એક

લીડ એક્ટર યશના 35મા જન્મદિવસના એક દિવસ પહેલાં 'KGF ચેપ્ટર 2'નું ટીઝર રિલીઝ

www.divyabhaskar.co.in |

રોકીની દુનિયાની ઝલક ફરી એકવાર જોવા મળી છે. મેકર્સે એક દિવસ પહેલાં જ ફિલ્મનું ટીઝરનું રિલીઝ કરી દેવામાં આવ્યું છે. સાત જાન્યુઆરી, ગુરુવારની રાત્રે રિલીઝ કરવામાં આવેલું 2 મિનિટના ટીઝરમાં રવિના ટંડન, યશ તથા સંજય દત્તની ઝલક જોવા મળી છે. યશ એક્શન કરતો જોવા મળ્યો હતો.

આ ટીઝર પહેલાં યશના 35મા જન્મદિવસ પર એટલે કે 8 જાન્યુઆરીએ રિલીઝ કરવાનું હતું પરંતુ ચાહકોની ડિમાન્ડને કારણે છેલ્લી ઘડીએ નિર્ણય બદલવામાં આવ્યો હતો.

બે વર્ષથી પ્રોડક્શનનું કામ ચાલે છે
ફિલ્મનું ડિરેક્શન પ્રશાંત નીલે કર્યું છે. પ્રોડક્શન વિજય કિરાગંદૂરે કર્યું છે. ફિલ્મમાં સંજય દત્ત અધીરાનો રોલ ભજવે છે. આ ઉપરાંત ફિલ્મમાં શ્રીનિધિ શેટ્ટી, પ્રકાશ રાજ, માલવિકા અવિનાશ પણ છે. ફિલ્મનું પ્રોડક્શન છેલ્લાં બે વર્ષથી ચાલી રહ્યું છે. આ ફિલ્મ પહેલાં ઓક્ટોબર, 2020માં રિલીઝ કરવાની હતી પરંતુ કોરોનાને કારણે કામ બંધ કરી દેવામાં આવ્યું હતું.

ચેપ્ટર વને અનેક રેકોર્ડ બનાવ્યા
'KGF'નો પહેલો પાર્ટ 2018માં રિલીઝ થયો હતો. કન્નડ, તમિળ, તેલુગુ તથા હિંદીમાં આવેલી આ ફિલ્મે અનેક રેકોર્ડ બનાવ્યા હતા. આ પહેલી કન્નડ મૂવી હતી, જેણે 250 કરોડથી વધુની કમાણી કરી હતી.

Download Dainik Bhaskar App to read Latest Hindi News Today


Teaser release of ‘KGF Chapter 2’ a day before lead actor Yash’s 35th birthday

Source

સાબરકાંઠા : ઇડરમાં એક યુવકને કપાળના ભાગે પતંગની દોરી બેસી જતા પહોંચી ગંભીર ઈજા

gujarati.oneindia.com |
સાબરકાંઠા : ઇડરમાં એક યુવકને કપાળના ભાગે પતંગની દોરી બેસી જતા પહોંચી ગંભીર ઈજા

Source

એક રોડ એક્સિડેન્ટ પછી કોમામાં ગયા બાદ'આશિકી ગર્લ'ની યાદશક્તિ જતી રહી હતી, હવે ઝૂંપડીમાં જઈને યોગ શીખવે છે

www.divyabhaskar.co.in |

બોલિવૂડ એક્ટ્રેસ અનુ અગ્રવાલ 52 વર્ષના થઇ ગયા છે. તેમનો જન્મ 11 જાન્યુઆરી, 1969ના રોજ નવી દિલ્હીમાં થયો હતો. અનુને 1990માં આવેલી ફિલ્મ 'આશિકી'એ રાતોરાત સ્ટાર બનાવી દીધી હતી. આ ફિલ્મ પછી તે ઘણી બીજી ફિલ્મોમાં દેખાયા પણ 'આશિકી' જેવી પોપ્યુલારિટી ન મળી. હવે ગ્લેમર વર્લ્ડથી દૂર અનુ ઝૂંપડીઓમાં જઈને ગરીબ બાળકોને ફ્રીમાં યોગ શીખવે છે.

21 વર્ષની ઉંમરે બ્રેક મળ્યો
અનુ અગ્રવાલે દિલ્હી યુનિવર્સિટીથી સમાજશાસ્ત્ર સ્ટડી કર્યું. સ્ટડી દરમ્યાન જ અનુને મહેશ ભટ્ટે પોતાની ફિલ્મ 'આશિકી'માં પહેલો બ્રેક આપ્યો હતો. માત્ર 21 વર્ષની ઉંમરે એક્ટિંગ વર્લ્ડમાં એન્ટ્રી લેનારા અનુએ આ ફિલ્મથી ઓડિયન્સના ખૂબ વખાણ મેળવ્યા અને રાતોરાત સ્ટાર બની ગયા.

ત્યારબાદ તે 'ગજબ તમાશા', 'ખલનાયિકા', 'કિંગ અંકલ', 'કન્યાદાન', 'બીપીએલ ઓયે' અને 'રિટર્ન ટુ જ્વેલ થીફ' જેવી ફિલ્મોમાં દેખાયા હતા પણ કોઈપણ ફિલ્મ ખાસ કમાલ કરી શકી નહીં. અનુએ તમિળ ફિલ્મ 'થિરૂદા – થિરૂદા' અને શોર્ટ ફિલ્મ 'ધ ક્લાઉડ ડોર'માં પણ કામ કર્યું છે. સાથે જ તે થોડા દિવસ MTV વીજે પણ રહ્યા હતા.

29 દિવસ કોમામાં રહ્યા હતા અનુ
1996 પછી ફિલ્મી દુનિયાથી ગાયબ થઇ ગયેલા અનુએ યોગ અને અધ્યાત્મ તરફ પ્રયાણ કર્યું હતું. આ વચ્ચે 1999માં થયેલા એક રોડ એક્સિડેન્ટમાં અનુની લાઈફ બદલી ગઈ. આ ઘટનામાં તેમની યાદશક્તિ જતી રહી હતી અને તે પેરેલાઈઝ્ડ પણ થઇ ગયા હતા.

લગભગ 29 દિવસ સુધી કોમામાં રહ્યા બાદ અનુ ભાનમાં આવ્યા તો ખુદને સંપૂર્ણપણે ભૂલી ગયા હતા. આ તેમના માટે પુર્નજન્મ જ હતો કે લગભગ 3 વર્ષ સુધી ચાલેલી લાંબી ટ્રીટમેન્ટ પછી તેમની યાદશક્તિ પરત આવી. અનુએ પોતાની સ્ટોરીને આત્મકથા સ્વરૂપે 'અનયુઝઅલ: મેમોઇર ઓફ અ ગર્લ વ્હુ કેમ બેક ફ્રોમ ડેડ'માં રજૂ કરી છે.

Download Dainik Bhaskar App to read Latest Hindi News Today


‘Aashiqui Girl’ Anu Aggarwal Life Takes A Twist After Road Accident, Know What Happened To Her

Source

પ્રિયંકા ચોપરાએ કમલા હેરિસનું વોગ કવર પેજ શૅર કરીને કહ્યું, 'મહિલા, એક ભારતીય મહિલા'

www.divyabhaskar.co.in |

અમેરિકન વોગ મેગેઝિનના કવર પેજ પર અમેરિકાનાં વાઈસ-પ્રેસિડેન્ટ કમલા હેરિસને જોતાં બોલિવૂડ એક્ટ્રેસ પ્રિયંકા ચોપરા ઘણી જ ખુશ થઈ છે. પ્રિયંકાએ સોશિયલ મીડિયામાં વોગનું કવર પેજ શૅર કરીને કહ્યું હતું કે એક ભારતીય મહિલા ટૂંક સમયમાં જ વ્હાઈટ હાઉસમાં જશે.

સોશિયલ મીડિયામાં પોસ્ટર શૅર કર્યું
પ્રિયંકા ચોપરાએ મેગેઝિનનું કવર પેજ શૅર કરીને ગયા અઠવાડિયે અમેરિકામાં કેપિટલ હિલમાં જે હિંસા થઈ એનાથી પોતાના સ્પેશિયલ મેસેજની શરૂઆત કરી હતી. પ્રિયંકાએ કહ્યું હતું, 'વોશિંગ્ટન DCમાં કેપિટલ હિલમાં આ અઠવાડિયે એવી વસ્તુઓ સામે આવી છે કે એની ભયાનકતા જોયા બાદ આ વચન આપી રહ્યું છે કે માત્ર 10 દિવસમાં અમેરિકાને નેતૃત્વનું આ પ્રકારનું હકારાત્મક ઉદાહરણ વારસામાં મળશે. એક મહિલા, એક મહિલાનો રંગ, એક ભારતીય મહિલા. એક બ્લેક વુમન. એક મહિલા જેનાં પેરન્ટ્સ અમેરિકાની બહાર જન્મ્યાં હતાં. બીજું કંઈ ખાસ હોઈ શકે છે, વાઈસ-પ્રેસિડેન્ટ તરીકે ચૂંટાયાં બાદ નાનકડી છોકરી માત્ર એવી દુનિયા અંગે જાણે છે, જ્યાં એક મહિલા અમેરિકાની ઉપરાષ્ટ્રપ્રમુખ છે. તે ભારતમાંથી આવે છે, એક દેશ (વિશ્વભરના અન્યની જેમ) જ્યાં ઘણી મહિલા નેતાઓ છે, અમેરિકામાં તે પહેલી મહિલા બનશે એ વિશ્વાસ કરવો મુશ્કેલ છે. જોકે આ અંતિમ નહીં હોય એ વિશ્વાસ સાથે. '

આ પહેલાં પ્રિયંકા ચોપરા વોગના કવર પેજ પર જોવા મળી હતી
પ્રિયંકા ચોપરા વોગ અમેરિકાના કવર પેજ પર વર્ષ 2019ના જાન્યુઆરી અંકમાં જોવા મળી હતી. પ્રિયંકા ચોપરા પહેલી ભારતીય સેલેબ હતી, જે વોગ અમેરિકાના કવર પેજ પર આવી હતી.

વોગે પર કમલા હેરિસનો ફોટો શૅર કર્યો તો વિવાદ થયો
વોગના ફેબ્રુઆરી ઈસ્યુમાં કમલા હેરિસ કવર પેજ પર જોવા મળશે. વોગે પોતાના સોશિયલ મીડિયામાં કમલા હેરિસની તસવીરો શૅર કરી હતી. એક તસવીરમાં કમલા હેરિસ ગ્રીન-પિંક બેકગ્રાઉન્ડમાં જોવા મળે છે, જ્યારે અન્ય તસવીરમાં ગોલ્ડન બેકગ્રાઉન્ડમાં જોવા મળે છે. જોકે તસવીરો શૅર કર્યા બાદ જ વિવાદ ઊભો થયો હતો. સોશિયલ મીડિયામાં યુઝર્સે વોગ પર એવો આક્ષેપ મૂક્યો છે કે તેણે મેગેઝિનના કવર પેજ પર કમલા હેરિસના સ્કીન ટોનને યોગ્ય રીતે બતાવવામાં આવ્યો નથી. યુઝર્સે 'વ્હાઈટવોશિંગ'નો આક્ષેપ પણ કર્યો છે. આ ઉપરાંત યુઝર્સે ફોટોઝને વ્યવસ્થિત રીતે એડિટ ના કર્યા હોવાની વાત પણ કરી હતી. યુઝર્સે આ અંગે પોતાના નારાજગી પ્રગટ કરીને સોશિયલ મીડિયામાં ગુસ્સો વ્યક્ત કર્યો છે.

Download Dainik Bhaskar App to read Latest Hindi News Today


પ્રિયંકા ચોપરા તથા કમલા હેરિસ

Source

લોકડાઉનમાં 36 કરોડ રૂપિયા ફી વધી અક્ષય કુમારની, હવે એક ફિલ્મ માટે 135 કરોડ રૂપિયા લેશે

www.divyabhaskar.co.in |

દર વર્ષે 3-4 ફિલ્મોમાં જોવા મળનારા અક્ષય કુમારને બોલિવૂડની સફળતાની ગેરેન્ટી તરીકે જોવામાં આવે છે. તે સૌથી વ્યસ્ત એક્ટર્સમાંના એક છે. ત્યાં સુધી કે લોકડાઉનમાં જ્યારે તે શૂટિંગ ન કરી શક્યા તો તેણે તે સમયનો ઉપયોગ સ્ક્રિપ્ટ વાંચવામાં અને તેને ફાઇનલ કરવામાં કર્યો. રિપોર્ટ્સ મુજબ અક્ષયે માત્ર આગામી બે વર્ષની ફિલ્મો ફાઇનલ કરી છે એટલું જ નહીં તેણે તેની ફી પણ વધારી છે.

2022 માટે 135 કરોડ રૂપિયા ચાર્જ કરશે
બોલિવૂડ હંગામાના રિપોર્ટ અનુસાર, લોકડાઉનના થોડા મહિનામાં અક્ષયે તેની ફી 98 કરોડથી 108 કરોડ કરી. હાલમાં જ સાઈન કરેલી ફિલ્મો માટે 117 કરોડ રૂપિયા લીધા, જે 2021માં રિલીઝ થશે. જ્યારે 2022માં રિલીઝ થનારી ફિલ્મો માટે તે 135 કરોડ રૂપિયા ફી લેશે.

અક્ષયને દરેક પ્રોડ્યુસર કાસ્ટ કરવા ઈચ્છે છે
આ રિપોર્ટ અનુસાર, લો રિસ્ક, લો બજેટ, એશ્યોર્ડ રિટર્ન મોડલ અને માર્કેટમાં તેની ડિમાન્ડને જોઈને દરેક પ્રોડ્યુસર તેને ફિલ્મમાં કાસ્ટ કરવા ઈચ્છે છે. આ જોઈને અક્ષયે ઇકોનોમિક ફોર્મ્યુલા અપનાવીને 2022માં રિલીઝ થનારી તેની બધી ફિલ્મોની ફી વધારીને 135 કરોડ રૂપિયા કરી દીધી.

કેટલું બજેટ હશે અને શું હશે કલેક્શન?
અક્ષયની મોટાભાગની ફિલ્મોનું બજેટ લગભગ 35થી 45 કરોડ વચ્ચે રહેશે. આ સિવાય 15 કરોડ રૂપિયા પ્રિન્ટ અને પબ્લિસિટી પર ખર્ચ થશે. કુલ મળીને ફિલ્મ પર 50થી 60 કરોડ રૂપિયા રહેશે. જો તેમાં અક્ષયની ફી ઉમેરવામાં આવે તો આ બજેટ 185થી 195 કરોડ રૂપિયા વચ્ચે રહેશે. જો ફિલ્મના કલેક્શનની વાત કરીએ તો સેટેલાઇટ અને ડિજિટલ રાઇટ્સથી અંદાજે 80થી 90 કરોડ રૂપિયા આવશે. મ્યુઝિક રાઇટ્સથી અંદાજે 10 કરોડ રૂપિયાની કમાણી થશે. ભારતમાં બોક્સઓફિસ કલેક્શન 210થી 220 કરોડ રૂપિયા હશે.

મિત્રને ફીમાં 20%નું ડિસ્કાઉન્ટ આપ્યું
જણાવવામાં આવી રહ્યું છે કે પોતાના મિત્ર પ્રોડ્યુસર સાજીદ નડિયાદવાલાને અક્ષયે તેની ફીના માર્કેટ રેટના હિસાબે 20%ની વિશેષ છૂટ આપી છે. કારણકે સાજીદ મોટા પાયે ફિલ્મ બનાવવાનું પ્લાનિંગ કરી રહ્યા છે અને અક્ષય નથી ઈચ્છતો કે તેના પર ભાર આવે.

Download Dainik Bhaskar App to read Latest Hindi News Today


અક્ષય કુમારની અપકમિંગ ફિલ્મોમાં ‘સૂર્યવંશી’, ‘અતરંગી રે’, ‘પૃથ્વીરાજ’, ‘રામસેતુ’, ‘મિશન લાયન’, ‘રક્ષાબંધન’ વગેરે સામેલ છે.

Source

પોતાના ઘરે ટેરેસ પર એક સસ્ટેનેબલ ગાર્ડન તૈયાર કરવા ઈચ્છે છે માનુષી છિલ્લર, કહ્યું- હું તેમાં ઘણા પ્રકારના ફળ અને શાકભાજી પણ ઉગાડીશ

www.divyabhaskar.co.in |

પૂર્વ મિસ વર્લ્ડ માનુષી છિલ્લર 'પૃથ્વીરાજ'થી બોલિવૂડ ડેબ્યુ કરવા જઈ રહી છે, એક્ટ્રેસને તેના ફ્રી ટાઈમમાં ગાર્ડનિંગ કરવું ઘણું પસંદ છે. તે પોતાના ટેરેસને એક સસ્ટેનેબલ ગાર્ડનમાં ફેરવવા ઈચ્છે છે. જેથી તે પ્રકારના ગાર્ડનિંગથી પર્યાવરણ અને દુનિયાના લોકોને કોઈ નુકસાન ન થાય.

માનુષીએ જણાવ્યું, 'હું મારા ઘરના ટેરેસ પર એક સસ્ટેનેબલ ગાર્ડન તૈયાર કરવા ઈચ્છું છું. આના માટે મેં મારા ઘરમાં અલગ-અલગ પ્રકારના છોડ પણ લગાવવાના શરૂ કરી દીધા છે. હું તેમને એકસાથે ઉછરતા જોવા માટે રાહ જોઈ રહી છું. આ મારું ડ્રીમ ગાર્ડન હાલ એકદમ શરૂઆતના સ્ટેજમાં છે. તેને ધીરે ધીરે એકસાથે મોટું કરવામાં મારે મહિનાઓ સુધી કામ કરવું પડશે.'

ફળ અને શાકભાજી ઉગાડવા ઈચ્છું છું'
માનુષીએ આગળ કહ્યું, 'કારણકે હું શાકાહારી છું, આ ગાર્ડન નિશ્ચિત રૂપે જિંદગી જીવવાનો કોન્સેપ્ટ રજૂ કરતું હોમ ગાર્ડન બનશે. હું આગળ ભવિષ્યમાં આ ગાર્ડનમાં વિવિધ જાતના ફળ અને શાકભાજી ઉગાડવા ઈચ્છું છું. હું ઓર્ગેનિક અને સસ્ટેનેબલ લિવિંગ વિશે શીખવાના આ સફર પર ચાલવા માટે ઘણી ઉત્સુક છું.'

ફિલ્મ 'પૃથ્વીરાજ'થી બોલિવૂડ ડેબ્યુ કરી રહી છે માનુષી
માનુષી 'પૃથ્વીરાજ' ફિલ્મથી બોલિવૂડ ડેબ્યુ કરી રહી છે. ફિલ્મમાં માનુષીની ઓપોઝિટ અક્ષય કુમાર છે. ફિલ્મ રાજા પૃથ્વીરાજ ચૌહાણના જીવન પર આધારિત છે અને ફિલ્મમાં માનુષી સંયોગિતાના રોલમાં છે. ફિલ્મમાં સંજય દત્ત પણ છે. આ ફિલ્મના ડિરેક્ટર ડો. ચંદ્રપ્રકાશ દ્વિવેદી છે જેમણે મહાકાવ્ય 'ચાણક્ય' અને પિરિયડ ડ્રામા 'પિંજર'ને ડિરેક્ટ કર્યા હતા.

આ સિવાય માનુષી કથિત રીતે વિકી કૌશલ સાથે એક કોમેડી ફિલ્મમાં પણ સામેલ હોઈ શકે છે. માનુષી વર્ષ 2017માં મિસ વર્લ્ડ બની હતી. તે દુનિયાની સૌથી સુંદર મહિલાઓમાં સામેલ છે. મિસ વર્લ્ડ બનવા માટે માનુષીને ઘણો સંઘર્ષ કરવો પડ્યો હતો.

Download Dainik Bhaskar App to read Latest Hindi News Today


Manushi Chhillar Wants To Create A Sustainable Garden On The Terrace Of Her House

Source

વડોદરા : બચાર ગામે વાડા બાબતે થયેલી તકરારમાં એક ઈસમ પર હિંસક હુમલો

gujarati.oneindia.com |
વડોદરા : બચાર ગામે વાડા બાબતે થયેલી તકરારમાં એક ઈસમ પર હિંસક હુમલો

Source

ભરૂચ : એક માસ માટે બંધ રહેનાર કસક ગરનાળું વાહનવ્યવહાર માટે ખુલ્લું રહેશે

gujarati.oneindia.com |
ભરૂચ : એક માસ માટે બંધ રહેનાર કસક ગરનાળું વાહનવ્યવહાર માટે ખુલ્લું રહેશે

Source

'રામ જાને' જેવી ફિલ્મોના પ્રોડ્યુસર પ્રવેશ સી. મેહરાનું નિધન, એક મહિનાથી કોરોના સામે લડી રહ્યા હતા

www.divyabhaskar.co.in |

શાહરુખ ખાન સ્ટારર 'ચમત્કાર' (1992) અને 'રામ જાને' (1995) જેવી ફિલ્મોના પ્રોડ્યુસર પ્રવેશ સી. મેહરાનું નિધન થયું છે. તે અંદાજે એક મહિનાથી કોરોના સામે લડી રહ્યા હતા. રિપોર્ટ્સ અનુસાર શુક્રવાર સાંજે 4 વાગ્યે તેમણે મુંબઈની બ્રીચ કેન્ડી હોસ્પિટલમાં અંતિમ શ્વાસ લીધા.

ઘણા વર્ષો મિનર્વા સિનેમાના માલિક રહ્યા
પ્રવેશ મેહરા 71 વર્ષના હતા. તેમના પરિવારમાં એક દીકરો અને દીકરી સિવાય, એક મોટી બહેન અને ત્રણ નાના ભાઈ ઉમેશ, રાજેશ અને રાજીવ છે. તે લાંબા સમય સુધી મુંબઈમાં મિનર્વા સિનેમાના માલિક રહ્યા, જ્યાં 1975ની સુપરહિટ ફિલ્મ 'શોલે' 5 વર્ષ સુધી લાગી હતી.

આ ફિલ્મોને પણ પ્રોડ્યુસ કરી હતી
'ચમત્કાર' અને 'રામ જાને' સિવાય પ્રવેશ મેહરાએ 'સલાખેં' (1975), 'અશાંતિ' (1982), 'આખિરી અદાલત' (1988), 'શિકારી: ધ હન્ટર' (1991) અને 'કિલા' (1998) જેવી ફિલ્મો પણ પ્રોડ્યુસ કરી હતી.

Download Dainik Bhaskar App to read Latest Hindi News Today


Shah Rukh Khan Starrer Ram Jaane’s Producer Parvesh C. Mehra Dies Of COVID 19

Source

error:
Scroll to Top