ચર

પોલેન્ડમાં અમિતાભ બચ્ચનના પિતાના નામ પર ચાર રસ્તાનું નામ, બિગ બીએ કહ્યું- દશેરા પર આનાથી વધુ કોઈ સારી ગિફ્ટ ના હોઈ શકે

www.divyabhaskar.co.in |

અમિતાભ બચ્ચનના પિતા તથા કવિ ડૉ. હરિવંશ રાય બચ્ચનના નામ પર પોલેન્ડના વ્રોકલા શહેરના એક ચાર રસ્તાનું નામ રાખવામાં આવ્યું છે. આ વાતની માહિતી બિગ બીએ સોશિયલ મીડિયામાં આપી હતી. તેમણે ઈમોશનલ થઈને કહ્યું હતું, 'વ્રોકલા, પોલેન્ડના સિટી કાઉન્સિલે એક ચાર રસ્તાનું નામ મારા પિતાના નામ પર રાખવાનો નિર્ણય લીધો છે. દશેરા પર આનાથી સારી કોઈ ગિફ્ટ હોઈ શકે નહીં. પરિવાર, વ્રોકલાના ભારતીય સમુદાય તથા ભારત માટે ગર્વની ક્ષણ. જય હિંદ.'

બિગ બીએ ટ્વિટર પર આ અંગેની ટ્વીટ કરી હતી. આ સાથે તેમણે રામચરિત માનસની એક ચોપાઈ તથા તેનો અર્થ સમજાવ્યો હતો.

પોલેન્ડમાં પહેલા પણ હરિવંશ રાય બચ્ચનનું સન્માન કરવામાં આવ્યું હતું
ગયા વર્ષે ડિસેમ્બરમાં પોલેન્ડના એક ચર્ચમાં ડૉ. હરિવંશ રાય બચ્ચન માટે પ્રાર્થના યોજવામાં આવી હતી. અહીંયાના લોકોનો પ્રેમ જોઈને બિગ બી ભાવુક થઈ ગયા હતા અને તેમણે પ્રાર્થનાની તસવીર સોશિયલ મીડિયામાં શૅર કરી હતી.

અમિતાભે પોતાની પોસ્ટમાં કહ્યું હતું, 'યુરોપના સૌથી જૂના ચર્ચમાંથી એક. પોલેન્ડમાં બાબુજી માટે પ્રાર્થના યોજાઈ. દિલને સ્પર્શી જતી અને ભાવુક કરતી ક્ષણ. તેમની આત્માને શાંતિ તથા પ્રેમ મળ્યો હશે. આ સન્માન માટે બિશપ તથા પોલેન્ડની જનતાનો આભાર.'

તે સમયે બિગ બી પોતાની ફિલ્મ 'ચેહરે'નું શૂટિંગ કરી રહ્યા હતા. આ ફિલ્મને રૂમી જાફરીએ ડિરેક્ટ કરી છે. આ દરમિયાન તેઓ ચર્ચમાં યોજાયેલી પ્રાર્થનામાં હાજર રહ્યા હતા.

પોલેન્ડના કોલેજના વિદ્યાર્થીઓએ મધુશાલાનું પઠન કર્યું હતું
આ વર્ષે જુલાઈમાં પોલેન્ડની એક કોલેજના વિદ્યાર્થીઓએ ડૉ. હરિવંશ રાય બચ્ચનની 'મધુશાલા'નું પઠન કર્યું હતું. આનો વીડિયો સોશિયલ મીડિયામાં ઘણો જ વાઈરલ થયો હતો.

બિગ બીએ આ વીડિયો સોશિયલ મીડિયામાં શૅર કરીને કહ્યું હતું, 'મારી આંખોમાંથી આંસુ વહેવવા લાગ્યા. વ્રોકલા, પોલેન્ડને યુનેસ્કો સિટી ઓફ લિટરેચરથી સન્માનિત કરવામાં આવ્યું છે. આજે તેમણે યુનિવર્સિટીના ટેરેસ પર બાબુજીની મધુશાલાનું પઠન કર્યું. તેમણે સંદેશો આપ્યો કે વ્રોકલા ડૉ. હરિવંશ રાય બચ્ચનનું શહેર છે. '

Download Dainik Bhaskar App to read Latest Hindi News Today


cross roads in Poland named after Amitabh Bachchan’s father, Big B said- there can be no better gift than this on Dussehra

Source

ચાર દિવસ સુધી હર્ષવર્ધન રાણે ઓક્સિજન સપોર્ટ પર હતો, કોરોના પોઝિટિવ થતાં ICUમાં એડમિટ કરવામાં આવ્યો હતો

www.divyabhaskar.co.in |

'સનમ તેરી કસમ' ફૅમ હર્ષવર્ધન રાણે થોડાં દિવસ પહેલા કોરોના પોઝિટિવ હોવાની વાત સામે આવી હતી. એક્ટરને છેલ્લાં કેટલાંક દિવસોથી તાવ તથા માથામાં દુખાવો હતો. જ્યારે તેણે પહેલી વાર તપાસ કરાવી તો તેને વાઈરલ ફીવર હોવાની વાત કરવામાં આવી હતી. જોકે, પછી તેનો કોરોના રિપોર્ટ પોઝિટિવ આવ્યો હતો. કોવિડ 19નો રિપોર્ટ આવ્યા બાદ તે ઘરમાં જ આઈસોલેટ થયો હતો. જોકે, બે દિવસ સુધી હર્ષવર્ધનની તબિયતમાં કોઈ સુધારો થયો નહોતો. હર્ષવર્ધન બીજીવાર હોસ્પિટલમાં ગયો તો તેને ઓક્સિજન સપોર્ટ સાથે ICUમાં એડમિટ કરવામાં આવ્યો હતો.

હર્ષવર્ધન રાણેની ફિલ્મ 'તૈશ' 29 ઓક્ટોબરના રોઝ ઝી5 પર રિલીઝ થવાની છે. આ ફિલ્મનું પ્રમોશન શરૂ થાય તે પહેલા જ હર્ષવર્ધન કોરોના પોઝિટિવ થયો છે. હવે તે ફિલ્મના પ્રમોશનમાં સામેલ થશે નહીં. ટાઈમ્સ ઓફ ઈન્ડિયા સાથેની વાતચીતમાં હર્ષવર્ધને કહ્યું હતું, 'હું ઓક્સિજન સપોર્ટ પર હતો. મને બહુ જ ખરાબ લાગ્યું કે હું ફિલ્મને પ્રમોટ કરી શકીશ નહીં. મને હજી પણ નબળાઈ લાગે છે. સૌ પહેલા મને માથાનો દુખાવો તથા તાવ આવતો હતો. ચાર દિવસ બાદ પણ મારી તબિયતમાં કોઈ ફેર ના પડ્યો ત્યારે હોસ્પિટલ ગયો હતો. ડૉક્ટર્સે વાઈરલ ફીવર હોવાની વાત કહી હતી. જોકે, મેં કોવિડ 19નો ટેસ્ટ કરાવ્યો હતો અને રિપોર્ટ પોઝિટિવ આવ્યો હતો.'

વધુમાં હર્ષવર્ધને કહ્યું હતું, 'રિપોર્ટ પોઝિટિવ આવ્યના બે દિવસ બાદ પણ તાવ તથા માથામાં દુખાવો હતો. હું બીજીવાર હોસ્પિટલ ગયો. તેમણે તરત જ મને ICUમાં એડમિટ કર્યો હતો. આઠ દિવસ બાદ તાવ તથા માથાનો દુખાવો ઓછો થયો હતો.'

View this post on Instagram

#PALI from #TAISH on 29th October on @zee5premium🔥

A post shared by Harshvardhan Rane (@harshvardhanrane) on Oct 23, 2020 at 10:30pm PDT

હર્ષવર્ધનની અપકમિંગ ફિલ્મ 'તૈશ'ને બિજોય નામ્બિયારે ડિરેક્ટ કરી છે. હર્ષવર્ધને કહ્યું હતું, 'બિજોય રોજ 2થી ત્રણ વાર ફોન કરીને મારી તબિયત પૂછે છે. આ ફિલ્મના પાત્રની તૈયારી માટે મેં મારી જાતને બે અઠવાડિયે રૂમમાં બંધ કરી દીધી હતી. જોકે, જ્યારે ટ્રેલર લૉન્ચ થયું ત્યારે પણ હું આઈસોલેશનમાં હતો. જોકે, તે વખતે કારણ અલગ હતું.' આ ફિલ્મમાં હર્ષવર્ધન રાણેની સાથે સંજીદા શેખ, કૃતિ ખરબંદા તથા જિમ સરભ છે.

Download Dainik Bhaskar App to read Latest Hindi News Today


Harshvardhan Rane was on oxygen support for four days, was admitted to ICU after corona tested positive.

Source

સુશાંત સિંહના મોતના ચાર મહિના બાદ મોટી બહેન શ્વેતા સિંહે ટ્વિટર-ઈન્સ્ટાગ્રામ અકાઉન્ટ ડિલીટ કર્યા

www.divyabhaskar.co.in |

સુશાંત સિંહ રાજપૂતની મોટી બહેન શ્વેતા સિંહ કીર્તિએ આજે એટલે કે 14 ઓક્ટોબરના રોજ પોતાના સોશિયલ મીડિયા અકાઉન્ટ ડિલીટ કર્યા હતા. આજે જ સુશાંતના મોતને ચાર મહિના પૂરા થયા છે. શ્વેતા ભાઈના મોત બાદથી સોશિયલ મીડિયામાં સતત ન્યાય માટેની ઝૂંબેશ ચલાવતી હતી.

ઈન્સ્ટાગ્રામ પર વીડિયો પોસ્ટ કર્યો હતો
સુશાંતના મોતને ચાર મહિના પૂરા થતા શ્વેતાએ ઈન્સ્ટાગ્રામ પર એક્ટરનો જૂનો વીડિયો પોસ્ટ કરીને કહ્યું હતું, સાચે જ પ્રેરણાદાયી. આ વીડિયોમાં સુશાંત કોઈ ફિલ્મ માટે ટ્રેનિંગ લેતો જોવા મળ્યો હતો. સુશાંત રનિંગ, સાયકલિંગ, જોગિંગ કરતો જોવા મળ્યો હતો.

શ્વેતાએ થોડાં દિવસ પહેલા આ ટ્વીટ કરી હતી
શ્વેતાની છેલ્લી ટ્વીટ પણ સુશાંતને લગતી હતી. તેણે કહ્યું હતું, 'જેમને સફળતાની આશા નથી અને નિષ્ફળાતનો થોડોક અંદેશો પણ મળે તો તેઓ છોડી દે છે. જોકે, મુશ્કેલ લોકો આવું ક્યારેય કરતા નથી.' શ્વેતાએ ભારપૂર્વક કહ્યું હતું કે આપણે બધા મજબૂત, પાવરફુલ છીએ તથા પોતાની શક્તિમાં જ વિશ્વાસ કરવાની જરૂર છે.

14 ઓક્ટોબરે 'મન કી બાત 4 SSR' કેમ્પેન ચલાવવાની વાત કરી હતી
શ્વેતાએ સોશિયલ મીડિયામાં એક ખાસ કેમ્પેન ચલાવવાની વાત કરી હતી. તેણે સુશાંતના ચાહકોને અપીલ કરી હતી કે તેઓ વડાપ્રધાન નરેન્દ્ર મોદીને પોતાનો મેસેજ 'મન કી બાત' કહેશે. શ્વેતાએ ટ્વીટ કરીને કહ્યું હતું, 'Mann Ki Baat 4 SSR ન્યાય તથા સત્ય જાણવા માટે પોતાનો અવાજ ઉઠાવવાની સારી તક છે. અમે આ કેમ્પેન હેઠળ લોકોને ભેગા કરવા માગી છીએ કે જનતા ન્યાયની રાહમાં છે. જેમણે મને હંમેશાં સાથ આપ્યો તેવા મારા ટ્વિટર પરિવારનો હું આભાર વ્યક્ત કરવા માગું છું, '

વધુમાં શ્વેતાએ કહ્યું હતું, '14 ઓક્ટોબરના રોજ સવારે આઠથી રાતના આઠ સુધી સુશાંતના ચાહકો વડાપ્રધાનને 'મન કી બાત' પોર્ટલ પર રેકોર્ડેડ સંદેશાઓ મોકલશે. આ ઉપરાંત ફેસબુક, ટ્વિટર તથા ઈન્સ્ટાગ્રામ પર મેસેજ લખીને PMO તથા PMને ટૅગ કરે.

શ્વેતા અમેરિકામાં રહે છે
શ્વેતા અમેરિકામાં રહે છે. સુશાંતના મોતના બે દિવસ બાદ તે અમેરિકાથી ભારત આવી હતી. ભારત આવ્યા બાદથી શ્વેતાએ સોશિયલ મીડિયામાં અલગ-અલગ રીતે સુશાંતને ન્યાય અપાવવાની વાત કરી હતી. શ્વેતાએ સુશાંતના પચાસ સપનાઓમાંથી એક સપનું એવું એક હજાર વૃક્ષો વાવવાનું સપનું પૂરું કર્યું હતું. શ્વેતા નિયમિત રીતે સોશિયલ મીડિયામાં સુશાંતના જૂના વીડિયો પોસ્ટ કરતી હતી.

Download Dainik Bhaskar App to read Latest Hindi News Today


Four months after Sushant Singh’s death, elder sister Shweta Singh deleted her Twitter-Instagram account.

Source

error:
Scroll to Top