટ્રોનિક ઉપકરણો સીઝ કર્યાં હતાં, જેમાં રિયાનો જૂનો ફોન, શોવિકનું લેપટોપ તથા અન્ય ડોક્યુમેન્ટ્સ સામેલ છે. ઉલ્લેખનીય છે કે રિયાના ઘરમાંથી ડ્રગ્સ મળ્યું નથી. સૂત્રોના મતે, તપાસ દરમિયાન રિયાના પરિવારે સહયોગ આપ્યો હતો. શુક્રવારે સવારે સાડા છ વાગ્યે NCBના 8 અધિકારીઓ રિયાના ઘરે ગયા હતા. મુંબઈ પોલીસ પણ રિયાના ઘરમાં હાજર હતી. NCBના ડેપ્યુટી ડિરેક્ટર કે. પી. એસ. મલ્હોત્રા પણ હતા.

Download Dainik Bhaskar App to read Latest Hindi News Today


NDPS court grants bail to Rhea Chakraborty’s brother Shovik in drugs case

Source

ડ્રગ્સ કેસમાં ફસાયેલી ભારતી સિંહને કપિલ શર્માના શોમાંથી હાંકી કાઢવાની ચર્ચા પર કૃષ્ણા અભિષેકે કહ્યું- હું અને કપિલ તેની સાથે છીએ

www.divyabhaskar.co.in |

ડ્રગ્સ કેસમાં ફસાયેલી કોમેડિયન ભારતી સિંહની મુશ્કેલીઓ ઓછી થતી નથી. કહેવાય છે કે ડ્રગ્સ કેસમાં નામ આવ્યા બાદ ભારતીને 'ધ કપિલ શર્મા'માંથી હાંકી કાઢવામાં આવી છે. ચેનલે ભારતીને શોમાંથી બહાર કરવાનો નિર્ણય લીધો છે. આ અંગે જ્યારે શોના અન્ય કલાકાર કૃષ્ણા અભિષેકને પૂછવામાં આવ્યું તો તેણે આ વાતનું ખંડન કર્યું હતું.

'હું ભારતીની સાથે'
કૃષ્ણાએ કહ્યું હતું, 'મેં ચેનલ તરફથી હજી સુધી આવી કોઈ વાત સાંભળી નથી. ચેનલે આ અંગે કોઈ ચર્ચા કરી નથી. જો આવું કંઈ પણ થયું તો હું ભારતીને સપોર્ટ કરીશ. તેણે કામ પર પરત આવવું જોઈએ, જે થવાનું હતું એ થઈ ગયું. હું અને કપિલ શર્મા તેની સાથે ઊભા છીએ. કપિલે એમ પણ કહ્યું હતું કે તેને ભારતીને બહેન કહેવા પર ગર્વ છે અને ભલે ગમે તેવી પરિસ્થિતિ આવે, તે હંમેશાં તેને સાથ આપશે.'

કૃષ્ણાએ એક ઈન્ટરવ્યૂમાં કોમેડિયન રાજુ શ્રીવાસ્તવ પર ગુસ્સો વ્યક્ત કર્યો હતો. રાજુએ ભારતીની ધરપકડ બાદ સોશિયલ મીડિયામાં તેની ઘણી જ ટીકા કરી હતી. કૃષ્ણાએ કહ્યું હતું કે કપિલ શર્માની પૂરી ટીમ રાજુથી ઘણી જ નારાજ છે. તેણે બહુ જ બકવાસ કર્યો હતો. તેણે જે પણ કહ્યું તે શોકિંગ હતું. તેણે બધા સાથે લાઈફટાઈમ રિલેશન ખરાબ કરી નાખ્યા.

કોણ છે ભારતી સિંહ?
ભારતી સિંહ સ્ટેન્ડઅપ કોમેડિયન છે. તે 'ધ કપિલ શર્મા શો'માં જોવા માળે છે. ભારતીએ 2017માં રાઈટર હર્ષ લિમ્બાચિયા સાથે લગ્ન કર્યાં હતાં. ભારતીએ પોતાની કરિયરની શરૂઆત 'ઈન્ડિયન લાફ્ટર ચેલેન્જ' સાથે કરી હતી. ત્યારબાદ તેણે વિવિધ કોમેડી શોમાં કામ કર્યું હતું.

Download Dainik Bhaskar App to read Latest Hindi News Today


the kapil sharma show krushna-abhishek-on-bharti-singh-i-stand-by-bharti-she-has-my-unconditional-support

Source

ભારતી સિંહ અને તેના પતિ સામે ડ઼્રગ્સ લેવા મામલે કેસ થયો

gujarati.oneindia.com |
નવી દિલ્હીઃ કોમેડિયન ભારતી સિંહ અને તેના પતિની મુશ્કેલીઓ ઘટતી જોવા નથી મળી રહી. એનસીબીની ટીમે શનિવારે ભારતી સિંહ અને તેના પતિ હર્ષ લિંબાચિયાની ડ્રગ્સ લેવા મામલે પુછપરછ માટે સમન મોકલ્યું હતું, પરંતુ પુછપરછ બાદ એનસીબીએ બંનેની ધરપકડ કરી લીધી. ભારતી

Source

રિયા ચક્રવર્તીથી ભારતી સિંહઃ ડ્રગ્સ કેસમાં NCBની અડફેટે ચડેલાં સેલેબ્સ

www.divyabhaskar.co.in |

સુશાંતસિંહ રાજપૂતના અપમૃત્યુ પછી તેને 'ન્યાય' અપાવવાના નામે શરૂ થયેલી ઝુંબેશ અનેક ગલીકૂંચીઓ અને રાજકારણના આટાપાટામાંથી પસાર થતી છેવટે ડ્રગ્સના 'રાજમાર્ગ' પર આવી. તપાસનો દોર પણ સ્થાનિક પોલીસથી શરૂ થઈને CBI, ED અને છેવટે NCBના હાથમાં આવ્યો. વિવિધ સેલિબ્રિટીઓ અને તેમના સપોર્ટિંગ સ્ટાફને સાણસામાં લેવાનું કામ પણ સૌથી વધુ NCB એટલે કે નાર્કોટિક્સ કંટ્રોલ બ્યૂરોએ જ કર્યું છે. સુશાંતસિંહ રાજપૂતની નજીકના લોકોની જૂની વ્હોટ્સએપ ચેટ લીક થઈને વાઇરલ થતાં NCBએ તેના પરથી એક્શન લેવાનું શરૂ કર્યું હતું. શનિવારે સવારે NCBએ કોમેડિયન ભારતી સિંહ અને તેના પતિ હર્ષ લિંબાચિયાનાં ઘરે દરોડા પાડ્યા હતા, જેમાં અમુક માત્રામાં ગાંજો મળી આવતાં આ દંપતીને NCBની કચેરીએ પૂછપરછ માટે પણ બોલાવવામાં આવ્યું હતું. પરંતુ ચાર કલાકમાં જ બ્રેકિંગ ન્યૂઝ આવ્યા કે આ ડ્રગ કેસમાં ભારતી સિંહની ધરપકડ કરવામાં આવી છે, જ્યારે આ લખાઈ રહ્યું છે ત્યારે પણ તેના પતિ હર્ષનો NCB પાસેથી છૂટકારો નથી થયો. દિવાળીના થોડા દિવસ પહેલાં બોલિવૂડ સ્ટાર અર્જુન રામપાલ અને તેની ગર્લફ્રેન્ડને પણ NCBએ પૂછપરછ માટે બોલાવ્યાં હતાં. જૂન મહિનામાં સુશાંતના અપમૃત્યુથી શરૂ થયેલા આ દોરમાં અત્યાર સુધીમાં દીપિકા પાદુકોણ, શ્રદ્ધા કપૂર, સારા અલી ખાન સહિતનાં મોટાં નામ NCBની અડફેટે ચડી ગયાં છે અને તેમણે મીડિયાની વીંધી નાખતી નજરોની વચ્ચે NCBની ઑફિસે હાજરી આપવી પડી હતી. અત્યાર સુધીમાં NCBએ ફિલ્મ બિઝનેસ સાથે જોડાયેલા લોકો તથા સંખ્યાબંધ ડ્રગ પેડલર્સની પૂછપરછ કરી છે અને 27થી વધુ ધરપકડ કરી છે. પરંતુ સૌથી વધુ ધ્યાન કાયદાની સામે વામણા થઈ પડેલા સેલેબ્સે જ ખેંચ્યું હતું.

અત્યાર સુધીમાં કયાં કયાં સેલેબ્સ NCBની અડફેટે ચડી ગયાં છે તેની સંપૂર્ણ યાદી આ રહીઃ

રિયા ચક્રવર્તી અને શોવિક ચક્રવર્તી

અભિનેત્રી રિયા ચક્રવર્તી સુશાંતસિંહ રાજપૂત સાથે લિવ ઈન રિલેશનશિપમાં હતી. રિયાના ભાઈ સાથે પણ સુશાંતને સારા સંબંધો હતા અને તેમણે સાથે મળીને બિઝનેસની પણ શરૂઆત કરી હતી. સુશાંત સાથે કનેક્શન ધરાવતી રિયા અને શોવિકની વ્હોટ્સએપ ચેટ લીક થયા બાદ NCB સક્રિય થયું હતું. NCBએ પહેલાં રિયા અને શોવિકને પૂછપરછ માટે બોલાવ્યા બાદ બંનેની 'નેશનલ ડ્રગ્સ એન્ડ સાઇકોટ્રોપિક સબસ્ટન્સિસ એક્ટ' હેઠળ ડ્રગ્સના કથિત સેવન તથા પોતાની પાસે રાખવા બદલ ધરપકડ કરી હતી. જોકે પાછળથી રિયાને જામીન મળી ગયાં, પરંતુ તેનો ભાઈ શોવિક હજુ પણ જેલના સળિયા પાછળ છે. પોતાનાં નિવેદનોમાં રિયાએ સ્વીકાર્યું હતું કે સુશાંત ડ્રગ્સ લેતો હતો.

દીપિકા પાદુકોણ અને તેની મેનેજર કરિશ્મા પ્રકાશ

રિયા ચક્રવર્તીની ધરપકડ બાદ એકદમ ગરમ થઈ ગયેલા માહોલમાં NCBએ સુપરસ્ટાર દીપિકા પાદુકોણ અને તેની મેનેજર કરિશ્મા પ્રકાશને પણ તેડું મોકલ્યું હતું. દરઅસલ, દીપિકા અને કરિશ્માની 2017ના વર્ષની એક જૂની વ્હોટ્સએપ ચેટ લીક થઈ હતી, જેમાં તે બંને 'માલ' વિશે વાત કરી રહ્યાં હતાં. NCBએ સમન્સ મોકલ્યું તે વખતે દીપિકા ગોવામાં શૂટિંગ કરી રહી હતી. ત્યાંથી પરત આવીને તેણે NCBની ઑફિસમાં હાજરી આપી હતી. જોકે પાછળથી NCBએ સ્ટેટમેન્ટમાં જણાવ્યું કે દીપિકા અને તેની મેનેજર કરિશ્માએ માલ, વીડ, હેશ, ડૂબ જેવા શબ્દોનો ઉપયોગ માત્ર કોડનેમ તરીકે કર્યો હતો. કરિશ્મા પ્રકાશ ટેલેન્ટ મેનેજમેન્ટ કંપની KWAN માટે કામ કરતી હતી.

આ પણ વાંચોઃ કોમેડિયન ભારતી સિંહની ધરપકડ:ભારતીના ઘર અને ઑફિસેથી 86.5 ગ્રામ ગાંજો મળ્યો, પતિ હર્ષ સાથે ગાંજો લેવાની વાત કબૂલી

રકુલ પ્રીત સિંહ

NCBની અડફેટે આવેલી બોલિવૂ઼ડની ટોચની સેલિબ્રિટીઓમાં રકુલ પ્રીત સિંહનો પણ સમાવેશ થતો હતો. મીડિયા રિપોર્ટ્સમાં બહાર આવેલી માહિતી પ્રમાણે 26 સપ્ટેમ્બરના રોજ NCB સમક્ષ ઇન્ટરોગેશનમાં રકુલે રિયાનું નામ લઇને કહેલું કે રિયા ચક્રવર્તી પોતાના ઘરે ડ્રગ્સ ડિલિવર કરાવતી હતી. પરંતુ બીજા જ દિવસે રકુલે દિલ્હી હાઈકોર્ટમાં ધા નાખી કે મીડિયામાં ચાલતી માહિતી તદ્દન ખોટી છે અને તે બંધ થવી જોઈએ.

શ્રદ્ધા કપૂર

NCBએ ડ્રગ કેસમાં બોલાવેલી મોટી સેલિબ્રિટીઓમાં શ્રદ્ધા કપૂરનું નામ પણ સામેલ હતું. સુશાંતના પાવના ખાતે આવેલા ફાર્મ હાઉસ પર થયેલી પાર્ટીમાં શ્રદ્ધા પણ આમંત્રિત હતી. મીડિયામાં ચાલેલી માહિતી પ્રમાણે શ્રદ્ધાએ NCB સમક્ષ સ્વીકાર્યું કે એણે રિયા ચક્રવર્તીની ભૂતપૂર્વ મેનેજર જયા સાહા સાથે ચેટ્સ એક્સચેન્જ કરી હતી.

સારા અલી ખાન

સૈફપુત્રી સારા અલી ખાનને પણ NCBએ સમન્સ મોકલીને પૂછપરછ માટે બોલાવી હતી. સારાએ સુશાંત સાથે કેદારનાથ ફિલ્મમાં કામ કર્યું હતું. સુશાંતના ભૂતપૂર્વ ફ્લેટમેટ અને સાથીદાર એવા સેમ્યુ્લ હૉકિપે આપેલી માહિતી પ્રમાણે સુશાંત અને સારા બંને રિલેશનશિપમાં હતાં, પરંતુ સોનચીડિયાની નિષ્ફળતા બાદ બંનેનું બ્રેકઅપ થઈ ગયેલું. મીડિયા રિપોર્ટ્સ પ્રમાણે સારાએ ડ્રગ્સ લીધાનો ઇનકાર કર્યો હતો.

સિમોન ખંભાતા

રિયા ચક્રવર્તીએ લીધેલાં નામોમાં એક નામ ફેશન ડિઝાઇનર સિમોન ખંભાતાનું પણ હતું. એટલે તેને પણ NCBનું તેડું આવેલું. લીક થયેલી વ્હોટ્સએપ ચેટમાં તેણે કથિત રીતે ડ્રગ્સની માગણી કરેલી.

જયા સાહા અને શ્રુતિ મોદી

સુશાંતની ભૂતપૂર્વ મેનેજર શ્રુતિ મોદી અને રિયાની ટેલેન્ટ મેનેજર જયા સાહા બંનેની NCBએ પૂછપરછ કરી હતી. જયા સાહા મુંબઈ સ્થિત ટેલેન્ટ મેનેજર છે જે KWAN ટેલેન્ટ મેનેજમેન્ટ કંપની માટે કામ કરે છે. આ કંપની વતી એણે સુશાંત માટે પણ કામ કરેલું. શ્રુતિ મોદીએ એવો દાવો કરેલો કે રિયા સુશાંતનાં નાણાંનું મેનેજમેન્ટ સંભાળતી હતી.

મધુ મન્ટેના

સપ્ટેમ્બર મહિનામાં જ NCBએ ફિલ્મ પ્રોડ્યુસર મધુ મન્ટેનાને સમન્સ પાઠવીને પૂછપરછ માટે બોલાવ્યો હતો. મધુ મન્ટેનાનું નામ જયા સાહા સાથેની પૂછપરછ દરમિયાન ઊછળ્યું હતું. મધુ મન્ટેનાએ અગાઉ 'ઉડતા પંજાબ' ફિલ્મ કો-પ્રોડ્યુસ કરી હતી, જેના કેન્દ્રમાં પણ ડ્રગ્સનો કાળો કારોબાર જ હતો.

અર્જુન રામપાલ​​​​​​​​​​​​​​

આ સમગ્ર 'બોલિવૂડ ડ્રગ્સ પ્રકરણ'માં અર્જુન રામપાલ પહેલો પુરુષ સ્ટાર બન્યો, જેને NCBનું તેડું આવ્યું હોય. આ પહેલાં NCB દ્વારા માત્ર મહિલા કલાકારોને જ ટાર્ગેટ બનાવાતી હોવાની પણ ફરિયાદો ઊઠી હતી. NCBએ પહેલાં અર્જુન રામપાલના ઘરે દરોડો પાડીને કેટલીક પ્રતિબંધિત દવાઓ તથા ઇલેક્ટ્રોનિક ગેજેટ્સ કબ્જે કર્યા હતા. ત્યારબાદ 11 નવેમ્બરે તેને અને તેની ગર્લફ્રેન્ડ તથા લિવ ઇન પાર્ટનર ગેબ્રિયેલા દેમેત્રિએડ્સને પૂછપરછ માટે બોલાવ્યાં હતાં. સાથોસાથ ગેબ્રિયેલાના ભાઈ એગિસિલાઓસ અને એક ઑસ્ટ્રેલિયન આર્કિટેક્ટ પૉલ બાર્ટેલની ધરપકડ કરાઈ હતી. જોકે અર્જુન રામપાલે પોતાની પાસેથી મળેલી દવાઓનું યોગ્ય પ્રિસ્ક્રિપ્શન હોવાની વાત કરી હતી.

ફિરોઝ નડિયાદવાલા અને તેની પત્ની શબાના સઈદ

જાણીતા પ્રોડ્યુસર ફિરોઝ નડિયાદવાલાના ઘરે NCBએ કરેલી રેડમાં 10 ગ્રામ ગાંજો મળી આવ્યો હતો. ત્યારબાદ ફિરોઝ નડિયાદવાલાની પત્ની શબાના સઈદની ધરપકડ કરવામાં આવી હતી અને તેના બીજા દિવસે ફિરોઝ નડિયાદવાલાની પણ પૂછપરછ થઈ હતી. જોકે મુંબઈ કોર્ટે શબાના સઈદને 15 હજાર રૂપિયાના પર્સનલ બોન્ડ પર જામીન આપી દીધા હતા.

ભારતી સિંહ અને તેનો પતિ હર્ષ લિંબાચિયા​​​​​​​​​​​​​​

કોમેડિયન ભારતી સિંહનાં ઘર અને ઑફિસે શનિવારે સવારે NCBએ દરોડા પાડ્યા હતા, જેમાંથી 86.5 ગ્રામ ગાંજો મળી આવ્યો હતો. તેને પગલે બંનેને NCBએ પૂછપરછ માટે બોલાવ્યા હતા. ચાર કલાકની પૂછપરછને અંતે ભારતીની ધરપકડ કરવામાં આવી હતી.

Download Dainik Bhaskar App to read Latest Hindi News Today


Riya Chakraborty to Bharti Singh: Celebs caught by NCB in drug case

Source

અર્જુન રામપાલની લિવ ઈન પાર્ટનર ગેબ્રિએલ કોણ છે? ડ્રગ્સ કેસમાં નામ સામે આવ્યું

www.divyabhaskar.co.in |

ડ્રગ્સ કનેક્શનમાં બોલિવૂડ એક્ટર અર્જુન રામપાલ તથા તેની લિવ ઈન પાર્ટનર ગેબ્રિએલ NCBના ચક્કરમાં ફસાયા છે. બંનેને NCBએ સમન્સ પાઠવ્યું છે. બુધવાર, 11 નવેમ્બરના રોજ ગેબ્રિએલની NCBએ પૂછપરછ કરી હતી. NCBએ ડ્રગ્સ કેસમાં ગેબ્રિએલના ભાઈ અગિસિલાઓસની ધરપકડ કરી હતી. ઉલ્લેખનીય છે કે અર્જુનના ઘરે રેડ પાડી એજન્સીએ તેના ગેજેટ્સ જપ્ત કરી લીધા છે. આ પહેલાં તપાસ એજન્સીએ રામપાલના ડ્રાઈવરને કસ્ટડીમાં લઈને પૂછપરછ કરી હતી. ગેબ્રિએલને NCB તરફથી ક્લીન ચિટ મળે છે કે નહીં તે તો આગામી સમયમાં ખબર પડશે. જોકે, એ પહેલાં આપણે જાણીએ કે ગેબ્રિએલ કોણ છે?

ગેબ્રિએલ સાઉથ આફ્રિકન એક્ટ્રેસ છે. તે એક મોડલ, ફેશન ડિઝાઈનર છે. ગેબ્રિએલ ત્યારે ચર્ચામાં આવી હતી જ્યારે તે અર્જુન રામપાલને ડેટ કરતી હતી.

2018માં ગેબ્રિએલ તથા અર્જુન રામપાલ વચ્ચે સંબંધો હોવાની ચર્ચા થઈ હતી. બંને અનેકવાર સાથે જોવા મળ્યા હતા. આટલું જ નહીં બંને ઈવેન્ટ્સમાં સાથે આવતા હતા. જોકે, બંનેએ લગ્ન કર્યા નથી પરંતુ ગેબ્રિએલે અર્જુનના બાળકને જન્મ આપ્યો છે.

માત્ર 16 વર્ષની ઉંમરમાં ગેબ્રિએલે મોડલિંગની શરૂઆત કરી હતી. તેણે અનેક જાહેરાતમાં કામ કર્યું છે. 2009માં ગેબ્રિએલે સાઉથ આફ્રિકામાં યોજાયેલ મિસ ઈન્ડિયા પ્રીમિયર લીગમાં ભાગ લીધો હતો ત્યારે તે ચર્ચામાં આવી હતી.

આ સ્પર્ધામાં ગેબ્રિએલને ભારતીયોની વચ્ચે ખાસ્સું એવું એક્સપોઝર મળ્યું હતું. ત્યારબાદ તે ભારત આવી હતી. અહીંયા આવીને તેણે મોડલિંગ કર્યું હતું. ગેબ્રિએલ ફિટનેસ ફ્રીક છે. તે નિયમિત રીતે જીમ જતી હોય છે. અનેકવાર ગેબ્રિએલ જીમની બહાર સ્પોટ થઈ છે. સોશિયલ મીડિયામાં પણ ગેબ્રિએલ ઘણી જ એક્ટિવ છે.

સૂત્રોના મતે, અર્જુન રામપાલને ડેટ કરતા પહેલા ગેબ્રિએલના સંબંધો બિઝનેસ મેન રવિ કૃષ્ણન તથા ડિજિટલ મીડિયા પ્રોફેશન શિવ બર્મન સાથે હતા.

ગેબ્રિએલ ફેશનલ લેબ ડેમની એન્ટરપ્રિન્યોર છે. 2014માં ગેબ્રિએલે ફિલ્મ 'સોનાલી કેબલ'થી બોલિવૂડ ડેબ્યૂ કર્યું હતું. આ ફિલ્મમાં રિયા ચક્રવર્તી તથા અલી ફઝલ હતા. અંગત જીવનની વાત કરીએ તો ગયા વર્ષે જુલાઈમાં ગેબ્રિએલે દીકરાને જન્મ આપ્યો હતો. હાલમાં તે મધરહૂડ એન્જોય કરી રહી છે.

Download Dainik Bhaskar App to read Latest Hindi News Today


Who is Arjun Rampal’s live-in partner Gabriella Demetriades? The name came up in the drugs case

Source

ઘરમાંથી ડ્રગ્સ મળતા ફિલ્મ પ્રોડ્યુસર ફિરોઝ નડિયાડવાલાની પત્નીની NCBએ ધરપકડ કરી, ફિરોઝને પણ સમન્સ આપ્યું

www.divyabhaskar.co.in |

બોલિવૂડ ડ્રગ્સ કનેક્શનમાં નાર્કોટિક્સ કંટ્રોલ બ્યુરોએ ‘ફિર હેરા ફેરી’ અને ‘વેલકમ બેક’ જેવી ફિલ્મના પ્રોડ્યુસર ફિરોઝ નડિયાડવાલાના ઘરે દરોડા પાડ્યા. રિપોર્ટમાં જણાવ્યા પ્રમાણે, રવિવારના દરોડામાં તેના ઘરેથી આશરે 10 ગ્રામ ગાંજો અને ત્રણ મોબાઈલ ફોન જપ્ત કર્યા છે. જો કે, દરોડા વખતે ફિરોઝ ઘરે હાજર નહોતો. બે સાક્ષીઓની હાજરીમાં ફિરોજની પત્ની શબાના સઈદની NCBએ ધરપકડ કરી છે. ફિરોઝને સમન્સ પણ આપ્યું છે.

શનિવારે ચાર જગ્યાએ દરોડા
NCBએ શનિવારે મુંબઈમાં ચાર અલગ-અલગ જગ્યાએ દરોડા પાડ્યા હતા. આ દરમિયાન કમર્શિયલ કવોન્ટિટીમાં ગાંજો, ચરસ અને અન્ય ડ્રગ મળ્યા છે. શનિવારે સાંજે દરોડા પછી ચાર લોકોને કસ્ટડીમાં લીધા. હાલ એજન્સી આ બધાની પૂછપરછ કરી રહી છે.

અત્યાર સુધી ઘણા લોકોની ધરપકડ થઇ
સુશાંત સિંહ રાજપૂતના મૃત્યુની તપાસ પછી ડ્રગ્સ મામલે અર્જુન રામપાલની ગર્લફ્રેન્ડ ગેબ્રિએલાના ભાઈ અગિસિલાઓસને જામીન મળ્યા પછી ફરીથી એજન્સીએ કસ્ટડીમાં લીધો છે. ધર્મા પ્રોડક્શનના પૂર્વ કર્મચારી ક્ષિતિજ રવિ પ્રસાદની પણ ધરપકડ થઇ છે. બંને મુંબઈમાં કોકિન સપ્લાય કરનારા નાઈઝીરિયન ઓમેગા ગોડવિનના સંપર્કમાં હતા.

ડ્રગ્સ કેસમાં રિયા ચક્રવર્તી, તેનો ભાઈ શોવિક ચક્રવર્તી. સુશાંતના સ્ટાફ મેમ્બર સેમ્યુઅલ મિરાન્ડા અને દીપેશ સાવંત સહિત ઘણો લોકોની ધરપકડ થઇ છે. તેમાં ડ્રગ્સ પેડલર્સ પણ સામેલ છે. રિયા ચક્રવર્તી આશરે એક મહિના સુધી જેલમાં રહ્યા પછી ગયા મહિને જામીન મળવા પર બહાર આવી છે.

Download Dainik Bhaskar App to read Latest Hindi News Today


Narcotics Control Bureau Raids Producer Firoz Nadiadwala’s Home In Mumbai Drug Probe

Source

NCBએ આજે દીપિકા પાદુકોણની મેનેજરને પૂછપરછ માટે બોલાવી, ઘરમાંથી ડ્રગ્સ મળી આવ્યું હતું

www.divyabhaskar.co.in |

નાર્કોટિક્સ કંટ્રોલ બ્યૂરો (NCB)એ દીપિકા પાદુકોણની મેનેજર કરિશ્મા પ્રકાશને આજે એટલે કે 28 ઓક્ટોબરના રોજ પૂછપરછ માટે બોલાવી છે. NCBએ કરિશ્માના ઘરે મંગળવાર (27 ઓક્ટોબર)ના રોજ દરોડા પાડ્યા હતા અને ત્યાં હશીશ મળી આવ્યું હતું. જોકે, આ કાર્યવાહી દરમિયાન કરિશ્મા તેના ઘરે નહોતી. આથી જ NCBએ તેના ઘરની બહાર સમન્સ લગાવ્યું હતું. તપાસમાં સામે આવ્યું કે કરિશ્મા ડ્રગ્સ પેડલર્સ સાથે સતત કોન્ટેક્ટમાં હતી.

કરિશ્માના ઘરે 1.8 ગ્રામ હશીશ મળી આવ્યું હતું
NCBના ઝોનલ ડિરેક્ટર સમીર વાનખેડેએ કહ્યું હતું કે કરિશ્માના આસપાસના લોકો, ઓફિસના લોકો તથા તમામ ઓળખીતાઓને સમન્સની માહિતી આપવામાં આવી છે. NCBના એક અન્ય અધિકારીએ કહ્યું હતું કે સીક્રેટ ઈન્ફોર્મેશનને આધારે કરિશ્માના વર્સોવા સ્થિત ઘરમાં દરોડા પાડવામાં આવ્યા હતા અને ત્યાંથી 1.8 ગ્રામ હશીશ મળી આવ્યું હતું.

કરિશ્માના જે ઘરે કાર્યવાહી કરવામાં આવી તે તેનું બીજું ઘર છે. માનવામાં આવે છે કે તે અહીંયા આવતી-જતી રહે છે. જોકે, તેના વકીલે આ વાતનું ખંડન કર્યું હતું કે તે અહીંયા રહે છે. NCBએ આ પહેલા કરિશ્માની બેવાર પૂછપરછ કરી હતી, જેમાં એકવાર દીપિકા પાદુકોણની સામે બેસાડીને પૂછપરછ કરવામાં આવી હતી.

દીપિકા-કરિશ્માની ડ્રગ્સ ચેટ સામે આવી હતી
ઉલ્લેખનીય છે કે ગયા મહિને દીપિકા અને કરિશ્મા વચ્ચે ડ્રગ્સ અંગે થયેલી વાતચીત સામે આવી હતી. દીપિકા-કરિશ્મા વચ્ચે આ વાતચીત 28 ઓક્ટોબર 2017નાં રોજ થઈ હતી. કરિશ્મા સાથે થયેલી વાતચીતમાં દીપિકાએ 'hash' અને 'weed' જેવાં શબ્દોનો ઉપયોગ કર્યો હતો. પ્રતિબંધિત ડ્રગ્સ સાથે જોડાયેલી ભાષામાં hashનો ઉપયોગ હશીશ માટે થાય છે. જોકે, બંને વચ્ચે થયેલી વાતચીતમાં તે સ્પષ્ટ નથી થયું કે 'hash' અને 'weed'નો ઉપયોગ કોના માટે કરવાનો હતો. આ ડ્રગ્સના પ્રમાણનો પણ કોઈ જ ઉલ્લેખ થયો નહતો, પરંતુ આ વ્હોટ્સએપ ચેટ દીપિકાની મુશ્કેલી વધારવા માટે પૂરતી છે.

આ રીતે કરિશ્માથી દીપિકા સુધી પહોંચ્યુ ડ્રગ્સ કનેક્શન
દીપિકાની મેનેજર તરીકે કામ કરતી કરિશ્મા પ્રકાશ 'ક્વાન' નામની એક સેલિબ્રિટી મેનેજમેન્ટ કંપનીમાં કામ કરે છે. આ કંપની 40થી વધુ બોલીવુડ સેલિબ્રિટીઝને ટેલેન્ટ મેનેજરની સુવિધા પૂરી પાડે છે. રિયા ચક્રવર્તીની મેનેજર જયા સાહા પણ આ કંપની માટે જ કામ કરે છે. જયા, કરિશ્માની સીનિયર છે. NCB, CBI અને EDની ટીમ જયાની અનેક વખત પૂછપરછ કરી ચૂકી છે. તપાસ દરમિયાન NCBને જયા અને કરિશ્મા વચ્ચે થયેલી ચેટની જાણ થઈ હતી.ત્યારબાદ સમગ્ર મામલો દીપિકા સુધી પહોંચ્યો હતો.

Download Dainik Bhaskar App to read Latest Hindi News Today


NCBએ ગયા મહિને કરિશ્માની બેવાર પૂછપરછ કરી હતી, જેમાં એકવાર દીપિકાની સામે બેસાડીને સવાલ-જવાબ કરવામાં આવ્યા હતાઃ ફાઈલ તસવીર

Source

વિવેક ઓબેરોયના ઘરે દરોડા, બેંગ્લુરુ પોલીસને એક્ટરના ફરાર સાળાની શોધ; ફિલ્મ સ્ટાર્સને ડ્રગ્સ સપ્લાઈ કરવાનો આક્ષેપ

www.divyabhaskar.co.in |

એક્ટર વિવેક ઓબેરોયના મુંબઈના જુહૂસ્થિત ઘરમાં બેંગ્લુરુ પોલીસે દરોડા પાડ્યા હતા. 15 ઓક્ટોબરના રોજ બપોરે એક વાગે બેંગ્લુરુ પોલીસના બે ઈન્સ્પેક્ટર એક્ટરના ઘરે આવ્યા હતા અને વિવેકની પત્ની પ્રિયંકાની પૂછપરછ કરી હતી. બેંગ્લુરુ પોલીસ સેન્ડલવૂડ ડ્રગ રેકેટ કેસમાં વિવેકના સાળા આદિત્ય અલવાને શોધે છે. સૂત્રોના મતે પોલીસને શંકા છે કે આદિત્યને ભગાડવામાં તેની બહેન એટલે કે વિવેકની પત્ની પ્રિયંકાએ મદદ કરી છે. આદિત્ય એક મહિનાથી ફરાર છે.

કન્નડ કલાકારોને ડ્રગ્સ સપ્લાઇ કરવાનો આક્ષેપ
આદિત્ય કર્ણાટકના પૂર્વ મંત્રી જીવરાજ અલવાનો દીકરો છે. તેની પર કન્નડ ફિલ્મ ઈન્ડસ્ટ્રીના કલાકારોને કથિત રીતે ડ્રગ્સ સપ્લાઇ કર્યું હોવાનો આક્ષેપ છે. આ કેસમાં ક્રાઈમ બ્રાંચની ટીમે કન્નડ એક્ટ્રેસ રાગિની દ્વિવેદી સહિત 10થી વધુ લોકોની ધરપકડ કરી છે.

વિવેક ઓબેરોયનો સાળો આદિત્ય અલવા.

વિવેકના ઘરે વોરંટ લઈને ગઈ હતી
દરોડા દરમિયાન પોલીસ અધિકારીએ કહ્યું હતું, 'સેન્ડલવૂડ ડ્રગ્સ કેસમાં આદિત્ય ફરાર છે. અમને માહિતી મળી હતી કે અલવા વિવેક ઓબેરોયના ઘરમાં છુપાયેલો છે. તેને શોધવા માટે અહીં દરોડા પાડવામાં આવ્યા હતા. કોર્ટમાંથી વોરંટ લેવામાં આવ્યું હતું અને પછી ક્રાઈમ બ્રાંચની ટીમ મુંબઈ આવી હતી.'

બે એક્ટ્રેસની ધરપકડ થઈ
સેન્ડલવૂડ ડ્રગ રેકેટ કેસમાં ચાર સપ્ટેમ્બરના રોજ રાગિનીની ધરપકડ કરી હતી. ત્યાર બાદ રાગિનીનો પહેલો ડોપ ટેસ્ટ કરવામાં આવ્યો હતો. એક્ટ્રેસે પોતાના સેમ્પલ સાથે ચેડાં કર્યાં હતાં. રાગિની ઉપરાંત કન્નડ એક્ટ્રેસ સંજના ગલરાનીની પણ ધરપકડ કરવામાં આવી હતી.

Download Dainik Bhaskar App to read Latest Hindi News Today


Bengaluru police raids Vivek Oberoi’s house in search of absconding brother-in-law, Aditya

Source

ડ્રગ્સ કેસમાં ફસાયેલા ટીવી કપલ અબિગેલ પાંડે અને સનમ જોહરે શેર કર્યો રોમેન્ટિક ફોટો, કોરિયોગ્રાફરે લખ્યું, 'હું ત્યાં સુધી નહીં ડરું, જ્યાં સુધી તું સાથે છે'

www.divyabhaskar.co.in |

સુશાંત સિંહના મૃત્યુ બાદ ઇન્ડસ્ટ્રીનું મોટું ડ્રગ કનેક્શન સામે આવ્યું છે. ઘણા મોટા બોલિવૂડ સેલેબ્સ સાથે ટીવીનું પોપ્યુલર કપલ અબિગેલ પાંડે અને સનમ જોહર પણ NCBના નિશાના પર હતું. મુંબઈના મોટા ડ્રગ પેડલર સાથે લિંક મળ્યા બાદ બંનેની નાર્કોટિક્સ કન્ટ્રોલ બ્યુરો (NCB)એ સતત બે દિવસ પૂછપરછ કરી હતી. બંનેના ઘરે દરોડા પણ પડ્યા હતા જેમાં ડ્રગ્સની અમુક માત્રા મળતા બંને વિરુદ્ધ NDPS એક્ટ હેઠળ કેસ ફાઈલ થયો હતો. તેના થોડા જ દિવસ પછી કપલે સાથે એક રોમેન્ટિક ફોટો શેર કરીને એકબીજાનો સાથ આપવાની વાત કરી છે.

ટીવી એક્ટ્રેસ અબિગેલ પાંડેએ હાલમાં જ તેના ઇન્સ્ટા અકાઉન્ટ પર તેના બોયફ્રેન્ડ સાથેનો ફોટો શેર કર્યો છે જેમાં સનમ એક્ટ્રેસના ગાલ પર કિસ કરી રહ્યો છે. આ ફોટો સાથે એક્ટ્રેસે લખ્યું, 'સાથે રહીને સૌથી સ્ટ્રોંગ, તારા પર ગર્વ છે, આપણા પર ગર્વ છે. વફાદારી જ આપણી સૌથી મોટી ખૂબી છે અને હંમેશાં રહેશે.'

અબિગેલ પાંડેની આ પોસ્ટ પછી થોડા સમય બાદ બોયફ્રેન્ડ સોનમ જોહરે પણ તે જ ફોટો શેર કરીને લખ્યું, 'જ્યારે રાત આવે અને દુનિયામાં અંધારું થઇ જાય અને માત્ર ચંદ્ર જ પપ્રકાશ આપે, નહીં, હું નહીં ડરું, હું નહીં ડરું જ્યાં સુધી તું મારી સાથે છે. મારી સાથે રહે. નથી ડરતો.'

રોમેન્ટિક ફોટો પર સનમનું કેપ્શન.

અબિગેલ પાંડેનું નામ ડ્રગ પેડલરે NCBની પૂછપરછમાં જણાવ્યું હતું. ત્યારબાદ બંનેની પૂછપરછ થઇ. રિપોર્ટ મુજબ તો અબિગેલ પાંડેએ પૂછપરછમાં સારા ખાન અને અંગદ હસીઝાના નામનો ખુલાસો કર્યો હતો ત્યારબાદ તેમને સમન્સ મોકલવામાં આવ્યું હતું. અંગદે ભાસ્કર સાથેની વાતચીતમાં ડ્રગ્સ કનેક્શનની વાત પર કહ્યું કે તે આવા કોઈ વ્યક્તિને નથી જાણતો અને તેને આ કેસ સાથે કોઈ લેવા દેવા નથી.

Download Dainik Bhaskar App to read Latest Hindi News Today


TV Couple Abigail Pandey And Sanam Johar Shares Romantic Picture Together Who Caught In Drug Case, Choreographer Wrote, ‘I Will Not Be Afraid As Long As You Stand By Me’

Source

ડ્રગ્સ કેસમાં અરેસ્ટ થયેલા ક્ષિતિજનો આરોપ, NCB ટોર્ચર કરીને કરણ જોહર, અર્જુન રામપાલ અને રણબીર કપૂરનું નામ ડ્રગ્સ કેસમાં લેવા માટે ફોર્સ કરી રહી છે

www.divyabhaskar.co.in |

બોલિવૂડ ડ્રગ કેસમાં નાર્કોટિક્સ કંટ્રોલ બ્યુરો (NCB) દ્વારા અરેસ્ટ કરવામાં આવેલા ક્ષિતિજ પ્રસાદને 6 ઓક્ટોબર સુધી જ્યુડિશિયલ કસ્ટડીમાં મોકલી દેવામાં આવ્યો છે. ધર્મા પ્રોડક્શનના પૂર્વ એક્ઝિક્યુટિવ પ્રોડ્યુસર અને આસિસ્ટન્ટ ડિરેક્ટર રહી ચૂકેલા ક્ષિતિજને આજે સ્પેશિયલ NDPS કોર્ટમાં હાજર કરવામાં આવ્યો હતો. આ સુનાવણી દરમ્યાન તેના વકીલ સતીશ માનશિંદે દ્વારા આરોપ લગાવવામાં આવ્યા છે કે NCBએ તેને ટોર્ચર કરીને તેના પર કરણ જોહર, અર્જુન રામપાલ અને રણબીર કપૂરનું નામ ડ્રગ્સ કેસમાં લેવા દબાણ આપવામાં આવી રહ્યું છે. તેણે એવો દાવો પણ કર્યો કે ક્ષિતિજ પર્સનલી આ કોઈને નથી જાણતા.

ક્ષિતિજે સમીર વાનખેડે પર ત્રાસ આપવાનો આરોપ લગાવ્યો
કોર્ટમાં ક્ષિતિજ તરફથી જણાવવામાં આવ્યું કે તેને મેન્ટલી, ઇમોશનલી અને સાઈકોલોજિકલી ત્રાસ આપવામાં આવી રહ્યો છે. થોડા દિવસ પહેલાં તેના વકીલે દાવો કર્યો હતો કે NCBના એક અધિકારીએ તેના ફેસ પર શૂઝ રાખીને તેમને કરણ જોહરનું નામ ડ્રગ્સ કેસમાં લેવા ફોર્સ કર્યો હતો. વકીલ સતીશે તેમની યાચિકામાં કહ્યું કે NCBના ઓફિસર સમીર વાનખેડેએ ક્ષિતિજને ખોટું સ્ટેટમેન્ટ આપવા માટે ફોર્સ કર્યો હતો જેથી તે સ્ટેટમેન્ટમાં કરણ જોહર, સોમેન મિશ્રા, રાખી, અપૂર્વા, નીરજ, રાહિલ જેવા સેલેબ્સ નામ લે.

કોર્ટમાં ક્ષિતિજની તેના હાથે લખેલી એક નોટ રજૂ કરવામાં આવી જેમાં તે આરોપ લગાવી રહ્યા છે કે NCBના લોકો જબરદસ્તી ત્રણ બોલિવૂડ સેલેબ્સના નામ લેવા માટે ફોર્સ કરી રહ્યા છે.

વાનખેડેએ ક્ષિતિજના ફેસ પર શૂઝ રાખીને કરણનું નામ લેવા કહ્યું
વકીલે કોર્ટમાં જણાવ્યું કે જ્યારે ક્ષિતિજે આ બધું કરવા માટે ના પાડી તો સમીર વાનખેડેએ કહ્યું કે તે તેને પાઠ ભણાવશે અને તેને પોતાની ખુરશીની બાજુમાં જમીન પર બેસાડીને તેના ફેસ પર શૂઝ રાખી દીધા. સતીશે એ પણ આરોપ લગાવ્યો હતો કે ક્ષિતિજના ઘરેથી કંઈપણ મળ્યું ન હતું પણ પોલીસે સિગરેટના બટને પંચનામામાં ગાંજાના જોઈન્ટ તરીકે દેખાડ્યું. જોકે, આ બાબતે NCBએ પહેલાં જ કહી દીધું છે કે ક્ષિતિજ સાથે કોઈપણ પ્રકારનું ફિઝિકલ ટોર્ચર અને હેરેસમેન્ટ કરવામાં આવ્યું નથી.

ક્ષિતિજે ડ્રગ્સ લેવાની વાત માની હતી, ઘરેથી ગાંજો મળ્યો હતો
NCBએ ક્ષિતિજને 26 સપ્ટેમ્બરે 27 કલાકની લાંબી પૂછપરછ બાદ કસ્ટડીમાં લીધો હતો. ત્યારબાદ તેને કોર્ટ દ્વારા 3 ઓક્ટોબર સુધી NCBન રિમાન્ડ પર મોકલી દેવામાં આવ્યા હતા. NCB દ્વારા એક ફાઈલ થયેલા એફિડેવિટમાં કહેવામાં આવ્યું હતું કે ક્ષિતિજે પૂછપરછમાં પેડલર પાસેથી ડ્રગ્સ લેવાની વાત સ્વીકારી હતી. અરેસ્ટ પહેલાં તપાસ એજન્સીએ ક્ષિતિજના ઘરે દરોડા પાડ્યા હતા જ્યાં ટીમને ગાંજો મળ્યો હતો.

કરમજીત સિંહે સ્વીકાર્યું કે તે ક્ષિતિજને ડ્રગ્સ આપતો હતો
આજે કોર્ટમાં ફાઈલ થયેલ NCBની કેસ ફાઈલમાં કહેવામાં આવ્યું છે કે સાઉથ મુંબઈમાં એક હાઈ પ્રોફાઈલ ડ્રગ પેડલર અંકુશ અનરેજા સાથેની પૂછપરછમાં તેણે જણાવ્યું કે બોલિવૂડ સેલેબ્સ સાથે લિંક બનાવવામાં ક્ષિતિજ પ્રસાદ જ તેની મદદ કરતા હતા. NCBની તપાસમાં અંકુશ અનરેજા, અનુજ કેશવાની અને કરમજીત સિંહ જેવા ડ્રગ પેડલર સાથેની ક્ષિતિજની ચેટ્સ પણ મળી છે જેમાં તે ડ્રગ્સની ડિમાન્ડ કરી રહ્યા છે. કરમજીત સિંહે એવું સ્વીકાર્યું પણ ખરા કે તે ક્ષિતિજને અદાણી બિલ્ડિંગની બહાર સુધી ડ્રગ્સ પહોંચાડતો હતો.

NCBએ ક્ષિતિજના જામીનનો વિરોધ કર્યો
કોર્ટમાં ક્ષિતિજના જામીનનો વિરોધ કરીને NCB તરફથી કહેવામાં આવ્યું કે ક્ષિતિજ સાથે હજુ વધુ પૂછપરછ કરવાની છે. અમે તેના સ્ટેટમેન્ટને વેરીફાઈ કરી રહ્યા છીએ. સાથે જ તેના આધારે અમે બીજા લોકો સુધી પહોંચી શકીએ છીએ, માટે તેને જ્યુડિશિયલ કસ્ટડીમાં રહેવા દેવામાં આવે.

Download Dainik Bhaskar App to read Latest Hindi News Today


વકીલ સતીશે કોર્ટને જણાવ્યું કે જ્યારે ક્ષિતિજે આ કરવાની ના પાડી તો સમીર વાનખેડેએ તેના ફેસ પર તેમના શૂઝ રાખીને ટોર્ચર કર્યો હતો.

Source

error:
Scroll to Top